Datuak Sagalo

Ota gadang balapia-lapia
Urang mandanga disangko pandia
Baliak balakang lah kanai cibia
Nyo baciloteh bakcando aia

Lakek gala Datuak Sagalo
Carito urang, carito inyo
Urang di “a” nyolah tibo di “o”
Kok disolang nyo tabik rabo

Heee … Heeee ….

Dima kusuik nan kasalasai
Awak binguang disangko pandai
Tabang tinggi sayok maradai
Apo nan dikakok bapetai-petai – 2x

Lakek gala Datuak Sagalo
Carito urang, carito inyo
Urang di “a” nyolah tibo di “o”
Kok disolang nyo tabik rabo

[kembali ke atas]

(Ciptaan (?), Dipopulerkan oleh Syamsi Hasan, Sumbangan lirik oleh Ijoenk)
©ourtesy of http://laguminanglamo.wordpress.com/

Haha Hihi

Hujen ghintiak-ghintiak
Lauak masiak dalam talago
Pacah paghang nagaghi bakiak
Ughang pulang batimpo-timpo

Hujen ghintiak-ghintiak
Lauak masiak dalam talago
Pacah paghang nagaghi bakiak
Ughang pulang batimpo-timpo

Cadiak paliang cadiak kancia di dalam ghimbo
Kalah balaghi batunang jo syipuik di tapi aia
Caliak hei mancaliak, caliak bak nyato-nyato
Usah mangecek kalamak, kalamak indak bapikia

Duduak malam-malam yang simben bak ado kopi
Limpiang sagu angek-angek kok ado labiah bak kanai
Dek aghok baghagom, baghagom lah hilang gaji
Haha hihi haha hihi, haha hihi haha hihi …

[kembali ke atas]

(Ciptaan Rafly, Dipopulerkan oleh Rafly, Lagu berbahasa Minang dialek Aneuk Jamee, dari Aceh Selatan)
©ourtesy of http://laguminanglamo.wordpress.com/

Malapeh Layang Layang

Rami lah urang di tangah sawah
Urang malapeh yo layang-layang
Den baok pulo layang-layang den
Kok untuang namuah yo den naiakkan

Den pacik kuaik pado nyo lapeh
Padiah tangan den dek mamacikkan
Kironya datang badai mahampeh
Layang-layang den putuih di tangan

Reff:

Antah lo badai yo nan lah datang
Antah kok banang yo nan lah lapuak
Layang-layang den putuih di tangan
Putuih maraok ka ladang urang

(Ciptaan (?), Dipopulerkan oleh Sibinuang, Sumbangan lirik oleh Ijoenk)
©ourtesy of http://laguminanglamo.wordpress.com/

Risau Lai

Dima lah padi nan indak ka hampo
Mancik di sawah yo nan mahabihkan
Dima lah hati yo ndak ka ibo
Ameh jo perak yo lah basisiahkan

O … Risaulai
Rami lah urang yo di Malalak
Hari nan sadang tangah hari
Lah dapek gadiang nan batuah
Tabuang tanduak kabau mati

Dima lah padi nan indak ka hampo
Mancik di sawah yo nan mahabihkan
Dima lah hati yo ndak ka ibo
Ameh jo perak yo lah basisiahkan

Reff:

O … Risaulai
Ramilah pasa Kampuang Jao
Rami dek anak Taluak Bayua
Dunsanak ameh kami timbago
Dima ka dapek campua baua

Dima lah padi nan indak ka hampo
Mancik di sawah yo nan mahabihkan
Dima lah hati yo ndak ka ibo
Ameh jo perak yo lah basisiahkan

(Ciptaan (?), Dipopulerkan oleh Sibinuang, Sumbangan lirik oleh Ijoenk)
©ourtesy of http://laguminanglamo.wordpress.com/

Galok

Galok …, galok …
Hari nan tarang … kini lah galok …
Kinilah galok
Hujan …, hujan …
Itu tandonyo hari ka hujan …
Hari ka hujan

Dima lah denai … yo ka bataduah
Pondok nan ketek ondeh … lah tirih pulo
Basah badan den … ditimpo hujan
Indak den sangko ondeh … bacando iko

Reff:

Ibo …, ibo…..
Ibo hati den mangana untuang …
Mangana untuang
Galok …

(Ciptaan (?), Dipopulerkan oleh Sibinuang, Sumbangan lirik oleh Ijoenk)
©ourtesy of http://laguminanglamo.wordpress.com/

Ka Pulang Juo

Oi … bulan taranglah baa
Lah ilang si matohari
Onde uda pulanglah baa
Adiak lah lamo yo dek mananti – 2x

Oi … adiak basaba malah
Uda ka lai ka pulang juo
Bia lambek asa salamaik
Indak ka lari diak gunuang dikaja

Kok uda pai ka Jao
Oi … baoklah si sapu tangan
Bia lai biapun tido
Asakan duduak yo bapandangan – 2x

[kembali ke atas]

(Ciptaan (?), Dipopulerkan oleh Sibinuang, Sumbangan lirik oleh Ijoenk)
©ourtesy of http://laguminanglamo.wordpress.com/

Laloklah Adiak

Lalok sayang, lalok piciangkan mato
Usah adiak, usah manangih juo
Sanang lah diak, sanang dalam buayan
Barisuak siang kito bamain pulo

Reff:

Kok lah gadang elok-elok lah laku
Buliah nan sayang urang bakeh awak
Turuik parintah ayah jo bundo
Buliah nak salamaik iduik di dunia

Oi … upiak kok ka ladang
Bantulah yo amak nan sadang manuai
Oi … upiak kok lah gadang
Eloklah mamiliah kawan nan sasuai

(Ciptaan (?), Dipopulerkan oleh Sibinuang, Sumbangan lirik oleh Ijoenk)
©ourtesy of http://laguminanglamo.wordpress.com/

Kok Lai Saba

Oi … uda … (apo diak)
Tadi malam den barasian
Rasonyo uda digigik ula

Oi … adiak … (apo da)
Usah adiak pancameh bana
Rasian pamenan lalok

Cameh lah bana denai rasonyo
Takuik den uda dirabuik urang
Tasansai badan den surang

Uda nan indak ka mungkia janji
Usahlah adiak maraso cameh
Sakik sanang kito baduo

Oi … uda … (apo diak)
Kok baitu yo janji uda
Lah sanang hati den kini

Oi … adiak … (apo uda)
Samo sanang rasonyo hati
Lah sampai mukasuik kito

(Ciptaan (?), Dipopulerkan oleh Sibinuang, Sumbangan lirik oleh Ijoenk)
©ourtesy of http://laguminanglamo.wordpress.com/

Balahan Nyao

Bungo rayo tumbuah sabatang
Tumbuah luruih dakek talago
Oi … sampai hatinyo rang paladang
Kumbang ka inggok ditapuaknyo

Oi … diak kanduang balahan nyao
Usah denai disalahkan
Kok santano denai lai basayok
Den gungguang adiak den baok tabang

Di mato indak talalokkan
Di hati indak talupokan
Lah harok bana den ka adiak
Apo kadayo badan denai

(Ciptaan (?), Dipopulerkan oleh Sibinuang, Sumbangan lirik oleh Ijoenk)
©ourtesy of http://laguminanglamo.wordpress.com/

Bacarai Lamo

Bia badarai o .. sayang padi puluik
Nan ko badarai o.. sayang indak babuah
Bia bacarai o .. sayang kito di muluik
Asa di hati barubah…, indak barubah

Reff:

Bialah uda kiniko di tangan urang
Denai mananti …, mananti jo hati saba
Jikok lai untung basuo …, kito basuo

Dari tapian o .. sayang nak ka muaro
Batang Kanari.., kanari dari Muntaun
Jan dikatokan o .. sayang bacarai lamo
Yo nan sahari .. satahun .. raso satahun

(Ciptaan (?), Dipopulerkan oleh Sibinuang, Sumbangan lirik oleh Ijoenk)
©ourtesy of http://laguminanglamo.wordpress.com/