Posts Tagged 'Lily Marlene'

Nak Mudo Kini

Di Kayu Tanam aleknyo rami
Rami dek anak nan mudo-mudo – 2x
Lain caronyo nak bujang kini
Alun disapo tagalak surang – 2x

Tinggi batangnyo, batang kuini
Jatuah dijuluak dibaok pulang – 2x
Baitu pulo nak gadih kini
Alun disapo tagalak surang – 2x

Simpangnyo tigo Parik Malintang
Ka kida jalan ka Pakandangan – 2x
Bara lah lagak tagak di simpang
Baju basalang nan dionggakkan – 2x

Talu nan areh basagi anam
Dipasan anak Rang Pariaman – 2x
Takuik si gadih tingga jo zaman
Rambuik disalon dikaritiangkan

Harum baunnyo bungo cimpago
Harumnyo sampai ka tangah jalan – 2x
Arok si bujang babini mudo
Baranak duo katonyo bujang – 2x

(Ciptaan Tiar Ramon, Dipopulerkan oleh Lily Marlene, 1970an)
©ourtesy of http://laguminanglamo.wordpress.com/

Jadi Rasian

Usah dirambah, katu si batang katu
Digulai manih samba urang di ladang
Usah disasa nan lalu, usah disasa nan lalu
Dirubah sajo maso ka datang

Alah dicubo lenggang yo malenggangkan
Satantang kelok baranti di tapian
Lah dicubo malupokan, lah dicubo malupokan
Di dalam lalok jadi rasian

Daruak darak, daruak darak mangunyah tulang
Mangunyah tulang yo anso, si tulang anso
Lai taragak, lai taragak bakcando urang
Tibo di awak yo hao malapeh hao

[kembali ke atas]

(Ciptaan (?), Dipopulerkan oleh Lily Marlene)
©ourtesy of http://laguminanglamo.wordpress.com/

Si Bansaik Si Kayo

Banyak nan bansaik o banyak nan kayo
Tapi kok kini jauah bedonyo
Antah kok dunia oi kini nan tuo
Antah kok umaik nan banyak doso

Ho … Ya Tuhan dangakan juo
Ho … Ya Tuhan ubekkan juo
Ya Allah … apoko doso

Jikok nan kayo o lamak hodengnyo
Jikok si bansaik galak manduo
Mungkin suratan oi dunia nangko
Apo nan tibo kami tarimo

Ho … Ya Tuhan dangakan juo
Ho … Ya Tuhan ubekkan juo
Ya Allah … apoko doso

[kembali ke atas]

(Ciptaan (?), Dipopulerkan oleh Lily Marlene)
©ourtesy of http://laguminanglamo.wordpress.com/

Yo Waik

Bukik banamo Sungai Rotan
Tanjuang Barabah di Kurai Taji
Bakeh dunsanak denai kabakan
Tantang curito si badan diri
Bakeh dunsanak denai kabakan
Tantang curito si badan diri

Reff:

Bungo cuang di Koto Gadih
Dibaok urang ka Pariaman
Jikok bajalan babuah batih
Jikok malenggang babuah tangan
Jikok bajalan babuah batih
Jikok malenggang babuah tangan

Koto Piaman makin tacelak
Yo waik …, yo waik
Sakik di badan taraso cegak
Yo waik …, yo waik

Bulan Sapa bulan kiramaik
Baduyun umaik yo ka Ulakan
Bilo manembak yo baalamaik
Jikok bakato yo batujuan
Bilo manembak yo baalamaik
Jikok bakato yo batujuan

Yo waik …, yo waik
Yo waik …, yo waik …

(Ciptaan (?), Dipopulerkan oleh Lily Marlene)
©ourtesy of http://laguminanglamo.wordpress.com/

Babaliak Badunsanak

Dek ulah samo maulua junjuang
Bapalun gagang di udaro
Rintang dek putiak di dalam bungo
Lupo urek di ladang surang

Nak taruih banyak sansaronyo
Ka suruik indak mungkin lai
Bialah luluah niaik di ganggaman
Usah tabatiak tabarito

Reff:

Maafkan denai oi sayang
Unjuak tak sampai babarikan
Kito bukak tali buhua sentak
Saba nan tinggakan juo

Dek kalah mato jaweklah salam
Kito babaliak badunsanak

(Ciptaan (?), Dipopulerkan oleh Lily Marlene)
©ourtesy of http://laguminanglamo.wordpress.com/

Cindua Mato Bundo Kanduang

Panakiak pisau sirauik …
Pisau sirauik Rang VII Koto
Urang kiramaik iduik-iduik …
Nan banamo si Cindua Mato

Hep ta …

Reff:

Nan bakudo jo si gumarang
Nan bakabau jo si binuang
Nan baayam jo si kinantan

Nan bakudo jo si gumarang
Nan bakabau jo si binuang
Nan baayam jo si kinantan

Bundo Kanduang, Bundo Kanduang di Pagaruyuang …
Rajo Mudo di Sikalawi – 2x
Jikok bagak, jikok bagak kapalang tangguang …
Jikok iduik barani mati – 2x

Pagaruyuang di Batusangka
Di sinan Bundo Kanduang
Rajo Kuaso di Ranah Minang
Rajo adia rajo disambah
Tagak bakcando payuang
Payuang gadang Nagari Minang

Limo Kaum, Limo Kaum di Batusangka …
Singgah mambali limau puruik – 2x
Cindua Mato, Cindua Mato urang pandeka …
Pandai manyipak madok suruik – 2x

(Ciptaan (?), Dipopulerkan oleh Lily Marlene)
©ourtesy of http://laguminanglamo.wordpress.com/

Andam Sarasah

Andam Sarasah …, pautan hati …
Tuan kanduang di denai …, hmmm …

Reff:

Di aia tajun Andam bagaduah
Sampai dikutuak dek ula cindai

Andam iyo lah lamo mamikek hati denai
Kini tibo masonyo kasiah dimulai

Marilah kito samo bajanji
Janji sahiduik jo samati
Cinto kito indak sio-sio
Rindu lah lamo nan batangguangkan

Andam Sarasah (lalalalalala)
Paciklah denai (lalalalalala)
Bia tapauik janji di dado

(Ciptaan Masroel Mamudja, Dipopulerkan oleh Lily Marlene dan Syaiful Nawas)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 198 other followers

Dari Masa ke Masa


Lokasi Pengunjung

MARAWA

Dikunjungi

  • 3,264,805 orang

Follow

Get every new post delivered to your Inbox.

Join 198 other followers

%d bloggers like this: