Posts Tagged 'Betharia Sonata'

Bancano di Khatulistiwa

Dangalah Rang Minang …
Danga jo simak, tolong juo ranuangkan
Apo nan lah tajadi musibah siliah baganti
Manangih langik jo bumi, bancano makin manjadi …

Reff:

Di Pulau Sumatera …
Nan satantang jo Lintang Khatulistiwa …
Tasabuik tanah sarugo, tanah pusako bundo
Di sinan bancano tibo, basabab hilangnyo rimbo …

Kok rantiang lah mati tapanggang
Kok batang lah habih ditabang
Kok tabiang lah samakin curam
Kok jurang samakin dalam …

Padi lupo jo rangkiang
Lumuik tumbuah di janjang
Tabangkalai sawah jo ladang
Maratok kabau di kandang

Batang aia lupo jo hulunyo
Lautan lupo jo muaro
Kok bumi lah lupo jo rimbo
Erosi dimano-mano …

(Ciptaan (?), Dipopulerkan oleh Betharia Sonata, Sumbangan lirik oleh Ijoenk, Festival Lagu Minang 80an)
©ourtesy of http://laguminanglamo.wordpress.com/

Hutang Sabalik Pinggang

Lah olai … sipak sintuang …
Kok utangnyo … sabalik pinggang …

Bakcando kacang diabuih ciek
Onjak-onjaki sajo …
Di labuah gadang rambuik bakilek
Apo karajo …

Isi saku sen haram kok ado
Jan ka sabenggo …
Kok topi yo teleang
Bakaco mato …

Reff:

Maota Volvo, ciek tu nan alun punyo
Kok Fiat Marcedes yo punyo urang …
Makan jo maco, hari pakan jo maco juo
Antah bilo maso ka mangicok randang …

Kok caro ka bautang manyalang, Assalamualaikum …
Ota ilia ka mudiak objeknyo, nan gadang-gadang …
Malakik tabukak puro urang, inyo badendang …
Kok kepeang lah datang, inyo pai tabang – 2x

(Ciptaan Masroel Mamudja, Dipopulerkan oleh Betharia Sonata)
©ourtesy of http://laguminanglamo.wordpress.com/

Cinto Mambaro

Raso mambaro … api di dado
Jikok batuang
Hati lah lakek pandang partamo
Dek di suduik mato

Reff:

Ka bakeh angin … tolong bisiakkan
Ka dalam jantuangnyo
Satukan batin kasiah diganggam
Baitunyo cinto

Siang raso badan kadinginan
Malam mato ndak talalokkan
Sahari ondeh raso satahun
Dimano-mano, uda nan tampak juo – 2x

(Ciptaan (?), Dipopulerkan oleh Betharia Sonata)
©ourtesy of http://laguminanglamo.wordpress.com/

Ditingga Uda

Ondeh … sadiahnyo ditingga uda
Umpamo biduak indak bapandayuang
Karam kok sia ka manolongnyo
Ditingga uda alang sakiknyo
Ditingga uda kamari bedo

Lah kuruih … badan mamikiakannyo
Bialah ujan patuih nan ampiang
Namun hati den tak sakik juo
Ditingga uda alang sakiknyo
Elok jalehkan nak tantu pulo

Niniak jo mamak lah mananyokan
Sarato mandeh nan dicintoi

Bialah putuih tali paikek
Namun di hati kito basato
Hibo hati den indak tabedo
Tangih pambasuah hati nan luko

[narasi]
Sakik hati denai da
Sajak uda tinggakan ambo
Kamano lah badan ka dibaok
Uda jauah pulo …
[/narasi]

(Ciptaan (?), Dipopulerkan oleh Betharia Sonata)
©ourtesy of http://laguminanglamo.wordpress.com/

Tolong jo Doa

Ondeh …
Mangkonyo denai pai bajalan
Gadang mukasuik nan ka diharok
Hei …, tolong dek sanak ondeh jo doa
Buliah salamaik pulang jo pai

Reff:

Sungguah rami urang di Taluak Bayua
Namun hati denai taraso langang
Ranah jo tapian, sanak kawan-kawan
Nan kanduang pautan hati ka ditinggakan

Barangkek di kapa sabanta lai
Bagalau oi raso di dalam dado
Tinggalah taratak, tingga adiak sayang
Doakan sampai mukasuik jo cito-cito

Barangkek hanyo lai
Mambalah lauik gadang
Sarek kapa mambaok
Si anak dagang

Lah dapek nan dicari
Denai bagageh pulang
Mambangun kampuang kito
Yo Ranah Minang

(Ciptaan (?), Dipopulerkan oleh Betharia Sonata)
©ourtesy of http://laguminanglamo.wordpress.com/

Minang Kini

Di darek urang batanam baniah
Baniah ditanam harok manjadi padi
Diliek Minang kini sabana sadiah
Baraliah gambok di jaman kini

Di Cupak urang manggaleh lado
Banyak mambali tibo dari Salayo
Yo nampak Minang kini alah tabedo
Adaik ko ereang manangih Bundo

Reff:

Ondeh niniak mamak di Rumah Gadang
Tolonglah hiduikkan palito di Ranah Minang
Ondeh niniak mamak usah bapangku tangan
Tolonglah kuakkan kabuik palipuik Minang

Di Padang urang babendi-bendi
Urang babendi taruih ka Pauah Limo
Lah jaleh Minang kini banyak baganti
Adaik ko tingga manangih Bundo

(Ciptaan (?), Dipopulerkan oleh Betharia Sonata dan Yetty)
©ourtesy of http://laguminanglamo.wordpress.com/

Pituah Rang Tuo

Kulik tacilak bukan ukuran
Alun lai tantu rancak isinyo
Cando ambacang masak baparam
Dikicok ondeh masam rasonyo

Urang tagalak lun tantu sanang
Simak dahulu baa galaknyo

Nan tak tau jo ereng gendeng sanak
Awak mandanga sirah talingo
Nan indak tau jo nan ampek sanak
Yo data jalan dipabueknyo

Danga bana o sanak, rang mudo-mudo
Kok pituah o sanak, iyo paguno
Danga bana o sanak, rang mudo-mudo
Kok pituah o sanak, iyo paguno

Sapandai-pandai urang mancancang
Namun landasan ka kanai juo
Sasa dahulu yo pandapatan
Sasa kudian indak baguno

Alun bakilek alah bakalam
Kok kilek camin alah ka muko

Nan tak tau jo ereng gendeng sanak
Awak mandanga sirah talingo
Nan indak tau jo nan ampek sanak
Yo data jalan dipabueknyo

Danga bana o sanak, rang mudo-mudo
Kok pituah o sanak, iyo paguno
Danga bana o sanak, rang mudo-mudo
Kok pituah o sanak, iyo paguno

(Ciptaan (?), Dipopulerkan oleh Betharia Sonata)
©ourtesy of http://laguminanglamo.wordpress.com/

Si Malanca

Bamacam kurenah urang kok lah mandapek
Nan bedo kalau indak baiman kuek
Pangalaman Si Malanca, bapitih nan dapek koncek
Oi sansai, lah nyo bae babini ampek (ondeh)

Partamo dapek nan gapuak, sagalo namuah
Malanca tak paralu mambali kasua
Kaduo nan kuruih tonjang, nan iko agak pamberang
Oi iyo, ndak tabado lambuangnyo gadang

Reff:

Jikok nan hitam manih co madu
Tantangan kalah bantuak cimuntu
Nan nomor ampek sabana tinggi jo gadang
Kok marabo, nyo lampang awak takangkang

[kembali ke atas]

(Ciptaan (?), Dipopulerkan oleh Betharia Sonata)
©ourtesy of http://laguminanglamo.wordpress.com/

Kaki Limo

Lai nak sikola tinggi
Jo a digapai, indak bapitih
Sarik mancari karajo
Elok manggaleh di kaki limo

Sayang, adiak den sayang
Tingga di kampuang, oi tabayang-bayang
Sayang, adiak den sayang
Tibo masonyo den japuik pulang

Paneh garang tak paduli
Paluah di badan bak cando rinai
Tiok ka disuok nasi
Tabayang randang buatan biai

Sayang, adiak den sayang
Tingga di kampuang, oi tabayang-bayang
Sayang, adiak den sayang
Tibo masonyo den japuik pulang

[kembali ke atas]

(Ciptaan (?), Dipopulerkan oleh Betharia Sonata)
©ourtesy of http://laguminanglamo.wordpress.com/

Kumbang Cari (BS)

Ondeh … pucuak kacang bajelo-jelo
Daun maraok dalam parak
Mangkonyo risau urek pandan
Kambang sicerek hari patang …

Denai katokan sajak samulo …
Indak den arok ameh jo perak
Indak den silau jo kilek intan
Asa lai dakek jo uda surang … (kanduang ei …)

Cari-cari lah si kumbang cari – 4x

Ahaai … bara lah bana ka angek Padang
Indak sa-angek api narako
Bialah indak baralek gadang
Sa-urang siak oi jadi juo

Cari-cari lah si kumbang cari – 2x

Ondeh … hari pakan nan di Salido
Urang mamukek di Ulak Karang
Bialah makan jo samba lado
Asa lai dakek jo urang

Cari-cari lah si kumbang cari – 2x

Ahai … lai kapa lai pincalang
Sampan juo nan dilamun ombak
Rami pasa rami galanggang
Uda surang nan indak nampak

Ahaai … bara lah bana ka angek Padang
Indak sa-angek api narako
Bialah indak baralek gadang
Sa-urang siak oi jadi juo

Cari-cari lah si kumbang cari – 4x

(Ciptaan Orkes Kumbang Tjari, Dipopulerkan oleh Betharia Sonata)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 173 other followers

Dari Masa ke Masa


Pengunjung Terbaru

Jasmine on Badindin
Abdul Razak bin Yuso… on Mudiak Arau
BADINDIN on Badindin
agoez on Pulanglah Uda
ZUHAILY on Ayam den Lapeh
kukuluni on Mudiak Arau
nur hayati az-zanky on Bareh Solok
Miranda ilsi anisya on Talambek Pulang

Lokasi Pengunjung

MARAWA

Dikunjungi

  • 2,643,596 orang

Follow

Get every new post delivered to your Inbox.

Join 173 other followers

%d bloggers like this: