Posts Tagged 'Asben'

Lah Talambek Bangkek Jadinyo

Ondeh … lah talambek bangkik jadinyo
Lah talambek bangkik jadinyo …

Rami urang di Batu Taba lai sanak oi
Rami dek urang pai mandi lai sanak oi
Rami dek urang pai mandi …
Nan dek ulah kaja bakaja lai sanak oi
Bareh diganggam jadi padi ndeh sanak oi
Bareh diganggam jadi padi …

Ondeh … lah talambek bangkik jadinyo
Lah talambek bangkik jadinyo …

Luruih lah jalan Marapalam
Urang sairiang duo-duo
Kok nak jan lapuak yo mamak batang tarandam
Budayo Minang yo mamak cintoi juo, ei ..
Kok nak jan lapuak yo mamak batang tarandam
Budayo Minang yo mamak cintoi juo …

Ondeh … lah talambek bangkik jadinyo
Lah talambek bangkik jadinyo …

Hanyuik luruih lah batang sagu yo sanak oi
Hanyuik babaliak ka muaro yo sanak oi
Hanyuik babaliak ka muaro …
Nan dek ulah rabuik barabuik yo sanak oi
Putiah manjadi hitam rono lai sanak oi
Putiah manjadi hitam rono …

Ondeh … lah talambek bangkik jadinyo
Lah talambek bangkik jadinyo …

Urang mamukek ikan putiah
Duo jo ikan mego-mego
Asa kan dapek yo mamak si kain putiah
Labiah pangguntiang yo mamak nan jadi juo, ei ..
Asa kan dapek yo mamak si kain putiah
Labiah pangguntiang yo mamak nan jadi juo …

Ondeh … lah talambek bangkik jadinyo
Lah talambek bangkik jadinyo …

Hanyuik luruih lah batang sagu yo sanak oi
Hanyuik babaliak ka muaro yo sanak oi
Hanyuik babaliak ka muaro …
Nan dek ulah rabuik barabuik yo sanak oi
Putiah manjadi hitam rono lai sanak oi
Putiah manjadi hitam rono …

Ondeh … lah talambek bangkik jadinyo
Lah talambek bangkik jadinyo …

Rami galanggang rang basilek
Iyo di Ranah Parambahan
Putiah lah kapeh yo mamak dapek diliek
Putiah lah hati yo mamak tolong caliakkan, ei ..
Putiah lah kapeh yo mamak dapek diliek
Putiah lah hati yo mamak tolong caliakkan …

Ondeh … lah talambek bangkik jadinyo
Lah talambek bangkik jadinyo …

Rami urang di Batu Taba lai sanak oi
Rami dek urang pai mandi lai sanak oi
Rami dek urang pai mandi …
Nan dek ulah kaja bakaja lai sanak oi
Bareh diganggam jadi padi ndeh sanak oi
Bareh diganggam jadi padi …

Ondeh … lah talambek bangkik jadinyo
Lah talambek bangkik jadinyo …

Urang Tarandam pai ka pakan
Tibo di pakan bali lado
Batang tarandam yo mamak tolong bangkikkan
Buliah sumarak yo mamak lai Ranah Bundo, ei ..
Batang tarandam yo mamak tolong bangkikkan
Buliah sumarak yo mamak lai Ranah Bundo …

Ondeh … lah talambek bangkik jadinyo
Lah talambek bangkik jadinyo … – 3x

(Klasik Minang, Dipopulerkan oleh Fetty dan Asben)
©ourtesy of http://laguminanglamo.wordpress.com/

Mupakaik Karo

Dangakan kawan o lagu mupakaik karo
Cadiaknyo malam o kawan binguangnyo siang
Hari lah hujan o kawan kumpua basamo
Takana pondok yo pondok nan ndak baurang
Hari lah hujan oi kawan duduak basamo
Takana pondok yo pondok nan ndak baurang

Baru lah malam oi kawan banyak pangana
Iko jo iten yo kawan banyak dikana
Ayam bakukuak yo mandeh hari lah siang
Pangana cadiak yo kawan baransua hilang
Ayam bakukuak yo mandeh hari lah siang
Pangana cadiak yo kawan baransua hilang

Reff:

Kok hari siang pangana hilang
Duduak tamanuang cando kuciang tuo
Jikoknyo malam lah mulai datang
Pikiran binguang lah cadiak pulo

Ondeh dunsanak yo kawan dangakan kato
Usah ditiru, ditiru mupakaik karo
Jikok tatiru, tatiru sabana bedo
Alamaik badan yo badan nan ka sansaro
Jikok tatiru, tatiru sabana bedo
Alamaik badan yo badan nan ka sansaro

(Ciptaan (?), Dipopulerkan oleh Asben)
©ourtesy of http://laguminanglamo.wordpress.com/

Buruang Bondo

Hiduik den kini oi umpamo buruang diak
Jikok ka tabang sayok kini lah senteang
Mukasuik hati handak tabang mambubuang diak
Manampak padi nan masak di lereang gunuang

Sayok maradai, maradai baa ka tabang
Padi nan masak, nan masak takana juo …
Kamano badan oi badan den ka batenggang
Tiado kawan oi kawan maraso ibo

Hiduik den kini oi umpamo buruang diak
Jikok ka tabang sayok kini lah senteang
Mukasuik hati handak tabang mambubuang diak
Manampak padi nan masak di lereang gunuang

Reff:

Banduang ratoknyo si unggeh bondo
Ka bakeh sia ka mintak tolong
Takana lai takato tido
Padi nan masak disabik urang

Maratok hati di dalam badan
Sayok nan senteang ka dipangakan
Duduak tamanuang di ateh dahan
Tapaso paruah nan basangkuikkan

Baitu bana oi nasib nan malang diak
Duduak bamanuang, bamanuang mangana untuang
Takana dulu samaso pandai tabang diak
Tabang mambubuang bagurau samo gadang

(Ciptaan (?), Dipopulerkan oleh Asben)
©ourtesy of http://laguminanglamo.wordpress.com/

Buntiang Kuciang

Hei … coiko bana mandapek bini si buntiang kuciang
Laki bajalan kok ndak dibaok, inyo berang-berang
Sagalo kandaknyo kok ndak dibari inyo marabo
Apo nan dapek dibaekan ka bakeh lakinyo

Buntiang kuciang kato rang tuo …
Sabana manyeso bakeh lakinyo …

Kok untuang baiak dapek laki sayang ka inyo
Apo dibueknyo namun lakinyo sayang juo
Kok untuang malang dapek laki urang parabo
Bini manganduang marauang-rauang kanai sipaknyo

Hei … coiko bana mandapek bini si buntiang kuciang
Laki bajalan kok ndak dibaok, inyo berang-berang
Sagalo kandaknyo kok ndak dibari inyo marabo
Apo nan dapek dibaekan ka bakeh lakinyo

Buntiang kuciang kato rang tuo …
Sabana manyeso bakeh lakinyo …

(Ciptaan (?), Dipopulerkan oleh Asben)
©ourtesy of http://laguminanglamo.wordpress.com/

Talak Tigo

Indak kato den, iyo juo katonyo
Indak sagan lah jo mintuo
Lah den caraikan talak tigo

Dikatokan salah, indak dikatokan salah
Awak pai badendang, katonyo pai manggata
Badendang tangah malam, den pulang pagi hari
Pitih nan den cari, untuak ka anak bini

Indak kato den, iyo juo lah katonyo
Indak sagan lah jo mintuo
Lah den caraikan talak tigo

Hei hei hei …, hei hei …, hei
Indak kato den, iyo juo lah katonyo
Iko lah susahnyo dapek bini pancimburu buto
Inyo ndak mancubo baa raso manjadi jando
Indak ibo jo anak-anak, lah den caraikan talak tigo

Indak kato den, iyo juo lah katonyo
Indak sagan lah jo mintuo
Lah den caraikan talak tigo

Sungguah malangnyo untuang si tukang dendang
Kok lagu kito lamak, hati urang pun sanang
Kok urang ndak katuju, kapalo nan kanai langkang
Awak pulang ka rumah, bini pun berang-berang

Indak kato den, iyo juo katonyo
Indak sagan lah jo mintuo
Lah den caraikan talak tigo

(Ciptaan (?), Dipopulerkan oleh Asben)
©ourtesy of http://laguminanglamo.wordpress.com/

Pandeka Kalek

Ikonyo waden nan banamo Pandeka Kalek
Kok kanai kaki den (ndeh mak) bisa lah marengek
Kok tapek pulo yo kanai di bawah pusek
Tararau rarau pai pulang maimbau gaek

Usah manciloteh, manciracau, mancimeeh juo
Jikok ndak mancubo, cubo datang lah kamari
Den dongkak kabau, den takuik pacah kapalo
Usah den dihago, labiah elok ang pai lari

Hep ta, buah sicerek
Kok kanai kaki den bisa lah marengek
Hep ta, sigulang-gulang
Kok kanai kaki den baranti jadi urang

Ikonyo waden nan banamo Pandeka Kalek
Kok kanai kaki den (ndeh mak) bisa lah marengek
Kok tapek pulo yo kanai di bawah pusek
Tararau rarau pai pulang maimbau gaek

[kembali ke atas]

(Ciptaan (?), Dipopulerkan oleh Asben)
©ourtesy of http://laguminanglamo.wordpress.com/

Sopir Hoyak

Co iko bana nasib den manjadi kuli
Oi nasi lah sabungkuih dibaok pai lah karajo
Di hari Sabtu denai lah tarimo gaji
Oi hari lah Sinayan pitih den lah habih pulo

Den cubo pulo karajo bakuli sarok
Pai lah jo oto turun naiak lah jo oto
Jan ka diharok nak gadih nan ka manyapo
Sadang den lalu sajo iduang dipakoknyo

Kini den cubo oi manjadi lah tukang becak
Oi karajo barek tapaso baju lah den bukak
Muatan banyak di sinan razaki tibo
Kok nan lai ka indak, becak kosong nan den bao

Oi kini den cubo maagen oto lah di petak
Kubik lah kamangubik, bakencak lah sambia lah basorak
Nan lai ka indak banyak panumpang lai urang awak
Dek sagan lah manyagan akhianyo saku den kuyak

Oi sungguah lah baitu denai indak lah putuih aso
O lain seronyo maagen oto lah di petak
Kok nan lai ka lai ado supir litak tulangnyo
Di sinan waden tapakai manjadi lah supir hoyak

(Ciptaan (?), Dipopulerkan oleh Asben)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 191 other followers

Dari Masa ke Masa


Lokasi Pengunjung

MARAWA

Dikunjungi

  • 3,078,064 orang

Follow

Get every new post delivered to your Inbox.

Join 191 other followers

%d bloggers like this: