Archive for the 'Pop 70′an' Category



Urang Rantau

Minang maimbau, maimbau pulang
Pulang ka kampuang, kampuang halaman
Gunuang Singgalang tagak manjulang
Maimbau imbau urang di rantau

Urang rantau lakehlah pulang
Lah taragak urang di kampuang
Jan lamo-lamo di rantau urang
Dangakanlah Minang maimbau

Minang maimbau, maimbau pulang
Pulang ka kampuang, kampuang halaman

Urang rantau lakehlah pulang
Lah taragak urang di kampuang
Jan lamo-lamo di rantau urang
Dangakanlah minang maimbau

Minang maimbau, maimbau pulang
Pulang ka kampuang, kampuang halaman

(Ciptaan Sjamsi/Hakim, Dipopulerkan oleh Eva Noerdin, Sumbangan lirik oleh Ijoenk)
©ourtesy of http://laguminanglamo.wordpress.com/

Nasib Anak Bujang

Alah ambo bujang, nak pai ka ladang
Lah busuak di batang pisang buai
Anak gadih urang joa ka dipinang
Untuang badan diri dalam sansai

Manjadi nak gadih yo sabana sanang
Bia bansaik bantuak kok lai manih
Cintonyo kok putuih jo nan bujang bujang
Urang gaek botak barasaki

IPS bagandiang kini jo APD
Padati manangih mintak jalan
Gadih rancak urang joa ka direde
Bujang indak ado oto sedan

Maliek tunangan dibaok om sanang
Bujang hanyo dapek gigik jari
Ka dibuang sayang yo sabana sayang
Ka ditahan bujang makan hati – 2x

(Ciptaan B. Anduska, Dipopulerkan oleh Eva Noerdin, Sumbangan lirik oleh Ijoenk)
©ourtesy of http://laguminanglamo.wordpress.com/

Cincin

Cincin …
Cincin di jari nan balah rotan
Di jari manih tuan pasangkan
Tandonyo kito alah bapunyo

Ikatan janji kito baduo
Mungkinlah jadi cintonyo kito
Alah manjadi suratan tangan

Bukan …
Mukasuik hati mamutuih cinto…
Iyo dek adaik indak sarupo
Kok hati kito lai saraso

Dek urang tuo yo nan babedo
Kito nan hanyo yo mandapek’i
Alah suratan dari samulo

(Ciptaan M. Gaus, Dipopulerkan oleh Nell Yulius, Sumbangan lirik oleh Ijoenk)
©ourtesy of http://laguminanglamo.wordpress.com/

Pangganti Dirinyo

Dek cinto yo dek dicinto juo
Tacinto nan lah bapunyo
Di situ mangkonyo tabedo
Basabab cinto nan buto
Disitu mangkonyo sansaro

Reff:

Apo juo kini nan ditangih tangisi juo
Badan juo beko nan ka batambah sansaro

Mangkonyo ditangih tangisi juo
Basabab ulah patah bacinto
Disitu mangkonyo taibo
Kama ka dicari kagantinyo
Disitu mangkonyo tabedo

Apo juo kini nan ditangih tangisi juo
Denai datang kini ka pangganti dirinyo

(Ciptaan Chilung Ramali, Dipopulerkan oleh Lily Syarief)
©ourtesy of http://laguminanglamo.wordpress.com/

Manih Muluik

Usah adiak bamanih muluik juo
Dulu manih adiak bakato ka bakeh denai

Jan Uda jan salah sangko
Bagarah denai (… missing)

Reff:

Usah adiak bamanih muluik juo
Kini denai lah tau adiak bamain cinto

Ondeh marilah sayang
Lah sakik dek bacinto
Baok kamari pisau balah lah dado

Adiak sayang, adiak sayang

(Ciptaan Masroel Mamudja, Dipopulerkan oleh Elly Kasim dan Tiar Ramon)
©ourtesy of http://laguminanglamo.wordpress.com/

Tasarah Mamak

Oi adiak …
Lupo adiak jo janji
Janji lah lamo nan kito padu

Indak den lupo da jo janji lamo
Sungguah pinjaik jatuah ka lauik
Tikam jajaknyo babakeh di baju

Reff:

Jikok baitu adiak bakato
Manga basuo bak cando lupo
Batu tataruang lai den kana
Konon lah sayang ka adiak surang

Bak kato kisah intan nan manih
Usah dipupuik ribuik tangah malam
Jiko iyo cinto jo kasiah
Bialah mamak nan manyalasaikan

(Ciptaan Masroel Mamudja, Dipopulerkan oleh Lily Syarief dan Yan Bastian)
©ourtesy of http://laguminanglamo.wordpress.com/

Nasib Sapantun

Tabang lah bondo yo mamak jo barabah
Hinggok di rantiang yo mamak si batang jambu
Kami sapantun yo mamak padi rabah
Bak jan nyo ayam yo mamak sajo lah dahulu

Tumbuah surian yo di nan tunggang
Tampak nan dari yo pandakian
Sungguah tampian yo nan malenggang
Atah jo bareh juo nan manangguangkan

Ranah Supayan yo mamak di Balantiak
Urang baladang yo mamak di tantang bateh
Kami sapantun yo mamak talua itiak
Lah ibo ayam yo mamak mangko lah manateh

(Ciptaan (?), Dipopulerkan oleh Elly Kasim dan Tiar Ramon)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 198 other followers

Dari Masa ke Masa


Lokasi Pengunjung

MARAWA

Dikunjungi

  • 3,265,813 orang

Follow

Get every new post delivered to your Inbox.

Join 198 other followers

%d bloggers like this: