Archive for the 'Pop 90’an' Category



Cincin Pangikek

Oi adiak nan manih baa bainai kuku kiniko
Palawan dunia rang bacincin ameh yo di jarinyo
Palawan dunia rang bacincin ameh yo di jarinyo

Uda sangko adiak lah ka baralek jo urang lain
Alun lai oi uda alun taniaik di hati ambo
Umua alun cukuik badan nan sadang yo basikola

Kok iyo malawan dunia rang banyak bacincin ameh
Tarimolah cincin untuak diak sayang tando pangikek
Takuik den kok hilang tagamang jari bacincin ameh
Indak ka tagamang bialah uda nan malakekkan

Kok lai namuah bana diak manarimo cincin pangikek
Indak nan sasuai di jari ambo apo ka dayo
Jikok yo baitu di batin sajo janji dipadu

[kembali ke atas]

(Ciptaan Masroel Mamudja, Dipopulerkan oleh Upik Saunang dan Andi Mulya)
©ourtesy of http://laguminanglamo.wordpress.com/

Makan Nasi jo Garam

Kok uda iyo nak ka maminang ambo
Carilah cari karajo dulu
Usahlah pakaikan pantun lamo
Ndak makan, duduak baduo nan paralu

Bialah ka makan bia lah tido o diak oi
Asakan duduak bapandangan
Malakik denai dapek karajo o diak oi
Bialah makan nasi jo garam

Reff:

Kok ka makan nasi nan jo garam
Ndak talok di denai da oi
Sadangkan dek kuciang lai ndak lamak
Kononlah ambo ka mamakan

Jikoklah ka lauik tahan galombang o diak oi
Iyo baitu kalau bamulo
Jikok diak ndak namuah turuik ambo
Putuihkan sajo cinto disiko

Eloklah kito carikan sajo
Jalan nan elok surang-surang
Tandonyo kito indak sajodoh
Ulah makan nasi jo garam

(Ciptaan Masroel Mamudja, Dipopulerkan oleh Upik Saunang dan Andi Mulya)
©ourtesy of http://laguminanglamo.wordpress.com/

Taluak Bayua (Minang)

Salamaik tingga Taluak Bayua permai
Denai nak pai jauah ka subarang
Den kamancari ilmu di rantau urang
Baka hidui den isuak bilo tuo

Tinggalah dulu kasiah nan denai cinto
Do’akanlah denai nak capek baliak
Denai arokkan surek satiok minggu
Ka paubek jariah palarai rindu

Lambaian tangan kasiah den raso pilu di dado
Kasiah sayang den batambah mandalam
Aia mato balinang indak taraso di badan
Nantikan lah denai di Taluak Bayua

[kembali ke atas]

(Ciptaan (?), Dipopulerkan oleh Upik Saunang)
©ourtesy of http://laguminanglamo.wordpress.com/

Sampai Hati

Barabah mandi …
Iyo nan mandi bakacimpuang
Manyemba buiah iyo di ateh riak

Susah diri …
Didalam hati mambaok rasah
Bungo nan dicinto iyo dipatiak urang
Sampai hati …

Reff :

Tagamang badan di laruik kasiah …
Tasisiah raso hati nan luko
Kawan mangguntiang dalam lipatan
Urang mamanciang adiak tadayo

Ondeh diak oi …
Denai sasali janji samulo
Madu di bibia denai bali jo kasiah sayang

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/

Badayuang di Lauik Cinto

Janji dibuek dari lubuak hati
Sakuliliang alam nangko saksinyo
Janji dibuek untuak ka salamonyo
Indak ka namuah denai bapisah lai

Cinto diikek dari lubuak hati
Kasadonyo tibo dari Kuaso
Cinto taikek cando kuku jo dagiang
Apo nan tibo yo taguah denai hadang

Ondeh … baduo sabiduak
Badayuang di lauik cinto
Ondeh … sairiang sajalan
Mahadang hiduik nangko

Janji diganggam sahiduik samati
Bia turun langik nangko ka bumi
Namun nan cinto taruih dibimbiang juo
Sampai masonyo denai manutuik mato

[kembali ke atas]

(Ciptaan (?), Dipopulerkan oleh Yetty)
©ourtesy of http://laguminanglamo.wordpress.com/

Marando

Dek lamo hiduik hei banyak dirasai
Banyak bajalan hei banyak basuo
Dulu babini hei kini lah carai
Bia den lalok hei ka surau sajo

Pado babini elok marando
Indak sakik isi kapalo
Elok den hiduik kini mambujang
Bia den lalok ka surau sajo

Ondeh dunsanak hei yo samo gadang
Dangakan lagu hei sarato dendang
Usah digaduah hei nak gadih urang
Nantikan sajo hei masonyo datang

Dangakan lagu dangakan rantak
Lagu bahenol kecek rang kini
Kok tak lamak katokan lamak
Sambia bagurau kito manari

[kembali ke atas]

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/

Pusako Buntuang

Pusako buntuang tungga babeleang
Pusako tinggi karuko muni
Minyak panuah usah diteteang
Kok takicuah dek nan jadi

Reff :

Dahulu rabab nan batangkai
Kini kaliki yo nan babungo
Dahulu adaik nan bapakai
Kini ko pitih yo nan paguno

Kok disabuik di zaman kini
Nan gadih indak batilakuang
Lah dulu bajak pado jawi
Malu lah tingga di mandeh kanduang

Pusako buntuang baabaikan
Pusako tinggi pambali lado
Indak saayun mamak jo kamanakan
Co kain buruak paapuih muko

(Ciptaan (?), Dipopulerkan oleh Yetty)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 199 other followers

Dari Masa ke Masa


Lokasi Pengunjung

MARAWA

Dikunjungi

  • 3,284,480 orang

Follow

Get every new post delivered to your Inbox.

Join 199 other followers

%d bloggers like this: