Yo Nan Lamo

Iyo mandaki ka Gunuang Padang
Ondeh manurun nak manyubarang
Tuan nan surang tak kunjuang hilang
Iyo siang malam tabayang-bayang

Ditampi bareh ditampi
Ditampi badadak juo
Diganti alah diganti
Yo nan lamo takana juo

Iyo lah dakek jalan Kurinci
Jauah lah jauah ka Mukomuko
Iyo lah sansai badan mananti
Ondeh nan dinanti tak kunjuang tibo

Ditampi bareh ditampi
Ditampi badadak juo
Diganti alah diganti
Yo nan lamo takana juo

(Ciptaan (?), Dipopulerkan oleh Lily Syarief, 1960 )
©ourtesy of http://laguminanglamo.wordpress.com/

Usah Denai Dituduah Juo

Usah denai disangko juo
Denai nan indak manaruah cinto
Denai hanyo kawan biaso
Usahlah denai dituduah juo

Jikok dicaliak pado diri
Banyak nan kurang pado nan lai
Indak mungkin rasonyo hati
Nan ka manjuluak bintang di langik

Denai lai mangaku juo
Satiok insan manaruah cinto
Tapi kini apo ka dayo
Jodoh di tangan Tuhan kuaso

Usah denai disangko juo
Denai nan indak manaruah cinto
Denai hanyo kawan biaso
Usahlah denai dituduah juo

(Ciptaan Rustam Raschani, Dipopulerkan oleh Rustam Raschani, 1978 )
©ourtesy of http://laguminanglamo.wordpress.com/

Kasiah di Bulan Tujuah

Kok dikana kisah nan lalu
Maso di talago biru
Manihnyo kisah kito jalani
Kasiah nan suci kito alami

Kok dikana tantu dikana
Malah di denai tabayang-bayang
Janji kito jan sampai lapuak
Kasiah nan suci di bulan tujuah

Reff :

Tapi diak sayang, kito bapisah dulu
Bapisah tampek jo nagari
Usahlah cameh kasiah tak ka sampai
Jikok jodoh indak kamano

Mari sayang kito sabiduak
Sadayuang kito ka baruah
Janji kito jan sampai lapuak
Kasiah nan suci di bulan tujuah

(Ciptaan Masroel Mamudja, Dipopulerkan oleh Rustam Raschani dan Wati Yusuf, 1978 )
©ourtesy of http://laguminanglamo.wordpress.com/

Doa Untuak Bundo

Muaro aianyo dalam
Pai babiduak kito ka hulu
Oi Bundo, lakehlah datang
Yo nak pai ka rantau jauah
Oi Bundo, lakehlah datang
Yo nak pai ka rantau jauah

Badarai darai daun katapang
Jatuah ditimpo si daun jati
Bia bacarai jo anak dagang
Asa jan bacarai jantuang jo hati

Lai den tuga si kacang panjang
Tumbuah daunnyo bajelo-jelo
Sananglah tingga bundo di kampuang
Kok lai ka mujua kito basuo
Sananglah tingga bundo di kampuang
Kok lai ka mujua kito basuo

Badarai darai daun katapang
Jatuah ditimpo si daun jati
Bia bacarai jo anak dagang
Asa jan bacarai jantuang jo hati

(Ciptaan Rustam Raschani, Dipopulerkan oleh Rustam Raschani, 1978 )
©ourtesy of http://laguminanglamo.wordpress.com/

Lakehlah Pulang

Yo lah lamo oi Uda di rantau
Lah putiah mato denai mananti
Rindu taragak di dalam hati (kanduang)
Ondeh …, oi Uda lakehlah pulang

Samaso dulu oi Uda bajanji
Cinto nan indak Uda mungkiri
Gunuang Singgalang manjadi saksi (kanduang)
Ondeh …, oi Uda lakehlah pulang

Reff :

Ondeh Uda, tenggangkan malah hati nan ibo
Cincin diikek di jari manih apo gunonyo
Mangakok Uda talambek pulang yo dari Djao
Dek arok cameh raso Uda lai ka tibo

Tabanglah angin oi Gunuang Singgalang
Bisiakkan pasan kasiah di rantau
Sampaikan rindu jo kasiah sayang (kanduang)
Ondeh …, oi Uda lakehlah pulang

(Ciptaan Rustam Raschani, Dipopulerkan oleh Wati Yusuf, 1978 )
©ourtesy of http://laguminanglamo.wordpress.com/

Janji di Batang Anai

Batang lah Anai lurahnyo dalam
Dilingkuang bukik (yo tuan) Gunuang Singgalang -2x
Kasiah lah denai batambah dalam
Bakeh lah Tuan (oi kanduang) iyo nan surang -2x

Reff :

Lai den tuai, padi den tuai
Di tangah sawah (oi kanduang) urang barami
Jikok lai kato samo sasuai
Di Batang Anai (oi kanduang) kito bajanji

Urang Silaiang ka Bukiktinggi
Pai mambali (oi kanduang) karupuak sanjai -2x
Kasiah lah sayang buliah dicari
Bia nak saluang (oi kanduang) nan manyampaikan -2x

(Ciptaan Rustam Raschani, Dipopulerkan oleh Elly Kasim 1969 Wati Yusuf, 1978 )
©ourtesy of http://laguminanglamo.wordpress.com/

Rintihan di Hari Sanjo

Jikok hari manjalang sanjo
Langik hijau merah sago
Raso putuih badan jo nyao
Tuan tabayang juo

Lai denai nak malupokan
Tapi indak ado dayo
Dek tikam mato Tuan juo
Ondeh sansailah jadinyo

Reff :

Oi angin sampaikanlah salam
Salam rindu dari udaro
Jikok Tuan lai marasokan
Danyuik jantuang di dalam dado

Usah denai dibari arok
Seso dalam bacinto
Cubolah oi Tuan ranuangkan
Rintihan di hari sanjo

(Ciptaan Rustam Raschani, Dipopulerkan oleh Wati Yusuf, 1978 )
©ourtesy of http://laguminanglamo.wordpress.com/

Urang Mudo Dalam Bacinto

Ondeh …, baa jadinyo …
Dek urang mudo dalam bacinto
Ondeh …, baa jadinyo …
Dek urang mudo dalam bacinto

Babisiak ombak di lautan
Tandonyo hujan ka manjadi
Babisiak denai ka Tuan surang
Cinto mamandam di dalam hati

Ondeh …, baa jadinyo …
Dek urang mudo dalam bacinto
Ondeh …, baa jadinyo …
Dek urang mudo dalam bacinto

Sakapua siriah tando tanyo
Uda nan tidua di dalam mimpi
Ka Uda surang denai batanyo
Usahlah ragu di dalam hati

Ondeh …, baa jadinyo …
Dek urang mudo dalam bacinto
Ondeh …, baa jadinyo …
Dek urang mudo dalam bacinto

(Ciptaan Rustam Raschani, Dipopulerkan oleh Elly Kasim dan Wati Yusuf)
©ourtesy of http://laguminanglamo.wordpress.com/

Kasiah di Ambun Pagi

Oi kabuik tinggalah tabiang
Lah pueh bukik dek kapanehan -2x
Denai sangko lai ka dibimbiang
Kironyo kasiah uda bajalan -2x

Reff :

Ambun di bukik manggajuju
Nampak di lereang pandakian
Denai dibujuak nan jo tabu
Batang tibarau baunjuakkan

Lah karam biduak di nan tanang
Hanyuiklah denai nan dej aruihnyo -2x
Tinggalah mimpi jo rasian
Di Ambun Pagi kasiah binaso -2x

(Ciptaan Rustam Raschani, Dipopulerkan oleh Wati Yusuf, 1978 )
©ourtesy of http://laguminanglamo.wordpress.com/

Karuak Karuak

Oi karuak-karuak, tabanglah baa
Tabang ka ranah, oi Ranah Minang -2x
Ondeh di Taluak, Uda den tingga
Kasiah diguluang dek ombak gadang -2x

Jikok nyo lalok tolong jagokan
Kok sadang mandi tolong gusuakkan
Alah mamakai, cubo lakekkan
Lakeklah cincin si balah rotan …

Oi karuak-karuak, tabanglah baa
Tabang ka ranah, oi Ranah Minang -2x
Ondeh di Taluak, Uda den tingga
Kasiah diguluang dek ombak gadang -2x

Jikok nyo lalok tolong jagokan
Kok sadang mandi tolong gusuakkan
Alah mamakai, cubo lakekkan
Lakeklah cincin si balah rotan …

(Ciptaan Rustam Raschani, Dipopulerkan oleh Wati Yusuf, 1978 )
©ourtesy of http://laguminanglamo.wordpress.com/