Archive for the 'Pop 70’an' Category



Ba Ka Be

[Syamsi]
Datang ciek o lah marengek
Datang niak o lah mangeak
Alun den gaek uban lah manggarabak

[Hetty]
Sia uda salahkan
Sia uda sasakan
Kan uda juo punyo kalakuan

Reff:

[Syamsi]
Oi … induak-induak
Manga panyakik dicari-cari

[Hetty]
Kami dek ibo hoho
Jan apak-apak dapek darah tinggi

[Duet]
Kito lah samo salah
Elok malah diubah
Satolah KB, Keluarga Berencana
Dunia samakin sampik
Hiduik samakin sulik
Cukuiklah tigo kapalo ndak sakik – 2x

(Ciptaan Syamsi Hasan, Dipopulerkan pertama kali oleh Syamsi Hasan dan Hetty Koes Endang)
©ourtesy of http://laguminanglamo.wordpress.com/

Bananti di Pusaro

Bialah tuan lapeh ka urang
Indak dapek ka junjuangan
Cinto den ndak bakurang
Tuan taruih tabayang-bayang

Barasian denai tadi malam
Raso basuo jo tuan sayang
Oh cinto den baok mati
Bia den nanti tuan di pusaro


[Narasi]
Manolah adiak balahan diri
Adiak kanduang balaian sayang
Ragukanlah bumi baputa
Tapi cinto denai, usah lah ragu sayang

Barasian denai tadi malam
Raso basuo jo tuan sayang
Oh cinto den baok mati
Bia den nanti tuan di pusaro – 2x

(Ciptaan Masroel Mamudja, Dipopulerkan oleh Elly Kasim dan Juni Amir 1970, Sumbangan lirik oleh Afrienda Mamudja)
©ourtesy of http://laguminanglamo.wordpress.com/

Oi Adiak

Batang Kandih batitian pinang
Ka Surantiah jalan ka baranti
Batang Kandih batitian pinang
Ka Surantiah jalan ka baranti

Oi adiak nan jolong gadang
Taraso ka lamo den mananti
Oi adiak nan jolong gadang
Taraso ka lamo den mananti

Jikok bajalan ka Kampuang Jao
Baok siriah di dalam carano
Jikok bajalan ka Kampuang Jao
Baok siriah di dalam carano

Antahlah apo nan ka tibo
Antah badan samo ka sansaro
Antahlah apo nan ka tibo
Antah badan samo ka sansaro

Jantuang ditikam tali pusako
Ambiak ubek ka Padang Simawang
Antahlah apo nan ka tibo
Antah badan samo ka tabuang

[kembali ke atas]

(Ciptaan (?), Dipopulerkan oleh Elly Kasim)
©ourtesy of http://laguminanglamo.wordpress.com/

Alif Wau Jin Wau

Alif Wau Jin Wau – 2x
Itu sipaik indak lah katuju
Marilah kito samo bagurau
Ikolah contoh nan ka ditiru

Kok manari, manarilah jo tangkai sapu
Kak malenggang, malengganglah jo tangkai sanduak
Kok malenggok, malenggok jo kain basasah
Itulah contoh nak gadih di Rumah Gadang

Alif Wau Jin Wau, indak paralu
Ramah tamah nan diparalukan
Alif jo Wau ‘u’, kok Jin jo Wau ‘ju’
U tambah ju samolah jo ‘uju’

[kembali ke atas]

(Ciptaan Masroel Mamudja, Dipopulerkan oleh Elly Kasim 1970an, Sumbangan lirik oleh Afrienda Mamudja)
©ourtesy of http://laguminanglamo.wordpress.com/

Alun Den Raso

Alun den raso hati bak nangko
Lah tigo kali manyabik padi
Yo katigo nyo babuah hampo
Apo ka dayo di denai kini

Den jamua juo den kaka juo
Tibo di lasuang nan den tangisi
Dadak baserak jo aia mato
Bareh den harok haram basuo

Kini apo ka dayo denai
Pangkua lah rusak bajak binaso
Bialah denai nak baluluak
Asa adiak den tacelak juo

(Ciptaan Masroel Mamudja, Dipopulerkan oleh Elly Kasim 1970an, Sumbangan lirik oleh Afrienda Mamudja)
©ourtesy of http://laguminanglamo.wordpress.com/

Alah tu Tuan

Alah tu Tuan usah diseso hati jo jantuang
Usah pamainkan badan diri
Buniahlah capek baniah cinto ko – 2x

Bamain api kito tapanggang
Bamain aia badan ko basah
Bamain cinto badan sansaro

Usah diulang putuih nyo cinto
Jikok digantuang denai ko tinggi
Kok dibuang badan ko jauah – 2x

Rambuik nan panjang tagerai lapeh
Den pulang mandi
Sajak dari tapian Uda mamuji

Den guntiang kini sahinggo bahu
Dek jari Uda babalah rotan
Cincin siapo nan Tuan pakai

(Ciptaan Masroel Mamudja, Dipopulerkan oleh Elly Kasim 1970an, Sumbangan lirik oleh Afrienda Mamudja)
©ourtesy of http://laguminanglamo.wordpress.com/

Delina Sayang

Tapuak ambai-ambai
E eh bilalang kupu-kupu
Batapuak Delina pandai
Mama upah jo aia cucu – 2x

Aia cucu lamak manih
Cucu mama nan punyo
Delina kan sayang mama
Sayang ayah kan iyo pulo – 2x

Reff:

Ondeh danga lah mandeh …
Lina banyanyi …
Bagirang hati

Liek tangan diangkek
Lenggang gamulai iyo…
Lina kini manari

Lina anak manih
Pasan mama dangakan pulo
Sopan santun Lina ka ayah
Ka mama usah durako – 2x

(Ciptaan Masroel Mamudja, Dipopulerkan oleh Elly Kasim 1972, Sumbangan lirik oleh Afrienda Mamudja)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 189 other followers

Dari Masa ke Masa


Lokasi Pengunjung

MARAWA

Dikunjungi

  • 2,981,504 orang

Follow

Get every new post delivered to your Inbox.

Join 189 other followers

%d bloggers like this: