Archive for the 'Pop 90’an' Category



Agiah Bana

Oi iyo Sungai Pagu, pagu aia tatumbuak
Nan baputa aia, oi baputa di jambatan – 2x
Hati denai ragu, ragu paham tatumbuak
Tolonglah dek adiak, oi tolong carikan jalan – 2x

Pacah kaco oi jatuah ka batu
Tibo di batu nan badarai, agiah bana ondeh agiah bana
Usah uda nan bahati ragu
Banyak lah ragi ka dipakai, agiah bana ondeh agiah bana

Iyo … iyo kato adiak, oi adiak sabana sayang
Nan katonyo denai, oi denai sabana kasiah – 2x
Ambiaklah timbangan, oi marilah kito timbang
Kito uji barek, oi cinto mano nan labiah – 2x

Kito cubo oi duduak basandiang
Jikok mujua jadi paruntuangan, agiah bana ondeh agiah bana
Tabayang uda dalam piriang
Patah salero sadang makan, agiah bana ondeh agiah bana

Iyo … janji lah bapadan, oi janji alah dibuek
Usahlah diniaik, oi diniaik nak maungkai – 2x
Tali cinto kito dikabek batambah arek
Hanyo adiak surang maurak mangko salasai – 2x

Cincin bakarang lah diikek
Suaikanlah baa ndeh uda oi, agiah bana ondeh agiah bana
Janji bapadan lah dikabek
Usah diurak ndeh uda oi, agiah bana ondeh agiah bana

Janji bapadan lah dibuek
Usah diniaik ka maungkai, agiah bana ondeh agiah bana
Tali cinto lah dikabek arek
Adiak maurak mangko salasai, agiah bana ondeh agiah bana

(Ciptaan Tiar Ramon, Dipopulerkan oleh Tiar Ramon dan Fetty)
©ourtesy of http://laguminanglamo.wordpress.com/

Ya Ohoi

Urang Solok ka Batang Kapeh
Handak manjalang ka Pasa Kambang
Taruih ka Tapan, ka Indopuro
Usah diarok jo buruang lapeh
Buruang basayok lai pandai tabang
Jikok dinanti ka sio-sio

Rami lah urang Padang Panjang, ya oho ohoi
Rami nan sadang yo tangah hari, ya oho ohoi
Rami nan sadang yo tangah hari …
Patuik lah uda basiginyang, ya oho ohoi
Mancaliak untuang badan kami, ya oho ohoi
Mancaliak untuang badan kami …

Reff:

Jikok adiak pai ka ladang
Usahlah lupo maambiak sayua
Baoklah pulang, baok pucuaknyo
Jikok lah adiak sabana sayang
Tompangkan denai di dalam sanggua
Nak samo luluah nan jo kapalo

Pancuang talang juluak kaliki, ya oho ohoi
Tiok dijuluak nan jatuah juo, ya oho ohoi
Tiok dijuluak nan jatuah juo …
Cadiak alang binguang sikikik, ya oho ohoi
Tapi dek murai takicuah juo, ya oho ohoi
Tapi dek murai takicuah juo …

(Ciptaan Tiar Ramon, Dipopulerkan oleh Tiar Ramon dan Fetty)
©ourtesy of http://laguminanglamo.wordpress.com/

Anak Hilang

Jikok tuan rumah nan gadang
Atoknyo dapek babagi-bagi
Palupuahnyo tingga …, ibo …, ibonyo hati
Palupuahnyo tingga di mandeh surang

Reff:

Jikok hilang anak nan bujang
Ratoknyo dapek babagi-bagi
Kok rusuahnyo tingga …, ibo …, ibonyo hati
Kok rusuahnyo tingga di mandeh surang

Ayam panaiak lah nandak pulang
Raso tangiang di ladang urang
Kukuak badarai …, hari ka sanjo nak ei …
Jikok tacaliak nan samo gadang
Raso tabayang anak nan hilang
Jatuah badarai …, si aia mato …

Hilang jo apo … (kanduang) ka mandeh ganti …
Jarek samato … (kanduang) di badan diri

(Ciptaan (?), Dipopulerkan oleh Efrinon)
©ourtesy of http://laguminanglamo.wordpress.com/

Uda Samsudin

Jantuang badatak bapandang mato
Nyo tangangak denai tangango
Tangan denai nan dijaweknyo
Salam samo manyabuik namo
Jatuah cinto pandang partamo
Samo taraso yo lah samo suko

Uda Samsudin bin Burhanudin
Kampuang asanyo di Sicincin
Bausaho yo sangaik rajin
Tingga dakek simpang teng bensin
Dulu bajojo kacang tojin
Kini nyo jadi toke talua asin

Hati rindu dek jatuah cinto
Hari Minggu den mancarinyo
Di rumahnyo baranak duo
Bini nyo carai lari ka Jao

Tolong mak ei …
Anak den surang jadi batigo
Den paliharo mak …
Dek cinto buto, pado manjando
Ka den tarimo, bapiciang mato

[kembali ke atas]

(Ciptaan (?), Dipopulerkan oleh Efrinon)
©ourtesy of http://laguminanglamo.wordpress.com/

Tabayang Bayang

Dari Lolong taruih ka Bayang
Angku Rajo turun di Kurinci
Dalam angan uda tabayang
Dalam lalok uda tamimpi

Denai pun cando nantun
Mabuak jo bayang-bayang
Kadang cameh balam dipikek urang …

Uda sayang basasi denai jo bulan
Cinto tangan lai denai haramkan
Uda sayang kok ujan tak sampai patang
Bialah karam hilang den di galombang

Marilah sayang samo tampuangkan tangan
Kuekkan hati taguahkan iman

[kembali ke atas]

(Ciptaan (?), Dipopulerkan oleh Fetty dan Zalmon)
©ourtesy of http://laguminanglamo.wordpress.com/

Kolak Sarabi

Ondeh lamaknyo …, kolak sarabi, sarabi
Ondeh lamaknyo …, kolak sarabi, sarabi

Rami lah urang mambali
Ado bujang ado gadih
Balangganan tiok hari … – 2x

Ondeh da lapeh salero
Makan ciek tambah duo
Baitu bana lamaknyo
Lah abih takana juo

Ondeh lamaknyo …, kolak sarabi, sarabi
Ondeh lamaknyo …, kolak sarabi, sarabi

Manjua si jando mudo
Bara geneang kijok mato … haa …
Tadayo nan mudo-mudo
Dek ulah kijok matonyo
Tadayo, tadayo, tadayo ….

Ondeh lamaknyo …, kolak sarabi, sarabi
Ondeh lamaknyo …, kolak sarabi, sarabi

(Ciptaan (?), Dipopulerkan oleh Fetty)
©ourtesy of http://laguminanglamo.wordpress.com/

Nasi Lamak Sari Kayo

Tadanga bunyi yo pupuik si batang padi
Urang manyabik di sawah barami-rami
Tuo jo mudo basamo bagadang hati
Den danga bujang jo gadih nan banyanyi
Tuo jo mudo basamo bagadang hati
Den danga bujang jo gadih nan banyanyi

Yo … yo basorak sorai bacirabuik
Iyo lamak raso sanok jo kolak pisang (sayang)
Dek ditingkah nasi lamak sari kayo

Yo … yo bahorak horai rang manyabik
Padi disabik, dihiriak, dibaok pulang (sayang)
Paubek jariah nan payah salamo ko

Ayam mancotok padinyo di tangah laman
Jamualah masiak kauiklah hari ka hujan
Padi di indang, ditumbuak di tapi tareh
Dipiliah atah tingga sajo nan bareh
Padi di indang, ditumbuak di tapi tareh
Dipiliah atah tingga sajo nan bareh
Yo … yo lah habih pupuik batang padi
Manangih bajak jo kabau dalam kandang (sayang)
Alamaik isuak kito ka sawah pulo

Yo … yo basorak sorai bacirabuik
Iyo lamak raso sanok jo kolak pisang (sayang)
Yo ditingkah nasi lamak sari kayo

(Ciptaan (?), Dipopulerkan oleh Fetty)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 199 other followers

Dari Masa ke Masa


Lokasi Pengunjung

MARAWA

Dikunjungi

  • 3,348,543 orang

Follow

Get every new post delivered to your Inbox.

Join 199 other followers

%d bloggers like this: