Archive for the 'Pop 50’an' Category



Denai Nak Kawin

Oi One, denai yo nak kawin
Kawin jo sia nak?
Jo si ana boco
Oi One, denai nan nyo harok

Si ana boco urang nan suko palalok
Bukannyo semok tapi mukonyo nan sambok

Oi One, ado calon lain
Sia urangnyo?
Si minah sayang
Oi One, capek lah dipinang

Padusi lala indak katuju dek mandeh
Gadih pagunjiang tasabuik muncuangnyo cipeh

Reff:

Siang denai basitungkin
Lah malam taraso dingin
Denai yo nak kawin …

Oi One, denai nak babini
Babini jo sia yuang?
Tasarah dek one

Nak daro jodoh marapulai
Alah mambali yo manang pulo mamakai
Gadih babudi yo kito samo sasuai

(Ciptaan (?), Dipopulerkan oleh Oslan Husein dan Nurseha)
©ourtesy of http://laguminanglamo.wordpress.com/

Bujang Kirai

Baralah teleng kupiah si Bujang Kirai – 2x
Babaju suto jo badasi panjang
Hilia mudiak di simpang jalan, Bujang Kirai …
Hilia mudiak di simpang jalan, Bujang Kirai …

Lenggang malenggok lagaknyo
Baralah siua rang mudo
Sambia garejok jo mato
Marayu gadih rang koto

Lenggang malenggok lagaknyo
Baralah siua rang mudo
Sambia garejok jo mato
Marayu gadih rang koto

Bara angguak jo sapo galak manyaringai – 2x
Geleang ka suok, geleang ka kida
Sayang sipatu manggigik lah pulo, Bujang Kirai …
Sayang sipatu manggigik lah pulo, Bujang Kirai …

Lenggang malenggok lagaknyo
Baralah siua rang mudo
Sambia garejok jo mato
Marayu gadih rang koto

Lenggang malenggok lagaknyo
Baralah siua rang mudo
Sambia garejok jo mato
Marayu gadih rang koto

(Ciptaan Asbon Madjid, Dipopulerkan oleh Gumarang)
©ourtesy of http://laguminanglamo.wordpress.com/

Hati Risau

Singkarak kotonyo tinggi
Sumaniak mandado dulang
Singkarak kotonyo tinggi
Sumaniak mandado dulang

Awan bararak denai tangisi (sayang)
Tambatan hati dirangguik urang
Awan bararak denai tangisi (sayang)
Tambatan hati dirangguik urang

Singkarak aianyo dalam
Cubadak dalam parahu
Singkarak aianyo dalam
Cubadak dalam parahu

Hati risau ramuak di dalam (sayang)
Indaklah ado urang nan tahu
Hati risau ramuak di dalam (sayang)
Indaklah ado urang nan tahu

Singkarak aianyo tanang
Nan dareh si Batang Anai
Singkarak aianyo tanang
Nan dareh si Batang Anai

Marantau disangko sanang (sayang)
Malah kironyo badan nan sansai
Marantau disangko sanang (sayang)
Malah kironyo badan nan sansai

(Ciptaan Asbon Madjid, Dipopulerkan oleh Gumarang)
©ourtesy of http://laguminanglamo.wordpress.com/

Tak Tontong

[Versi Asli]

Ei …
Tak tontoang galamai jaguang
Tagunda-gunda lah kacambuang basi
Yo dahulu lah balaki ajuang
Kini lah balaki lah tukang padati

Ei …
Tak tontoang galamai jaguang
Tagunda-gunda lah kacambuang basi
Lah dek a lah duduak bamanuang
Diliek uncang lah indak barisi

Ei …
Tak tontoang galamai jaguang
Tagunda-gunda lah kacambuang basi
Ondeh upiak lah usah bamanuang
Iko uda ka paubek hati

Ei …
Tak tontoang galamai jaguang
Tagunda-gunda lah kacambuang basi
Yo dahulu lah balaki ajuang
Kini lah balaki lah tukang padati

Versi Populer klik di sini

Stambul Cha Cha

Ei ada sajak
Lagu stambul tempo cha cha
Di waktu suatu peristiwa
Bulan yang terang baru timbul

Begitu di situ juga ada nona-nona dan si jambul
Sambil mementil gitar sembari menyanyi stambul

Ei siapa itu
Yang ngintip di blakang pintu
Eh emak eh bapak aku rindu
Dengan si die yang suare merdu

Ei kagak belagak, kagak malu, memang betul gue nafsu
Daek hirup, daek selamet, sakit cinte du du du du

Ei apo dayo
Batapuak sabalah tangan
Rang gaek indak tahu diri
Targilo-gilo di rando mudo

Baulah sapanjang hari
Bagai rang bujang rancak di labuah
Ondeh bara lagaknyo
Hilia mudiak do do do do

(Ciptaan (?), Dipopulerkan oleh Oslan Husein)
©ourtesy of http://laguminanglamo.wordpress.com/

Barindang

Barindang …, marilah kito basamo
Unjuaklah bulan nan jauah di baliak awan
Bacahayo manarangi bumi nangko
Bujang jo gadih, bujang jo gadih, baindang basamo
Bujang jo gadih, bujang jo gadih, baindang basamo

Den patiak iyo saluang samo saluang
Yo kok den patiak lah jo jari nan kalimonyo
Jikok babaua nan ajuang samo ajuang
Iyo tasisiah, iyo tasisiah, badan nan buruak nangko
Iyo tasisiah, badan nan buruak nangko

(Ciptaan (?), Dipopulerkan oleh Oslan Husein)
©ourtesy of http://laguminanglamo.wordpress.com/

Bujang Talalai

Talalai bujang talalai …
Talalai lah di rantau urang …

Babunyi tabuah rang Lawang
Babunyi manjalang luhua
Hilang aka nyo kabau jalang
Rumpuik masiak kubangan sunyi

Talalai bujang talalai …
Talalai bujang talalai …

Sajak pabirik di Indaruang
Lori bajalan ateh kawek
Sajak paningga mandeh kanduang
Nasi dipinto sumpah dapek

Talalai bujang talalai …
Talalai bujang talalai …

Karatau den sangko madang
Elok diliek pagi hari
O marantau den sangko sanang
Kironyo sansai badan diri

Talalai bujang talalai …
Talalai bujang talalai …

Talalai bujang talalai
Talalai di rantau urang
Oi Biai tolonglah denai
Lah sansai badan den sorang

Talalai bujang talalai …
Talalai bujang talalai …

(Ciptaan (?), Dipopulerkan oleh Oslan Husein)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 189 other followers

Dari Masa ke Masa


Lokasi Pengunjung

MARAWA

Dikunjungi

  • 2,978,827 orang

Follow

Get every new post delivered to your Inbox.

Join 189 other followers

%d bloggers like this: