Atiak Denai

Anak gagak yo atiak denai, yo atiak denai tabang ka benteang
Tibo di benteang yo atiak denai, yo atiak denai, mamakan padi
Awak rancak yo atiak denai, yo atiak denai, kupiah teleang
Diliek saku yo atiak denai, yo atiak denai, indak barisi

Indak barisi …
Indak barisi …

Anak koncek yo atiak denai, yo atiak denai di ateh padi
Taruih malompek yo atiak denai, yo atiak denai ateh pamatang
Awak ketek yo atiak denai, yo atiak denai makin manjadi …
Yo kok disapo yo atiak denai, yo atiak denai karengkang adang

Indak barisi …
Indak barisi …

(Ciptaan (?), Dipopulerkan oleh Oslan Husein, Orkes Gumarang)
©ourtesy of http://laguminanglamo.wordpress.com/

Oi Kampuang

Oi kampuang nan jauah dimato …

Oi kampuang, kampuang nan jauah, jauah lah dari mato
Oi kampuang, kampuang nan jauah, jauah lah dari mato
Ba bukik ba Gunuang Marapi, Singgalang, Kurinci
Ba Aia Mancua ba Danau Singkarak jo Maninjau

Oi kampuang nan jauah di mato
Si upiak takana lah juo

Oi takana, takana jo kawan-kawan nan lamo
Oi takana, takana jo kawan-kawan nan lamo
Sangkek den basuliang-suliang karajo sampai lah sanjo
Takana ayah induak sanak adiak malah kasadonyo

Oi kampuang nan jauah di mato
Si upiak takana lah juo …

Rang kampuang yo, rang kampuang yo banyak nan elok-elok
Rang kampuang yo, rang kampuang yo banyak nan elok-elok
Tuo mudo gadih jo bujang bagotong royong
Sakik sanang samo-samo rato marasokan

Oi kampuang nan jauah di mato
Si upiak takana lah juo …

(Ciptaan Asbon Madjid, Dipopulerkan oleh Juni Amir – Orkes Gumarang)
©ourtesy of http://laguminanglamo.wordpress.com/

Laruik Sanjo

[Versi Gumarang]

Mandi ka Lubuak Mandalian – 2x
Udang disangko tali-tali – 2x
Mabuak untuang jo parasaian – 2x
Patang disangko pagi hari – 2x

Ondeh…ondeh …, lah laruik sanjo …

Lai ditimbo nan ba-udang – 2x
Biluluak juo nan tatimbo – 2x
Lai dicubo nan bak urang – 2x
Nan buruak juo nan tasuo – 2x

Ondeh…ondeh …, lah laruik sanjo …

Hari patang matohari turun – 2x
Dagang baurai aia mato – 2x

Ondeh…ondeh …, lah laruik sanjo …
Ondeh…ondeh …, lah laruik sanjo …

Karam Surang

Buah kaliki dalam parak
Nan cubadak di ateh peti, di ateh peti
Iyo iyo, iyo lah di ateh peti
Bia dipancuang bia ditembak
Asa mandapek yo nan di hati, yo nan di hati
Iyo iyo, iyo lah yo nan di hati

Hmm … karam surang
Hmm … karam surang

Reff:

Banyak urang mangatam puluik
Ambo nan surang mangatam padi, mangatam padi
Iyo iyo, iyo lah mangatam padi
Banyak urang karam di lauik
Ambo nan surang karam di hati, karam di hati
Iyo iyo, iyo lah karam di hati

Hmm … karam surang
Hmm … karam surang

(Ciptaan (?), Dipopulerkan oleh Orkes Gumarang)
©ourtesy of http://laguminanglamo.wordpress.com/

Nan Bagala

Apo gala nyo rambuik?
Iyo bagala si ika mayang
Gala urang panakuik?
Nan bagala si gadang kalang

Apo gala nyo bibia?
Iyo bagala merah dalimo diak
Apo gala rang andia?
Hei tagiah gilo lah pado kayo

Apo gala nyo pipih?
Iyo bagala pauah dilayang
Apo gala nyo Siti?
Kok bajalan suko malenggang

Apo gala nyo sunguik?
Iyo bagala si sunguik kawek
Ndak elok urang pambuduik
Jikok pambuduik lakeh lah gaek

Gala si bulu mato?
Iyo bagala samuik bairiang
Gala pandai karajo?
Iyo nan suko panggatok jariang

Apo gala nyo badia?
Iyo bagala badia bilalan
Tasingguang jan lah bangih
Mari kito samo badendang

Versi Lain

Indak Den Sangko

Indak disangko, indak disangko, si tabuang niro …
Ambiak lah rantiang, ambiak lah rantiang pangabek kain
Indak den sangko, indak den sangko, bak cando iko …
Adiak nan surang, adiak nan surang cari nan lain

Lah tagerai candonyo padi
Katan lah lupo jo puluiknyo
Lah paneh candonyo hari
Kacang lah lupo jo kuliknyo

Reff:

Usah pauikkan, usah pauikkan, si kabau jalang …
Ambiak lah pandan, ambiak lah pandan jo bungo lado
Usah turuikkan, usah turuikkan bak kato urang …
Binaso badan, binaso badan kasudahannyo

Lah tagerai candonyo padi
Katan lah lupo jo puluiknyo
Lah paneh candonyo hari
Kacang lah lupo jo kuliknyo

(Ciptaan (?), Dipopulerkan oleh Gumarang)
©ourtesy of http://laguminanglamo.wordpress.com/

Kue Dokok Dokok

Kue kue, dokok dokok
Lapek bugih, lapek baru, kue
Lamang, kue lampar, kue koci
Kue kue …

Jikok malam kami bajojo
Urang lalok kami nan jago juo
Mancari makan sanak sudaro
Kue kue …, kue kue …

Cubolah hai cubo oi kawan sadonyo
Iyo sabana sero dimakan baduo
Ciek lai sadang, banyak abih juo
Nan mambali sanang kami balabo

Kue kue, dokok dokok
Lapek bugih, lapek baru, kue
Lamang, kue lampar, kue koci
Kue kue …

Jikok malam kami bajojo
Urang lalok kami nan jago juo
Mancari makan sanak sudaro
Kue kue …, kue kue …

Cubolah hai cubo oi kawan sadonyo
Iyo sabana sero dimakan baduo
Ciek lai sadang, banyak abih juo
Nan mambali sanang kami balabo

Kue kue, dokok dokok
Lapek bugih, lapek baru, kue
Lamang, kue lampar, kue koci
Kue kue …, kue kue …, kue kue …

(Ciptaan Yusaf Rahman, Dipopulerkan oleh Gumarang)
©ourtesy of http://laguminanglamo.wordpress.com/

Nasib Sawahlunto

[Versi Gumarang]

Dari tapian ka Sawahlunto (kanduang)
Sawahlunto bukik barantai
Parasaian badan, parasaian badan sarupo iko
Sarupo iko … (kanduang) – 2x
Baitu lah dagang nan sansai – 2x

Balari lari bukannyo kijang (kanduang)
Pandan tasanda di tapian
Kami yo lah banyanyi, kami yo banyanyi bukannyo girang
Bukannyo riang … (kanduang) – 2x
Badan takana untuang jo bagian – 2x

Kubang Sirakuak ba Kayu Aro (kanduang)
Tanam lado di tapi ngarai
Untuang badan kami, untuang badan kami sarupo iko
Sarupo iko … (kanduang) – 2x
Baitu lah dagang nan sansai – 3x

Laruik Malam

[Versi Gumarang]

Lah laruik malam … 3x

Dangalah lagu rang panggaleh, rang panggaleh
Bajojo lapek tangah malam, tangah malam
Bialah pipik nak nyo lapeh, nak nyo lapeh
Asa baganti jo buruang balam
Bialah pipik nak nyo lapeh, nak nyo lapeh
Asa baganti jo buruang balam

Reff:

Oi dingin oi hari yo lah laruik … 2x
Lah laruik malam … 3x

Lamang jo lampar sarikayo, sarikayo
Bagulo anau batangguli, batangguli
Indak den harok jo nan kayo, jo nan kayo
Bialah bansaik asa babudi
Indak den harok jo nan kayo, jo nan kayo
Bialah bansaik asa babudi

Oi dingin oi hari yo lah laruik … 2x
Lah laruik malam … 3x

Denai Sansai

Jikok den kaka, si daun paku …
Jatuah lah badarai, sibungo lado …
Yo lah sansai yo badan oi -2x

Jikok den kana maso dahulu …
Jatuah lah badarai, si aia mato …
Yo lah sansai yo badan oi -2x

Makan cubadak, baulam manggih …
Manggih dimakan dalam parahu …
Yo lah sansai yo badan oi -2x

Di lua galak di dalam tangih …
Indak ka ado, urang nan tau …
Yo lah sansai yo badan oi -2x

(Ciptaan Sofyan Naan, Dipopulerkan oleh Anas Yusuf – Orkes Gumarang, Sumbangan lirik oleh Lies Marlysa Ramali)
©ourtesy of http://laguminanglamo.wordpress.com/