Sobaik kanduang nan gadang di rantau urang
Dangalah imbau kampuang, silaulah pulang
Kok rindu Gunuang Marapi mangalun saluang jo bansi
Taragak urang Piaman bapasan jo lagu indang
Talempong mandayu-dayu
Ditingkah bunyi kucapi
Rang rantau kami lah rindu
Janguaklah tapian mandi
Ondeh…, kami nanti jo Randang Padang
Ganti baganti jo Nasi Kapau
Karupuak sanjai, galamai, Songket Silungkang
Buah tangan pakirim baliak ka rantau
Sobaik kanduang jan lupo jalan ka kampuang
Sanak lah jauak kini Minang lah jombang
Medan Bapaneh di Agam, Istano di Pagaruyuang
Nan Bunguih makin sumarak, nan danau samakin rancak
Sobaik kanduang nan gadang di rantau urang
Dangalah imbau kampuang, silaulah pulang
Kok rindu Gunuang Marapi mangalun saluang jo bansi
Taragak urang Piaman bapasan jo lagu indang
Barabab urang Pasisie
Nan Padang badendang pauah
Basabab pulau manangih
Dek biduak samakin jauah
(Ciptaan (?), Dipopulerkan oleh Fetty dan Zalmon)
©ourtesy of http://laguminanglamo.wordpress.com/
takana plg dek nyo,,,sambalado jo uwok patai,,