Sakapan

Dari lah Asai denai ka Talang
Badan mandaki mandi paluah – 2x
Denai baniaik (ondeh) indak lah datang
Raso mandapek bulan jatuah – 2x

Reff:

Lai malah tuan badadak padi …
Indak denai serakkan
Lai malah tuan bakandak hati …
Lambek tuan mangatokan

Tumbuah baririk batang kapeh
Tagak di suok kida jalan
Palinduang urang nan lalu
Pandai-pandai kito mauleh
Mauleh indak mangasan
Mambuhua indak mambuku

Jikoknyo tampang indak tasamai
Manabua baniah barabuik sanjo – 2x
Jikoknyo kasiah (ondeh) indak ka sampai
Dikubua sajo sakapan kito baduo – 2x

(Ciptaan Masroel Mamudja, Dipopulerkan oleh Efrinon)
©ourtesy of http://laguminanglamo.wordpress.com/

Anak Hilang

Jikok tuan rumah nan gadang
Atoknyo dapek babagi-bagi
Palupuahnyo tingga …, ibo …, ibonyo hati
Palupuahnyo tingga di mandeh surang

Reff:

Jikok hilang anak nan bujang
Ratoknyo dapek babagi-bagi
Kok rusuahnyo tingga …, ibo …, ibonyo hati
Kok rusuahnyo tingga di mandeh surang

Ayam panaiak lah nandak pulang
Raso tangiang di ladang urang
Kukuak badarai …, hari ka sanjo nak ei …
Jikok tacaliak nan samo gadang
Raso tabayang anak nan hilang
Jatuah badarai …, si aia mato …

Hilang jo apo … (kanduang) ka mandeh ganti …
Jarek samato … (kanduang) di badan diri

(Ciptaan (?), Dipopulerkan oleh Efrinon)
©ourtesy of http://laguminanglamo.wordpress.com/

Uda Samsudin

Jantuang badatak bapandang mato
Nyo tangangak denai tangango
Tangan denai nan dijaweknyo
Salam samo manyabuik namo
Jatuah cinto pandang partamo
Samo taraso yo lah samo suko

Uda Samsudin bin Burhanudin
Kampuang asanyo di Sicincin
Bausaho yo sangaik rajin
Tingga dakek simpang teng bensin
Dulu bajojo kacang tojin
Kini nyo jadi toke talua asin

Hati rindu dek jatuah cinto
Hari Minggu den mancarinyo
Di rumahnyo baranak duo
Bini nyo carai lari ka Jao

Tolong mak ei …
Anak den surang jadi batigo
Den paliharo mak …
Dek cinto buto, pado manjando
Ka den tarimo, bapiciang mato

[kembali ke atas]

(Ciptaan (?), Dipopulerkan oleh Efrinon)
©ourtesy of http://laguminanglamo.wordpress.com/

Jauahlah Kini

Lah jauah denai kini
Jauah ka kampuang sanak pun juo
Tinggalah denai di rantau urang
Panuah liku jo parasaian

Reff:

Pasan rang tuo taruih dikana
Dima denai tiok baranjak
Jauah-jauah di subarang kini
Mambaok bingkai nan lah usang

Bialah denai mancubo hiduik
Baitu juo kasudahannyo
Jauah sanak, jauah sudaro
Untuang parasaian ka dicubo

[Narasi]
Jauah yo jauah
Jauah kini yo lah sanak
Takana juo

(Ciptaan (?), Dipopulerkan oleh Lily Syarief dan Efrinon)
©ourtesy of http://laguminanglamo.wordpress.com/

Tolong Pikiakan

Ondeh …
Sacucuak sate nan dibaka
Harumnyo lapeh sampai ka pintu pasa, ondeh …
Urang mangipeh yo santiang bana
Indak babateh ujuang jo pangka
Silangkane nan pangka bala
Lah baku hampeh guliang jo banta

Usah tanyo riak jo galombang
Ambiak sampan dayuang ka tangah
Dek picayo jo kato orang
Bapisah dek asuang pitanah

Ondeh …
Sapucuak surek dari uda
Sahabih paneh kini tibo nan bana, ondeh …
Jikok ka lapeh di den ndak baa
Pado den cameh iduik jo uda
Dulu sabaleh den mambana
Kini lah tandeh uda manyasa

Dek talantuang bagageh naiak
Tajilapak tibo di laman
Lambek lansuang uda babaliak
Yo nan rancak tolong pikiakan

(Ciptaan (?), Dipopulerkan oleh Efrinon)
©ourtesy of http://laguminanglamo.wordpress.com/

Batu Nisan Mandeh

Tasintak lalok … ati ndak sanang
Tabayang mimpi nan baru lalu
Mangkonyo denai ka kampuang, ka mandeh …
Denai dapek’i halaman rumah lah rimbo …

Janjang lah rabah, pintu basaok, oh mandeh …
Den imbau mandeh indak babunyi …
Tanah tasirah, darah tasirok, oh mandeh …
Kironyo mandeh baru ka pai

Mandeh …
Manga denai ndak banantikan …
Nan den tangisi tingga batu nisan …

[kembali ke atas]

(Ciptaan (?), Dipopulerkan oleh Efrinon)
©ourtesy of http://laguminanglamo.wordpress.com/

Takana Juo

Lapeh nan dari Aua Birugo
Tampak jam gadang manjulang tinggi
Lah lapeh pulo kijang ka rimbo
Hilang jo apo kasiah den ganti
Lah lapeh pulo kijang ka rimbo
Hilang jo apo kasiah den ganti

Takana juo, iyo …
Dek kasiah ditinggakan
Hati den ibo, iyo …
Dek kasiah dirangguikkan

Tagak jam gadang di Bukiktinggi
Manjadi saksi janji baduo
Kasiah jo sayang uda usah habisi
Sahalai rambuik tinggakan juo
Kasiah jo sayang usah habisi
Sahalai rambuik tinggakan juo

Takana juo, iyo …
Dek kasiah ditinggakan
Hati den ibo, iyo …
Dek kasiah dirangguikkan

(Ciptaan (?), Dipopulerkan oleh Elly Kasim dan Efrinon)
©ourtesy of http://laguminanglamo.wordpress.com/

Banda Sapuluah

Darah di dado lah tasirok
Angok nan sayuik-sayuik sampai
Raso ka putuih tali nyao …
Tasintak denai dalam lalok
Nan tahampeh tangan ka lantai
Nan bak raso jo kanduang juo mak …

Hari sanjo di Padang Gaduik mak
Di sinan urang pai baburu
Manangih denai dalam salimuik
Sia lah urang mungkin tau mak …

Hari sanjo di Pasa Ibuah
Pulang mambaok pisang kalek
Kok ndak tau jo hati rusuah
Jujuanglah kayu ndak bakabek ndeh …

Sawah gadang di tapi labuah
Elok masak candonyo padi
Basamo-samo kito sabik …
Di denai lai nan marusuah
Dari sahari ka sahari
Taraso badan batambah sakik mak …

Nan Sitajuak parang jo Lundi mak
Nan Lamiang di Tanah Baso
Nan den sangko sayang keh kami
Kasiah ka urang moh kironyo da …

Nan ka parak ka Tanah Data
Nan bajalan baduo-duo
Nan kok indak katokan indak
Padonyo muluik tadorong sajo da …

(Disadur dari Saluang Klasik, Dipopulerkan oleh Efrinon)
©ourtesy of http://laguminanglamo.wordpress.com/

Indak Mungkia Janji

Tumbuah … tumbuah kopi dalam parak
Tumbuah maraok ka batang palo
Sungguah hati yo taragak
Ka bakeh uda nan denai cinto – 2x

Reff:

Buah … buah sampelo masak di batang
Balah duo makan jo santan
Dek untuang denai alun lah sanang
Rindu ka uda denai tahankan – 2x

Babunyi saluang tangah malam
Bunyinyo baibo-ibo
Tabayang uda di ruang mato …
Mato nan indak talalokkan …

Cameh mandayo dalam hati
Takuik uda baraliah kasiah
Duduak basandiang jo urang lain …
Sio-sio panantian

Angin … angin malam baoklah pasan
Tolong bisiakkan ka kasiah denai
Usah ragu jo cinto denai
Denai nan indak mungkia jo janji – 2x

(Ciptaan (?), Dipopulerkan oleh Efrinon)
©ourtesy of http://laguminanglamo.wordpress.com/

Karam Ditapi

Taisak-isak duduak di pintu
Malapeh urang pai bajalan
Iyo di awak lai katuju, ndeh mamak nan managahkan
Iyo di awak lai katuju, ndeh mamak nan managahkan

Lai den tuju sampai ka pulau
Tibo di tapi mangko ka karam
Lain den cubo maubek risau, ndeh hati ramuak di dalam
Lain den cubo maubek risau, ndeh hati ramuak di dalam

Reff:

Karam di tapi biduak den tumpang …
Kama lah badan tampek batenggang
Karam di tapi biduak den tumpang …
Kama lah badan tampek batenggang

Karam di tangah iyo lah tantu
Jikok nan bedo karam di tapi
Malang di awak indak batamu, di anak kito pajadi
Malang di awak indak batamu, di anak kito pajadi

[Versi Efrinon]

Taisak isak duduak di pintu
Malapeh uda pai bajalan
Iyo di awak lai katuju
Dek mamak nan managahkan

Tabang barabah di hari sanjo
Bakicau murai tandonyo pagi
Karam ditangah alah biaso
Nan sansai karam ditapi

Tadorong kapa dapek babelok (ondeh mak)
Tadorong kasiah kama mangadu
Tadorong langkah dapek di elo (ondeh mak)
Tadorong cinto Tuhan nan tahu

(Ciptaan Nuskan Syarief, Dipopulerkan oleh Elly Kasim dan Efrinon)
©ourtesy of http://laguminanglamo.wordpress.com/