Archive for the 'Pop 70′an' Category



Mancari Sanak Sudaro

Jikok malam tibo …
Tinggalah denai surang
Takana untuang parasaian
Jauah sanak sudaro

Tinggalah denai surang …
Dima tampek denai mangadu
Mangaluah denai kini
Takana Bundo tiado

Baalah kini denai …
Ka dicubo untuang parasaian
Basuo juo lah sanak
Sanak sudaro

Marantau denai kini …
Sanak sudaro ka dicari
Panyambuang hiduik di dunia
Alah mancubo iman taguah

(Ciptaan Yasir Sjam, Dipopulerkan oleh Elly Kasim 1972)
©ourtesy of http://laguminanglamo.wordpress.com/

Kelok Sambilan

Mandaki jalan ka Payokumbuah
Baranti tantang Kelok Sambilan
Ondeh baranti tantang Kelok Sambilan

Dimalah badan indak ka rusuah
Sadang basayang Tuan bajalan
Ondeh sadang basayang Tuan bajalan

Ondeh baa lah ko kaba
Baa lah ko kaba, kini rang mudo yo
Ondeh baa lah ko kaba
Baa lah ko kaba, kini rang mudo yo

Indak lah guno batanam bawang
Bawang ditanam hari lah sanjo
Ondeh bawang ditanam hari lah sanjo

Indak lah guno bakasiah sayang
Sansaro badan kasudahannyo
Ondeh sansaro badan kasudahannyo

Ondeh baa lah ko kaba
Baa lah ko kaba, kini rang mudo yo
Ondeh baa lah ko kaba
Baa lah ko kaba, kini rang mudo yo

(Ciptaan Yusaf Rahman, Dipopulerkan oleh Elly Kasim 1972)
©ourtesy of http://laguminanglamo.wordpress.com/

Dayuang Palinggam

Dayuang dayuang – 2x
Dayuang sampan didayuang – 2x
Didayuang anak Palinggam, Palinggam, anak Palinggam
Didayuang anak Palinggam, Palinggam, anak Palinggam

Elok-elok manyubarang
Jan sampai titian patah
Elok-elok di rantau urang
Jan sampai babuek salah

Ramo-ramo si kumbang lah jati (sayang)
Katik Endah pulang lah bakudo
Patah tumbuah hilang baganti, lagu lamo takana juo
Patah tumbuah hilang baganti, lagu lamo takana juo

Elok-elok manyubarang
Jan sampai titian patah
Elok-elok di rantau urang
Jan sampai babuek salah

Dayuang dayuang – 2x
Dayuang sampan didayuang – 2x
Didayuang anak Palinggam, Palinggam, anak Palinggam
Didayuang anak Palinggam, Palinggam, anak Palinggam

Elok-elok manyubarang
Jan sampai titian patah
Elok-elok di rantau urang
Jan sampai babuek salah

Pulau Pandan jauah lah ditangah
Dibaliak pulau si Angso lah Duo
Hancua badan dikanduang tanah, budi baiak takana juo
Hancua badan dikanduang tanah, budi baiak takana juo

Elok-elok manyubarang
Jan sampai titian patah
Elok-elok dirantau urang
Jan sampai babuek salah

(Ciptaan Karim Nun, Dipopulerkan oleh Elly Kasim)
©ourtesy of http://laguminanglamo.wordpress.com/

Oto IPS

Ondeh …
Lah babunyi pupuik IPS
Nak manjalang Sitinjau Lauik (ndeh mak …)

Oto I P S Panduko Sutan
Tambangan Padang ka Koto Anau
Jikok nak sanang Tuan di jalan
Si pupuik oto parintang badan

Reff:

Mandaki jalan, malereang-lereang
Yo nak manjalang Sitinjau Lauik
Jikok taragak jo panggang dendeang
Baranti kito di Aia Sirah

Manurun jalan ka Koto Baru
Jauah basaran yo dakek juo
Adiak di kampuang manangguang rindu
Baa kok Tuan ndak pulang juo

(Ciptaan Rustam Raschani, Dipopulerkan oleh Elly Kasim)
©ourtesy of http://laguminanglamo.wordpress.com/

Langkisau

Ndeh, oh Langkisau lah bukik Painan
Batampek mandi Pincuran Madam
Elok karantau kito bajalan
Kok lai tabangkik batang tarandam

Langkisau bukik Langkisau
Tanang aia di talao
Tangiang kampuang maimbau
Taganang si aia mato

Ndeh, oh badabua lah ombak maampeh
Batu kureta mamanciang ikan
Jikok lai mujua bundo malapeh
Bak ayam pulang ka pauiktan

Ndeh, balah-balah lah si batang kapeh
Aden ambiak lah ka kayu api
Rilah-rilah lah bundo malapeh
Untuang salamaik pulang jo pai

Langkisau … Langkisau … Langkisau …

(Ciptaan Nuskan Syarief, Dipopulerkan oleh Elly Kasim)
©ourtesy of http://laguminanglamo.wordpress.com/

Simpang Ampek

Simpang Ampek, Sukomananti …
Hilang kamano ka dicari …

Simpang Ampek, Sukomananti – 2x
Padang Tujuah jo Nago Pinagan – 2x
Ilalah tolong patenggangkan

Kok dakek namuah nak pai – 2x
Baa pulo hati rang nan tingga – 2x
Ilalah tolong patenggangkan

Api-api tabang ka dusun – 2x
Tibo di dusun mamakan payo – 2x
Iolah sansai badan denai

Bukan ambo mati dek racun – 2x
Mati digayuang si suduik mato – 2x
Iolah sansai badan denai

Iolah sansai badan denai
Iolah sansai badan denai

(Ciptaan Sofyan Naan, Dipopulerkan oleh Elly Kasim)
©ourtesy of http://laguminanglamo.wordpress.com/

Surek Putuih Dari Jao

Rusuah hati den kiniko
Mandapek pasan urang dari Jao
Kironyo surek den tarimo
Dari Uda jauah nan den cinto

Den bukak surek den baco
Surek putuih malah kironyo

Reff:

Balinang si aia mato
Kironyo Uda alah baduo

Kini tinggalah denai surang
Hati nan luko indak kunjuang hilang

(Ciptaan Masroel Mamudja, Dipopulerkan oleh Elly Kasim)
©ourtesy of http://laguminanglamo.wordpress.com/

Lubuak Sao

Lubuak lah Sao nan di Maninjau
Tampak nan dari si Mukomuko (tampak nan dari yo si Mukomuko)
Jikok den tau nan ka tarambau
Indak nen namuah dari samulo (indak den namuah yo dari samulo)

Yoo, Lubuak lah Sao di Maninjau (kanduang)
Tampak nan dari yo pandakian
Urang ka pakan di hari sanjo
Mambali rinuak sarato lado

Iyo ka ngalau kito ka ngalau
Kito ka ngalau di tapi kampuang (ondeh kanduang oi, yo di tapi kampuang)
Iyo bagurau kito bagurau
Kito bagurau mangana kampuang (ondeh kanduang oi, yo mangana kampuang)

(Ciptaan Ajis Sutan Sati, Dipopulerkan oleh Tiar Ramon)
©ourtesy of http://laguminanglamo.wordpress.com/

Pasan Rang Tuo

Kok taraso, katokan
Kok taniaik, sampaikan
Usah disimpan dalam hati

Kok tasingguang, maafkan
Kok tadorong, sentakkan
Usah bagarah balabiahan

Reff:

Hujan ameh kok di rantau
Hujan batu kok di kampuang
Usah nagari dilupokan

Tinggi-tinggi tabang bangau
Hinggok ka kubangan juo
Usah hati diparisau
Oi sanak oi

Nan tuo diharomati
Nan ketek dikasihani
Samo gadang lawan baiyo

Nan tuo diharomati
Nan ketek dikasiani
Itu pasan rang tuo-tuo

(Ciptaan Syamsi Hasan, Dipopulerkan oleh Eva Noerdin, Sumbangan lirik oleh Ijoenk)
©ourtesy of http://laguminanglamo.wordpress.com/

Ganjia Bana

Ganjialah bana, dunia kini – 2x

Hujan labek-labek
Timbo galo-galo
Balari capek-capek
Tibo di rumah jando

Ganjialah bana, dunia kini – 2x

Hujan labek-labek
Timbo galo-galo
Dikaja indak dapek
Iko lah tingga pulo

Ganjialah bana, dunia kini – 2x

Hujan labek-labek
Timbo galo-galo
Balari kaki singkek
Tagak senjang pulo

Ganjialah bana, dunia kini – 2x

Hujan labek-labek
Timbo galo-galo
Nona kanai kabek
Tuan gilo-gilo

(Ciptaan Syamsi Hasan, Dipopulerkan oleh Yun Bur, Sumbangan lirik oleh Ijoenk)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 186 other followers

Dari Masa ke Masa


Lokasi Pengunjung

MARAWA

Dikunjungi

  • 2,878,876 orang

Follow

Get every new post delivered to your Inbox.

Join 186 other followers

%d bloggers like this: