Posts Tagged 'Ajis Sutan Sati'

Saluang Talago Biru

Janiah aianyo diak talago biru tam
Tampek nak mudo lah tuan lai lah mandi-mandi – 2x
Tolong sampaikan
Alang lah sarik diak manangguang rindu tam
Manangguang seso lah tuan lai lah dalam hati – 2x
Tolong sampaikan

Oi nan lah masak mak padi sipuluik diak
Jatuah badarai lah randah hai lah ka ureknyo – 2x
Tolong sampaikan
Kasiah lah lamo diak oi sangkuik pauik tam
Di tuan dima lah tuan hai lah talataknyo – 2x
Tolong sampaikan

Urang lah Guguak tam pai ka pakan tam
Pai ka pakan lah mamak lai lah Bukiktinggi – 2x
Tolong sampaikan
Tampuak lah suko diak hai mambarikan tam
Cilako rantiang lah tuan hai lah manahani – 2x
Tolong sampaikan

Lah manggaloro mak aia di lauik tam
Runtuah lah pantai lah randah hai lah dihampehnyo – 2x
Tolong sampaikan
Malang cilako diak rantiang manyungkuik tam
Bungo ka lareh lah tuan hei lah dihambeknyo – 2x
Tolong sampaikan

Lah nan manurun diak jalan di Benteang tam
Lah nan tatumbuak lah tuan ka Kampuang Cino – 2x
Tolong sampaikan
Lah nan manangih diak sangkak dijenjeang tam
Buruang lah suruik lah tuan lai lah ka nan punyo – 2x
Tolong sampaikan

(Ciptaan (?), Dipopulerkan oleh Ajis Sutan Sati)
©ourtesy of http://laguminanglamo.wordpress.com/

Batang Hari

Oi nan ka lauik lai pai mandi
Ondeh lah tuan oi nan pai mandi
Oi nan ka darek ondeh lah tuan oi mambaok ikan
Ondeh lah tuan oi mambaok ikan

Kok indak takuik denai ka mati
Ondeh lah tuan denai ka mati
Den balah hati ondeh lah tuan oi nan den kirimkan
Ondeh lah tuan oi nan den kirimkan

Oi nan samalam di Sawahlunto
Ondeh lak adiak oi di Sawahlunto
Oi limau manih ondeh lah adiak oi bapaga duri
Ondeh lah adiak oi bapaga duri

Bulan jo bintang bamain mato
Ondeh lah adiak oi bamain mato
Kasiah digungguang ondeh lah adiak oi dek matohari
Ondeh lah adiak oi dek matohari

Si Batang Hari namo lagunyo
Kami banyanyi basamo samo
Selanjutnya …

Alang Tabang

Maraok alang nan sadang tabang, ondeh mamak oi
Manampak ayam ka disembanyo, ondeh mamak oi
Maraok alang nan sadang tabang, ondeh mamak oi
Manampak ayam ka disembanyo, ondeh mamak oi

Kok sampai Tuan nak ka subarang
Guno jambatan kanalah juo
Kok sampai Tuan nak ka subarang
Guno jambatan kanalah juo

Reff:

Sungguahpun buruang ndeh Tuan tinggi di langik
Dahan yo ka hinggok ndeh Tuan jan dilupokan – 2x

Marosok samuik di dalam gauang, ondeh tuan oi
Taraso dingin di tapak tangan, ondeh tuan oi

Taragak kabuik yo nak ka gunuang
Tagah dek angin nan manulakkan
Taragak kabuik yo nak ka gunuang
Tagah dek angin nan manulakkan

(Ciptaan Ajis Sutan Sati, Dipopulerkan oleh Elly Kasim)
©ourtesy of http://laguminanglamo.wordpress.com/

Ombak Mamacah

Gadang aia nan di muaro
Aia malimpah di pamatang
Dimalah hati ndak ka ibo
Tuan dirantau ndak kunjuang pulang

Andai-andai lah litak tulang den
Hati batambah rusuah juo
Ondeh … malang …
Oi nasib den …

Biduak lalu kiambang batauik
Nangkodo duduak di kamudi
Dimalah badan ndak ka laruik
Antah kok lamo denai mananti

Andai-andai lah karam biduak den
Hati batambah rusuah juo
Ondeh … malang …
Oi nasib den …

(Ciptaan Ajis Sutan Sati, Dipopulerkan oleh Elly Kasim)
©ourtesy of http://laguminanglamo.wordpress.com/

Bayang Salido

(Versi Elly Kasim)

Ondeh …, pagi-pagi yo pai ka pakan
Balikan denai kain baju …
Sampai hati lah ayah bajalan
Tinggakan denai lah ketek baru
Lah ratok tangih lah Bayang Salido …

Ondeh …, Bukik Canduang lah balai rabaa
Pautan kudo balang tigo …
Ayah kanduang pulanglah baa
Badan lah kuruih dek bacinto
Dangalah ratok tangih lah Bayang Salido …

Versi Efrinon

Singgalang Maimbau

Tinggi bukik lah galanggang kuro
Tampak nan dari tanah lapang
Tampak nan dari tanah lapang (sembai ei sansai hei)
Singgalang maimbau, iyo …

Gunuang Singgalang lah maimbau
Urang rantau lakeh lah pulang
Urang rantau lakeh lah pulang (sembai ei sansai hei)
Singgalang maimbau, iyo …

Anak sipasan dalam rimbo
Mati di golek-golek batang
Mati di golek-golek batang (sembai ei sansai hei)
Singgalang maimbau, iyo …

Nan bapasan denai nan tido
Ratok tangih nan manyuruah datang
Ratok tangih nan manyuruah datang (sembai ei sansai hei)
Singgalang maimbau, iyo …

(Ciptaan Ajis Sutan Sati, Dipopulerkan oleh Elly Kasim)
©ourtesy of http://laguminanglamo.wordpress.com/

Lubuak Sao

Lubuak lah Sao nan di Maninjau
Tampak nan dari si Mukomuko (tampak nan dari yo si Mukomuko)
Jikok den tau nan ka tarambau
Indak nen namuah dari samulo (indak den namuah yo dari samulo)

Yoo, Lubuak lah Sao di Maninjau (kanduang)
Tampak nan dari yo pandakian
Urang ka pakan di hari sanjo
Mambali rinuak sarato lado

Iyo ka ngalau kito ka ngalau
Kito ka ngalau di tapi kampuang (ondeh kanduang oi, yo di tapi kampuang)
Iyo bagurau kito bagurau
Kito bagurau mangana kampuang (ondeh kanduang oi, yo mangana kampuang)

(Ciptaan Ajis Sutan Sati, Dipopulerkan oleh Tiar Ramon)
©ourtesy of http://laguminanglamo.wordpress.com/

Tanti Batanti

(Versi Tiar Ramon)
Tambilang tanti batanti – 2x
Satanti ambiak panaruko
Panaruko sawah di Kajai – 2x

Nan hilang dapek diganti – 2x
Diganti indak ka sarupo
Sarupo indak saparangai – 2x

Anak rajo di Pulau Punjuang – 2x
Balahan rajo dari Jambi
Asanyo rajo kaduonyo – 2x

Bakeh adiak kasiah tatuntuang – 2x
Usah baniaik manukai
Mularaik apo kagunonyo – 2x

Rumah Gadang di Minangkabau – 2x
Nan baukia sambilan ruang
Nan batampek di kabun bungo – 2x

Cincin ameh tinggalah angkau – 2x
Paramato bialah hilang
Bakarang intan kagantinyo – 2x

Versi Elly Kasim

Randang Kopi

Rang Bukik Apik oi marandang kopi
Tampak nan dari lereang pandakian
Alah mamak oi di pandakian, ondeh kanduang oi

Sungguah maramuak hai di dalam hati
Di muko jan sampai kanampakan
Alah mamak oi ndeh kanampakan, ondeh kanduang oi

Jikok nak tau hai di rancak lado
Cubo siangi agak tigo kali
Alah mamak oi ndeh tigo kali, ondeh kanduang oi

Jikok nak tau hai di rancak jando
Cubo caraikan agak tigo kali
Alah mamak oi ndeh tigo kali, ondeh kanduang oi

Alah mamak oi ndeh tigo kali, ondeh kanduang oi – 4x

(Ciptaan Ajis Sutan Sati, Dipopulerkan oleh Elly Kasim)
©ourtesy of http://laguminanglamo.wordpress.com/

Mudiak Arau

Anak urang Sabu Andaleh, yo mamak oi
Singgah karumah si Sutan Mudo, si Sutan Mudo
Singgah karumah si Sutan Mudo, si Sutan Mudo

Bia abih oi bialah tandeh, yo tuan ei
Hati den kanai kabaa juo, kabaa juo
Hati den kanai kabaa juo, kabaa juo

Indak dapek musim manyiang, yo mamak oi
Musim manuai den nanti juo, den nanti juo
Musim manuai den nanti juo, den nanti juo

Indak dapek oi tarago bujang, yo tuan oi
Baranak ampek den nanti juo, den nanti juo
Baranak ampek den nanti juo, den nanti juo

Ondeh mandeh sansai badan
Ondeh mandeh sansai badan

(Ciptaan Ajis Sutan Sati, Dipopulerkan oleh Elly Kasim)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 187 other followers

Dari Masa ke Masa


Lokasi Pengunjung

MARAWA

Dikunjungi

  • 2,885,854 orang

Follow

Get every new post delivered to your Inbox.

Join 187 other followers

%d bloggers like this: