Kain Bugih

Kain Bugih …
Pamakai urang sisuak
Ka pai baralek jo panjanguak …

Yo rang kini …
Sangaik balain tingkah laku
Ka kain panjang, bakain pendek

Yo lah baitu …
Yo di dunia kini
Urang sisuak tak pulo disalahkan juo

Kain Bugih …
Nan kini balain pulo
Dibuek ka kain pendek
Dek urang kini

Yo lah sadiah …
Kito malieknyo
Tingkah laku yo rang kini

Yo lah ka dikana …
Yo lah ka diliek pulo
Yo lah ka dikana …
Baitu juo

(Ciptaan (?), Dipopulerkan oleh Ernie Djohan)
©ourtesy of http://laguminanglamo.wordpress.com/

Dokok Dokok

Hei … dokok-dokok
Kue koci, baluo lamang baluo
Hei … cubo ciek
Cubo ciek yo duo sinan nak duo

Hei … dokok-dokok
Kacang tojin, yo gulo kacang bagulo
Bali sabungkuih
Yo sabungkuih, baduo kanyang baduo

Reff:

Bareh puluik, jo santan bagulo anau
Ba bagalimang sabana lamak rasonyo …
Bia kini badan den jauah di rantau
Si dokok-dokok oi kanduang takana juo …

Hei … dokok-dokok
Kacang tojin, yo gulo kacang bagulo
Bali sabungkuih
Yo sabungkuih, baduo kanyang baduo

Hei … dokok-dokok, dokok-dokok, dokok-dokok

(Ciptaan Nuskan Syarief, Dipopulerkan oleh Ernie Djohan)
©ourtesy of http://laguminanglamo.wordpress.com/

Mamak Sanang

Panek bajalan lah ka Indaruang (alah tuan oi)
Baranti dulu si minum kopi
Baa ka diarok si bapak kanduang (alah tuan oi)
Nan tiok kelok tiok babini

Iyo lah iyo bana – 3x
Alah tuan oi

Panek bajalan lah ka Indaruang (alah adiak oi)
Baranti dulu si minum kopi
Baa ka diarok lah si mandeh kanduang (alah adiak oi)
Makin lah gaek makin manjadi

Iyo lah samo sajo – 3x
Untuang awak ko

Anak lah urang balayang-layang (alah kawan oi)
Putuih talinyo ateh ilalang
Tibo di apak ambo jadi mamak sanang (alah tuan oi)
Tibo lah di amak ambo jadi etek girang

Iyo lah iyo bana – 3x
Dunia lah tuo …

(Ciptaan Oslan Husein, Dipopulerkan oleh Ernie Djohan dan Oslan Husein)

download mp3 nya di sini
©ourtesy of http://laguminanglamo.wordpress.com/

Alah Bapunyo

Iyo lai den rambah (yo den rambah), nyo nan tumbuah juo
Iyo lai den tagah (yo den tagah), nyo nan namuah juo
Iyo lai den kabek (yo den kabek), nyo nan lapeh juo
Iyo lai den ikek (yo den ikek), pai keh rang punyo

Indak den sangko (indak den sangko) bak cando iko
Taratai tumbuah (taratai tumbuah) di tapi talago
Indak den sangko (indak den sangko) sarupo iko
Janji taukia (janji taukia) di muluik sajo

Iyo lai den rambah (yo den rambah), nyo nan tumbuah juo
Iyo lai den tagah (yo den tagah), nyo nan namuah juo
Iyo lai den kabek (yo den kabek), nyo nan lapeh juo
Iyo lai den ikek (yo den ikek), pai keh rang punyo

Indak den sangko (indak den sangko) si sari kayo
Elok dimakan (elok dimakan) jikok basamo
Indak den sangko (indak den sangko) bak cando iko
Tacinto gadih (tacinto gadih) alah bapunyo

Iyo lai den rambah (yo den rambah), nyo nan tumbuah juo
Iyo lai den tagah (yo den tagah), nyo nan namuah juo
Iyo lai den kabek (yo den kabek), nyo nan lapeh juo
Iyo lai den ikek (yo den ikek), pai keh rang punyo

Pai keh rang punyo -4x

(Ciptaan Oslan Husein, Dipopulerkan oleh Ernie Djohan dan Oslan Husein)

download mp3 nya di sini
©ourtesy of http://laguminanglamo.wordpress.com/

Bareh Solok

(Versi Ernie Djohan)

Bareh Solok tanak didandang
Dipagatok ulam pario
Bunyi kulek cando badendang
Dek ditingkah (hmm) si samba lado

Urang Sumpu jalan barampek
Di Singkarak singgah dahulu
Bareh baru makan jo pangek
Indak nampak (hmm) mintuo lalu

Bareh Solok bareh tanamo
Bareh Solok lamak rasonyo
Bareh Solok bareh tanamo
Bareh Solok lamak rasonyo

Denai Tamanuang

Lamo denai tamanuang
Takana juo maso nan lah lalu
Kanangan denai nan surang
Nan lah lalu takana juo

Jauah-jauah balaruik-laruik sayang
Nan surang takana juo
Panek denai mangana inyo kanduang
Aia mato jatuahlah badarai

Lah lamo denai mananti
Badan marano indak taubek

Manga coiko denai jadi nyo kanduang
Denai surang juo nan marano
Manga coiko denai jadi nyo kanduang
Denai surang juo nan marano

(Ciptaan Jasir Sjam, Dipopulerkan oleh Ernie Djohan, Sumbangan Lirik oleh Sidi Nursal Alland)
©ourtesy of http://laguminanglamo.wordpress.com/

Maninjau jo Singkarak

Danau Maninjau jo Singkarak
Taluak Bayua nan indak ka den lupokan
Usahlah risau dek ragak
Salam rindu jo lagu denai sampaikan

Oi Bundo tolong jo doa …
Untuang tabangkik yo ciinan batang tarandam

(Ciptaan (?), Dipopulerkan oleh Erni Djohan, Sumbangan Lirik oleh Inyiak Darwas Ibrahim)
©ourtesy of http://laguminanglamo.wordpress.com/

Hitam Manih

Asam kandih asam balimbiang
Asam kapeh dari subarang
Hitam manih rambuik karitiang
Indak lah pueh mato mamandang

Reff:

Asam kandih asam ka pangek
Di baok dari Koto Tangah
Hitam manih jikok mangamek
Manyalinok co gulo saka
Mambuek denai harok cameh
Si hitam manih

Bukan asam sumbarang asam
Asam kapeh dari subarang
Bukan hitam sumbarang hitam
Indak pueh mato mamandang
Antah inyo alah bapunyo
Si hitam manih

Asam kandih asam balimbiang
Dalam parak banyak batangnyo
Hitam manih rambuik karitiang
Tambah rancak dek lasuang pipik dipipinyo

(Ciptaan (?), Dipopulerkan oleh Elly Kasim dan Ernie Djohan)
©ourtesy of http://laguminanglamo.wordpress.com/

Ratok Denai

Ratok denai surang … tolong patenggangkan

Ondeh manga coiko jadinyo
Malarek badan di rantau urang
Manangih siang jo malam
Takana untuang takadia badan

Reff:

Kok takana ayah jo bundo
Sangkek ketek hiduik dimanjo
Yo dunsanak sayang kasadonyo
Sinan badarai si aia mato

Yo dunsanak yo sudaro
Nio nak pulang tak ado dayo
Kaba tadanga bundo tak ado
Pulang mandapek hanyo pusaro

(Ciptaan Yasir Syam, Dipopulerkan oleh Ernie Djohan, Aransemen: Zaenal Combo, 1967)
©ourtesy of http://laguminanglamo.wordpress.com/