Di kaki bukik
Sawah tabantang
Angin babisiak
Sungai banyanyi
Kami bamain
Ateh pamatang
Ayah jo bundo
Batanam padi
Dari jauah
Tadanga bunyinyo suliang
Sayuik sayuik
Diambuih anak gubalo
(Dinyanyikan Santi Nuskan, Sumbangan Lirik Oleh Darwas Ibrahim)
Archive for the ‘Lagu Anak Anak’ Category
14 Mar
Anak Gubalo
14 Mar
Naiak Bendi
Basamo-samo
Naiak bendi ka pasa
Duduak di muko
Ati den sanang bana
Bendi den tompang
Lari kudonyo kancang
Nang enang enang enang
Lonceang bendi badantang
Tipak katipak yo
Si kakinyo kudo
Lapia balapia yo
Si cambuik kusianyo
(Dinyanyikan Santi Nuskan, Sumbangan Lirik Oleh Inyiak Darwas Ibrahim)
14 Mar
Pus Meong
Ambo punyo kuciang
Si Pus lah namonyo
Si Pus bulunyo kuniang
Panjang lah ikuanyo
Pus … meong 2x
Si Pus maluncua di banda
Pancak lah bulunyo
Sayang oi sayang disayang
Buruak parangainyo
Suko mamanjek loteang
Antah apo nan nyo cari
Suko mancilok dendeang
Di dalam lamari
Pus … meong 2x
(Dinyanyikan Santi Nuskan, Sumbangan Lirik Oleh Inyiak Darwas Ibrahim)
14 Mar
Cik Umpang
Cik umpang oi oi
Kalakatu
Anak surang oi
Indak babaju
Cik umpang oi oi
Kalakatu
Paruik gadang oi
Pusek tabudua
Cik umpang oi oi
Kalalawa
Anak surang oi
Ndak basirawa
(Dinyanyikan Santi Nuskan, Sumbangan Lirik Oleh Inyiak Darwas Ibrahim)
14 Mar
Rakena
Bunyi kureta nan barantai yorantai iyo
Baranti dakek Ulak Karang yokarang oi
Sajaklah ketek aja marasai yo rasai oi
Jikoklah gadang indak tagamang ya gamang oi
Unggehlah paku yo rakena tabang ka paku
Tibo di paku yo rakena mangirai papan
Ubahlah laku yo rakena ubahlah laku
Buliah nak sanang yo rakena, rang bakeh awak
(Dinyanyikan Santi Nuskan, Sumbangan Lirik Oleh Inyiak Darwas Ibrahim)
14 Mar
Ado Tamu
Mak ado tamu
Sajak tadi nyo manokok pintu
Mak ado tamu
Tamunyo urang awak juo
Mak ado tamu
….
(Tolong dilengkapi)
(Dinyanyikan Santi Nuskan, Sumbangan Lirik Oleh Inyiak Darwas Ibrahim)
14 Mar
Basapeda
Mande sayang
Balikan sapeda mini
Taragak bak cando urang
Nak raun di patang ari
Santi sayang
Cameh mande indak tabado
Basapeda di labuah gadang
Oto banyak lalu lalang
Kok naiak sapeda di labuah rami
Caliaklah bana kanan jo kiri
Kring kring kring krong
Tadanga lonceng kureta
Bakayuah jan kancang-kancang
Rang bajalan jan talangga
(Dinyanyikan Santi Nuskan, Sumbangan Lirik Oleh Inyiak Darwas Ibrahim)
14 Mar
Main Galah
Mari kawan oi mari malah
Kito bamain galah
Bakaja-kaja ambek-ambek an
Balari bagarah-garah
Ambeklah suok kida
Jago muko balakang
Kok dapek tantu malah
Kito nan manang
(Dinyanyikan Santi Nuskan, Sumbangan Lirik Oleh Inyiak Darwas Ibrahim)
Yang Baru Berkunjung