Sarugo di bawah Tapak Kaki Mandeh

Dantuang badantang bunyi tabuah
Sumbayang limo wukatu
Baibadaik basungguh sungguh
Sikola tuntuik ilimu

Kok sarugo di iman taguah
Kok narako di tingkah laku

Jikok upiak kok isuak lah gadang
Usah upiak malawan mandeh
Kok nak tau lataknyo sarugo
Di bawah tapak kaki mandeh

(Dipopulerkan oleh Elly Kasim, Sumbangan lirik oleh Inyiak Darwas Ibrahim)

Baraja Bajalan

Ta..ta..tah, Ta..ta. tah
Ta tah adiak den ta tah
Bapacik arek-arek diak
Hati hati malangkah

Ta..ta..tah, Ta..ta. tah
Usah taburu buru
Jikok adiaklah panek diak
Baranti malah daulu

Alah malangkah adiak den kini
Jikok bajalan ta oyong oyong
Isuak kok pandai adiak balari
Kito bamain sipak tekong

(Dipopulerkan oleh Santy Nuskan 1977, Sumbangan lirik oleh Inyiak Darwas Ibrahim)

Pak Wali

Apo kasalah wak pak wali
Apo kasalah wak wali
Kok utang ka dibaia pak wali
Kok doso ka ditimbang

Apo kasalah wak kudeyen
Apo kasalah wa kudeyen
Kok utang ka dibaia kudeyen
Kok doso ka ditimbang kudeyen

Malang bacinto …
…

(Sumbangan lirik oleh Inyiak Darwas Ibrahim)

Batanam Mumbang

Tahun nan lalu ( yo nan lalu )
Uda den nanti (alah den cari diak )
Namun kito (namun kito )
Indak basuo

Den kirim surek (den tarimo)
Baa kabanyo (alah baleh diak)
Namun kito
Namun kito indak basuo

Dicubo batanam mumbang
Untuang untuang jadi kalapo
Dicubo batanam sayang
Untuang manjadi cinto

Maliek kito baduo
Tasengeang nan tuo-tuo
Takana maso mudonyo
Ondeh

(Sumbangan lirik oleh Inyiak Darwas Ibrahim)

Mamak Sanang

Panek bajalan lah ka Indaruang (alah tuan oi)
Baranti dulu si minum kopi
Baa ka diarok si bapak kanduang (alah tuan oi)
Nan tiok kelok tiok babini

Iyo lah iyo bana – 3x
Alah tuan oi

Panek bajalan lah ka Indaruang (alah adiak oi)
Baranti dulu si minum kopi
Baa ka diarok lah si mandeh kanduang (alah adiak oi)
Makin lah gaek makin manjadi

Iyo lah samo sajo – 3x
Untuang awak ko

Anak lah urang balayang-layang (alah kawan oi)
Putuih talinyo ateh ilalang
Tibo di apak ambo jadi mamak sanang (alah tuan oi)
Tibo lah di amak ambo jadi etek girang

Iyo lah iyo bana – 3x
Dunia lah tuo …

(Ciptaan Oslan Husein, Dipopulerkan oleh Ernie Djohan dan Oslan Husein)

download mp3 nya di sini

Ikan Kekek

Kaik bakaik rotan sago
Alah takaik di aka baha
Tabang ka langik tabarito
Tibo di bumi jadi kaba

Bakaba kini kami di rantau
Kaba lamo kami sampaikan
Lagu nan lamo kami dendangkan

Urang Padang maelo rantai
Rantai dielo tapi muaro
Sajak ketek badan marasai
Tibo di siko sansaro pulo

Reff :

Langkah nan alah dilangkahkan
Malu bana ka babaliak suruik
Sabalun sampai nan dimukasuik

(Ciptaan Oslan Husein, Dipopulerkan oleh Orkes Gumarang)

download mp3 nya di sini

Alah Bapunyo

Iyo lai den rambah (yo den rambah), nyo nan tumbuah juo
Iyo lai den tagah (yo den tagah), nyo nan namuah juo
Iyo lai den kabek (yo den kabek), nyo nan lapeh juo
Iyo lai den ikek (yo den ikek), pai keh rang punyo

Indak den sangko (indak den sangko) bak cando iko
Taratai tumbuah (taratai tumbuah) di tapi talago
Indak den sangko (indak den sangko) sarupo iko
Janji taukia (janji taukia) di muluik sajo

Iyo lai den rambah (yo den rambah), nyo nan tumbuah juo
Iyo lai den tagah (yo den tagah), nyo nan namuah juo
Iyo lai den kabek (yo den kabek), nyo nan lapeh juo
Iyo lai den ikek (yo den ikek), pai keh rang punyo

Indak den sangko (indak den sangko) si sari kayo
Elok dimakan (elok dimakan) jikok basamo
Indak den sangko (indak den sangko) bak cando iko
Tacinto gadih (tacinto gadih) alah bapunyo

Iyo lai den rambah (yo den rambah), nyo nan tumbuah juo
Iyo lai den tagah (yo den tagah), nyo nan namuah juo
Iyo lai den kabek (yo den kabek), nyo nan lapeh juo
Iyo lai den ikek (yo den ikek), pai keh rang punyo

Pai keh rang punyo -4x

(Ciptaan Oslan Husein, Dipopulerkan oleh Ernie Djohan dan Oslan Husein)

download mp3 nya di sini

Usah Dipatenggangkan

Angan di hati pulang ka kampuang
Manyuntiang adiak baok badayuang
Babiduak balaia ka pulau cinto
Bakasiah sayang bahu mambahu
Manyonsong badai

Tapi parasaian manyisiah angan
Dayuang den singkek biduak den oleang
Badai di lauik adiak tagamang
Sansai di rantau adiak juo
Ka sansaro

Elok lah cari gantinyo
Usah denai dipatenggangkan
Ndak guno hati dipaibo bana
Kato urang cinto ndak musti basatu

Dimalah kasiah indak kabacarai
Nyao jo badan cukuik janjian
Bacarai juo

(Ciptaan (?), Dipopulerkan oleh Charles Hutagalung, Sumbangan lirik oleh Inyiak Darwas Ibrahim)

Sapucuak Surek

Sapucuak surek den kirim
Manjalang Uda nan surang
Batahun batuka musim
Lakehlah pulang

Sapucuak surek den kirim
Badawaik si aia mato
Co biduak manyonsong angin
Denai kini ko

Dek badan umpamo daun
Urang tapacik nan dibatangnyo
Oi Uda kanduang, danga-dangakan
Ratok denai ko

Kok banang manjadi tali
Baa kain nan ka jadinyo
Oi Uda kanduang, gungguanglah denai
Tabangkan juo

(Ciptaan(?), Dipopulerkan oleh Hetty Koes Endang, Sumbangan lirik oleh Z Mochtar)

Apuang Apuang

Bialah pandan tumbuahnyo gadang
Daunnyo panjang jelo bajelo
Mangkonyo denai pai jo urang
Iduik jo Uda mungkin sansaro

Rumpuik saruik panjanglah baa
Pandan dirimbo lah maladuangkan
Sakik iduik sananglah baa
Lah panek badan dek manangguangkan

Sapulah sarok, sarok jarami
Usah dibuang di dakek dapua
Apo diharok yo bakeh kami
Untuang bak abu diateh tungku

Apuang apuang Sitinjau Lauik
Sandaran badia jo mariam
Den sapantun jo limau hanyuik
Dima tasangkuik sinan bamalam

(Terakhir dipopulerkan oleh Fetty dan Zalmon)