Archive Page 13



Biduak Pincalang

Biduak pincalang ditimpo badai (ndeh mamak oi)
Apo ka tenggang si juru mudi
Sadang basayang dipaso carai (ndeh mamak oi)
Apo ka tenggang si badan diri

Reff:

Bakcando awan di puncak bukik (ndeh mamak oi)
Bakasiah sayang dalam bacinto
Sabana malang sabana paik (ndeh mamak oi)
Si angin kancang mamisahkannyo

Lah panek badan yo dek mandaki
Arok basuo jalan mandata
Dek alun langkah alun razaki
Indak baguno jikok disasa

Baranti hujan mamaluak bumi (ndeh mamak oi)
Dek paneh garang nan tibo-tibo
Indak manenggang si matohari (ndeh mamak oi)
Mambaok sansai kasudahannyo

(Ciptaan (?), Dipopulerkan oleh Fetty)
©ourtesy of http://laguminanglamo.wordpress.com/

Rang Sumando

Lah didanga salamo nangko
Rang Sumando di Ranah Minang
Ado ampek parakaro
Nan pangka silang sangketo

Rang Sumando kacang miang
Rang Sumando lapiak buruak
Rang Sumando langau hijau
Nan dicari … Rang Sumando Niniak Mamak

Rang Sumando kacang miang, gilo mangieh jo manggisia
Rang Sumando lapiak buruak, gilo maulik anak bini
Rang Sumando langau hijau, pangka bala dalam kampuang
Rang Sumando Niniak Mamak, itu lah tampek lawan baiyo

[kembali ke atas]

(Ciptaan (?), Dipopulerkan oleh Fetty)
©ourtesy of http://laguminanglamo.wordpress.com/

Dapek Karajo

Panek mananti masonyo ka tibo juo
Bak kato janji kok uda dapek karajo

Pandang di adiak sabanyak tu oto
Kok nan ciek ko ndak punyo ambo
Salabiahnyo tu urang nan punyo …

Panek mananti masonyo ka tibo juo
Bak kato janji kok uda dapek karajo

Sajaknyo uda dapek karajo
Hilia jo mudiak den naiak oto
Angek raso duduak dakek uda …

Ondeh … adiak
Namuah kok adiak manarimo uda …
Kito hiduik yo sederhana

Lamak di adiak sanang di uda
Lalok di lapiak indak baa
Bialah sopir karajo uda
Asa lai taruih roda baputa

Tantu kito hiduik bahagia …
Tantu kito hiduik bahagia …

[kembali ke atas]

(Ciptaan Tiar Ramon, Dipopulerkan oleh Tiar Ramon dan Wida Waty)
©ourtesy of http://laguminanglamo.wordpress.com/

Jikoknyo Lalai

Jikoknyo lalai nan mudo-mudo
Apo jadinyo adaik kito
Adaik ka sansai, sarak binaso
Kok anggan mampalajarinyo

Jikok diinok dipikiakan bana
Bisa manjadi barang antik
Kalau nan mudo indak baraja
Samakin lamo makin sulik

Jikok nan tuo baitu pulo
Usahlah niaik nak mangguluang
Kambangkan bakeh nan mudo-mudo

Usahnyo hilang indak manantu
Eloklah ranji kito kambang
Utang nan mudo manarimo

Sadangkan adaik pusako lamo
Pusako dari niniak moyang
Jikok nan mudo balalai juo
Apo ka dayo Ranah Minang

[kembali ke atas]

(Ciptaan Tiar Ramon, Dipopulerkan oleh Tiar Ramon)
©ourtesy of http://laguminanglamo.wordpress.com/

Hutang Sabalik Pinggang

Lah olai … sipak sintuang …
Kok utangnyo … sabalik pinggang …

Bakcando kacang diabuih ciek
Onjak-onjaki sajo …
Di labuah gadang rambuik bakilek
Apo karajo …

Isi saku sen haram kok ado
Jan ka sabenggo …
Kok topi yo teleang
Bakaco mato …

Reff:

Maota Volvo, ciek tu nan alun punyo
Kok Fiat Marcedes yo punyo urang …
Makan jo maco, hari pakan jo maco juo
Antah bilo maso ka mangicok randang …

Kok caro ka bautang manyalang, Assalamualaikum …
Ota ilia ka mudiak objeknyo, nan gadang-gadang …
Malakik tabukak puro urang, inyo badendang …
Kok kepeang lah datang, inyo pai tabang – 2x

(Ciptaan Masroel Mamudja, Dipopulerkan oleh Betharia Sonata)
©ourtesy of http://laguminanglamo.wordpress.com/

Caraikan Denai

Tabiang malereang bukannyo tabiang … (bukannyo tabiang)
Tabiang labuhan dek kapa tabang -2x
Tuan manggendeang sabana santiang … (sabana santiang)
Takicuih denai mungko balakang – 2x

Mangaku bujang jo angku kadi
Kironyo anak tuan sapuluah kali limo
Anak jo cucu sapangkek bini
Kironyo kini tuan babini baru pulo

Salah rang tuo harok dek kayo
Dapek sumando … rang gaek lah babini limo
Denai dimabuak jo parangainyo

Tinggakan denai, caraikan denai
Alun lah denai … mularaik hiduik ka sansai
Denai ndak takuik yo ka marando
Alah mandapek mangkonyo sansai

(Ciptaan Syahrul Tarun Yusuf, Dipopulerkan oleh Elly Kasim)
©ourtesy of http://laguminanglamo.wordpress.com/

Takana di Bukiktinggi

Denai takana di Bukiktinggi
Maso banyanyi kito badendang
Yo maikek janji cinto kito baduo

Denai takana jo Bukiktinggi
Gunuang Marapi, Gunuang Singgalang
Jo Ngarai Sianok manjadi saksi cinto

Reff:

Rancak candonyo malam kok tibo
Nampak Jam Gadang babatang rabuang

Pandang dek uda bulan nan tarang
Sapantun batu di malam hari
Dima lah bulan jauah lah bintang
Kami baduo mamadu janji

(Ciptaan (?), Dipopulerkan oleh Elly Kasim dan Anas Yusuf)
©ourtesy of http://laguminanglamo.wordpress.com/

Sansai Dagang di Rantau

Hei … lah lai buyuang …
Lah sansai dagang di rantau …

Usah babiduak ka Pulau Pisang
Di Pulau Pisang gadang ombaknyo
Usah babiduak ka Pulau Pisang
Di Pulau Pisang gadang ombaknyo

Usah lah dimabuak, dimabuak badan den sorang
Apo pulo handak dikana, hati paibo

Hei … lah lai buyuang …
Lah sansai dagang di rantau …

Dari Kuranji bajalan kaki
Di Taluak Bayua biduak lah tibo
Lai denai cubo oi cubo batanam kasiah
Kasiah den tatanam oi adiak mailang juo

Hei … lah lai buyuang …
Lah sansai dagang di rantau …

(Ciptaan (?), Dipopulerkan oleh Tiar Ramon)
©ourtesy of http://laguminanglamo.wordpress.com/

Rueh jo Buku

Tasirok oi darah batamu mato
Badabok oi runtuah iman di dado
Buliah denai batanyo, adiak siapo namo
Apo alah ado urang nan punyo

Jan malu oi kamek jo urang rami
Kato urang usah ambiak paduli
Kok taraso di hati, mari kito bajanji
Di Taman Ria sinan diak den nanti

Yo … sananglah hati
Dek ado kini … nan mananti
Yo … dari dahulu
Kini lah batamu … rueh jo buku

Marilah oi adiak marilah sayang
Lieklah di langik cahayo bintang
Di dunia ado sapasang, cando bulan jo bintang
Bak kisah anak gadih jo nak bujang

Yo … sananglah hati
Dek ado kini … nan mananti
Yo … dari dahulu
Kini lah batamu … rueh jo buku

(Ciptaan Rustam Raschani, Dipopulerkan oleh Tiar Ramon)
©ourtesy of http://laguminanglamo.wordpress.com/

Nantikan Denai

Jikok indak lurah jo ngalau
Bukik-bukik jatuah ka ngarai
Jikok indak sarasah maimbau, diak oi
Mungkinnyo cinto nan ka bacarai
Jikok indak sarasah maimbau, diak oi
Mungkinnyo cinto nan ka bacarai

Sarasah oi …, sarasah oi …

Reff:

Aianyo turun dari rimbo
Tampak badarai ditimpo cayo
Di sinan kasiah dulu bamulo, diak oi
Sarasah Burai indak ka lupo
Di sinan kasiah dulu bamulo, diak oi
Sarasah Burai indak ka lupo

Sarasah oi …, sarasah oi …

Mandi-mandi kito ka Burai
Sinan sarasah janiah aianyo …
Nanti-nanti nantikan denai
Badan bapisah yo samantaro …, samantaro …

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 172 other followers

Dari Masa ke Masa


Pengunjung Terbaru

Abdul Razak bin Yuso… on Mudiak Arau
BADINDIN on Badindin
agoez on Pulanglah Uda
ZUHAILY on Ayam den Lapeh
kukuluni on Mudiak Arau
nur hayati az-zanky on Bareh Solok
Miranda ilsi anisya on Talambek Pulang
irfan ibrahim on Batu Tagak

Lokasi Pengunjung

MARAWA

Dikunjungi

  • 2,624,438 orang

Follow

Get every new post delivered to your Inbox.

Join 172 other followers

%d bloggers like this: