Salam Parantauan

[Versi Irni Basir]

Dangakanlah denai banyanyi
Lagu jo dendang suratan hati
Sairiang rindu jo ratok tangih (sayang)
Cinto denai lah tatuntuang habih

Salam rindu denai sampaikan
Di dalam lagu denai kirimkan
Lagu ka ganti diri den surang (sayang)
Badan nan jauah di parantauan

Pandanglah awan bararak di ateh gunuang
Tah ka bilo hari ka tarang
Lah larek badan denai jauah dari kampuang
Tah pabilo denai ka pulang

Dangakanlah denai banyanyi
Lagu jo dendang suratan hati
Lagu ka ganti diri den surang (sayang)
Badan nan jauah di parantauan

[Versi Hetty Koes Endang]

Dangakanlah denai banyanyi
Lagu jo dendang suratan hati
Sairiang rindu jo ratok tangih (sayang)
Badan nan lareh di rantau kini

Reff:

Salam rindu denai kirimkan
Dalam lagu denai sampaikan
Lagu ka ganti diri den surang (sayang)
Badan nan jauah di parantauan

Pandanglah awan bararak di ateh gunuang
Antah bilo hari ka patang
Lah lareh badan denai jauah dari kampuang
Antah pabilo denai ka pulang

(Ciptaan (?), Dipopulerkan pertama kali oleh Irni Basir kemudian oleh Hetty Koes Endang)
©ourtesy of http://laguminanglamo.wordpress.com/

Tambah Pitih Balanjo

Tambahlah tambah pitih balanjo da
Apo dibali sagalo maha da
Sakik kapalo den manuka da
Balanjo sayua, tambahlah tambah da

Jan lah mamintak sisiak ka limbek diak
Balikan sajo apo nan dapek diak
Pucuak parancih jo samba lado diak
Jariang jo patai pun jadi juo diak

Jariang jo patai lah maha pulo da
Pucuak parancih tabaok sato da
Apo lai dagiang jan ka disabuik da
Allahu rabi samaha tubo da

Tambahlah tambah tambahlah gaji pak
Gaji tak cukuik sakik kapalo pak
Nak korupsi kami yo takuik pak
Tambahlah tambah, tambahlah gaji pak

[kembali ke atas]

(Ciptaan Syamsi Hasan, Dipopulerkan oleh Syamsi Hasan dan Hetty Koes Endang)
©ourtesy of http://laguminanglamo.wordpress.com/

Ba Ka Be

[Syamsi]
Datang ciek o lah marengek
Datang niak o lah mangeak
Alun den gaek uban lah manggarabak

[Hetty]
Sia uda salahkan
Sia uda sasakan
Kan uda juo punyo kalakuan

Reff:

[Syamsi]
Oi … induak-induak
Manga panyakik dicari-cari

[Hetty]
Kami dek ibo hoho
Jan apak-apak dapek darah tinggi

[Duet]
Kito lah samo salah
Elok malah diubah
Satolah KB, Keluarga Berencana
Dunia samakin sampik
Hiduik samakin sulik
Cukuiklah tigo kapalo ndak sakik – 2x

(Ciptaan Syamsi Hasan, Dipopulerkan pertama kali oleh Syamsi Hasan dan Hetty Koes Endang)
©ourtesy of http://laguminanglamo.wordpress.com/

Rang Awak Juo

Lamo ranah denai tinggakan
Kini putiah rambuik di kapalo
Ulah budi tajarek hati
Ndak rang awak, rang kito juo

Sanangnyo hati mandangakan
Alah rancak oi Ranah Bundo
Samaso ketek tampek bamain
Dulu sawah kini lah koto

Bia lamo tak pulang
Ambo rang awak juo
Indak lupo jo randang
Patai jo samba lado

Bia lamo tak pulang
Ambo rang awak juo
Indak lupo jo randang
Patai jo samba lado

[kembali ke atas]

(Ciptaan (?), Dipopulerkan oleh Hetty Koes Endang)
©ourtesy of http://laguminanglamo.wordpress.com/

Lansuang Sajo

Apo mukasuik nak tau diri ambo
Apo mukasuik ditanyokan sagalonyo
Nan apak, nan mandeh, nan mamak
Niniak moyang yo biaso, urang biaso

Apo mukasuik nak tau namo ambo
Apo mukasuik ditanyokan sagalonyo
Nan rambuik, nan kulik, mato hiduang
Sadonyo pambarian Maha Kuaso

Manga, manga, manga, manga mau tau sajo
Pakai parantaro ado komisinyo
Manga, manga, manga, manga indak lansuang sajo
Kok cocok nomor angkek barangnyo

Manga, manga, manga, manga mau tau sajo
Pakai parantaro kini tak jamannyo
Manga, manga, manga, manga indak lansuang sajo
Cocok etongan angkek barangnyo

(Ciptaan (?), Dipopulerkan oleh Hetty Koes Endang)
©ourtesy of http://laguminanglamo.wordpress.com/

Jan Kini

Malereang jalan ka puncak
Marengek si masin oto
Manggeleang bukannyo anggak
Manjawek denai nan bedo

Malereang jalan ka Koto
Malanguah kabau padati
Manggeleang bukan tak nio
Den namuah tapi jan kini

Bialah …
Basaba kito mananti
Di denai …
Yo tuan labuhan diri

Timpuruang badakak-dakak
Antimun batali-tali
Co buruang di dalam sangkak
Tak kama ka tabang lai

[kembali ke atas]

(Ciptaan (?), Dipopulerkan oleh Hetty Koes Endang)
©ourtesy of http://laguminanglamo.wordpress.com/

Bancano Manusia

Di langik awan bagumpa
Di ladang rumpuik lah cameh
Hujan badai aia malimpah
Kota dibangun kampuang nan tandeh

Tadanga ratok jo tangih
Bacarai badan jo nyao
Jikok alam nan alah bangih
Ilimu tinggi indak badayo

Babagai-bagai datang bancano
Apoko umaik nan banyak doso
Jago iman kakang salero
Buliah salamaik ingek Nan Aso

Babagai-bagai (bancano) datang bancano
Apoko umaik (oi sanak) nan banyak doso
Jagolah iman (salero) kakang salero
Buliah salamaik (oi sanak) ingek Nan Aso

[kembali ke atas]

(Ciptaan (?), Dipopulerkan oleh Hetty Koes Endang)
©ourtesy of http://laguminanglamo.wordpress.com/

Sansaro Nan Tibo

Malang suratan badan nan denai tangguangkan
Cando sampan nan dilando topan
Lai elok dicito, sansaro nan tibo
Apo dayo denai ditinggakan

Malang suratan diri
Urang dicinto mungkia jo janji
Tolonglah patenggangkan
Bumi dipijak nan alah taban

Malang suratan badan nan denai tangguangkan
Cando sampan nan dilando topan
Lai elok dicito, sansaro nan tibo
Apo dayo denai ditinggakan

Malang suratan diri
Urang dicinto mungkia jo janji
Tolonglah patenggangkan
Bumi dipijak nan alah taban

(Ciptaan (?), Dipopulerkan oleh Hetty Koes Endang)
©ourtesy of http://laguminanglamo.wordpress.com/

Tarumuak

Putuih tali, disambuang dapek disambuang
Putuih cinto sansaro dibueknyo
Dima duduak, bamanuang badan tamanuang
Batambah laruik hati nan seso

Padiah hati nan luko indak tabado
Ulah cinto tarumuak dibueknyo
Kasiah sayang tajalin nan alah lamo
Kini bapisah sansai jadinyo

Dibaok tagak salah, dibaok duduak bedo
Bumi dipijak saraso baputa
Dibaok tagak salah, dibaok duduak bedo
Bumi dipijak saraso baputa

[kembali ke atas]

(Ciptaan (?), Dipopulerkan oleh Hetty Koes Endang)
©ourtesy of http://laguminanglamo.wordpress.com/

Pulanglah Rang Minang

Taisak tangih Gunuang Marapi
Gunuang Singgalang hatinyo bimbang
Gunuang Sago hatinyo taibo
Lah langang nagari kito
Sanak marantau juo

Oi Rang Minang, manga marantau juo
Di kampuang sadang paguno
Elok di rumah sajo

Sawah jo ladang laweh mambantang
Sanak mangakeh di nagari urang
Lah malaraik hiduik di parantauan
Badan kuruih tingga tulang
Alun juo nak pulang

Oi Rang Minang, manga marantau juo
Di kampuang sadang paguno
Elok di rumah sajo

[kembali ke atas]

(Ciptaan (?), Dipopulerkan oleh Hetty Koes Endang)
©ourtesy of http://laguminanglamo.wordpress.com/