Sansai

Rintiak-rintiak hujan nan turun
Baunduang kain kaganti payuang
Rintiak-rintiak hujan nan turun
Baunduang kain kaganti payuang

Aia jo nasi, aia jo nasi baraso racun
Dek ulah sumpah kanduang, mamak nan kanduang
Aia jo nasi, aia jo nasi baraso racun
Dek ulah sumpah kanduang, mamak nan kanduang

Payuang lah cabiak dilando badai
Ganti jo kain suto limbayuang
Payuang lah cabiak dilando badai
Ganti jo kain suto limbayuang

Untuang lah sudah, untuang lah sudah badan ko sansai
Sajak ditingga kanduang, bapak nan kanduang
Untuang lah sudah, untuang lah sudah badan ko sansai
Sajak ditingga kanduang, bapak nan kanduang

Guruah jo patuih solang manyolang
Hujan nan turun manjalang sanjo
Guruah jo patuih solang manyolang
Hujan nan turun manjalang sanjo

Sabana nasib, sabana nasib diriko malang
Kamano untuang ambo, ka ambo baok
Sabana nasib, sabana nasib diriko malang
Kamano untuang ambo, ka ambo baok

Angin bakisa hujan pun taduah
Udaro dingin manusuak tulang
Angin bakisa hujan pun taduah
Udaro dingin manusuak tulang

Disiko hati, disiko hati makonyo rusuah
Takana untuang malang, nasib nan malang
Disiko hati, disiko hati makonyo rusuah
Takana untuang malang, nasib nan malang

(Ciptaan Yan Juned, Dipopulerkan oleh Yan Juned, 1975)
©ourtesy of http://laguminanglamo.wordpress.com/

Advertisement