Posts Tagged 'Masroel Mamudja'

Mahligai Cinto

Dari samulo … lah den katokan …
Tapi adiak … ondeh … nan kareh juo …
Kok putuih cinto di tangah jalan …
Mambuek rindu … sapanjang maso …

Oi adiak … ndak tau …, hati den kini …
Yo … bak kaco tajatuah ka batu
Kok adiak … lah dapek …, ka pangganti … diri …
Jan lupokan kisah nan dulu …

Siang … di hari sadang kiniko …
Tibo surek ondeh nan diak kirimkan …
Indak den … sangko ka bak nangko …
Mahligai cinto adiak runtuahkan …

Oi adiak … ndak tau …, hati den kini …
Yo … bak kaco tajatuah ka batu
Kok adiak … lah dapek …, ka pangganti … diri …
Jan lupokan kisah nan dulu …

Kok adiak … lah dapek …, ka pangganti … diri …
Jan lupokan kisah nan dulu …

(Ciptaan Masroel Mamudja, Dipopulerkan oleh Andi Mulya)
©ourtesy of http://laguminanglamo.wordpress.com/

Sakapan

Dari lah Asai denai ka Talang
Badan mandaki mandi paluah – 2x
Denai baniaik (ondeh) indak lah datang
Raso mandapek bulan jatuah – 2x

Reff:

Lai malah tuan badadak padi …
Indak denai serakkan
Lai malah tuan bakandak hati …
Lambek tuan mangatokan

Tumbuah baririk batang kapeh
Tagak di suok kida jalan
Palinduang urang nan lalu
Pandai-pandai kito mauleh
Mauleh indak mangasan
Mambuhua indak mambuku

Jikoknyo tampang indak tasamai
Manabua baniah barabuik sanjo – 2x
Jikoknyo kasiah (ondeh) indak ka sampai
Dikubua sajo sakapan kito baduo – 2x

(Ciptaan Masroel Mamudja, Dipopulerkan oleh Efrinon)
©ourtesy of http://laguminanglamo.wordpress.com/

Hutang Sabalik Pinggang

Lah olai … sipak sintuang …
Kok utangnyo … sabalik pinggang …

Bakcando kacang diabuih ciek
Onjak-onjaki sajo …
Di labuah gadang rambuik bakilek
Apo karajo …

Isi saku sen haram kok ado
Jan ka sabenggo …
Kok topi yo teleang
Bakaco mato …

Reff:

Maota Volvo, ciek tu nan alun punyo
Kok Fiat Marcedes yo punyo urang …
Makan jo maco, hari pakan jo maco juo
Antah bilo maso ka mangicok randang …

Kok caro ka bautang manyalang, Assalamualaikum …
Ota ilia ka mudiak objeknyo, nan gadang-gadang …
Malakik tabukak puro urang, inyo badendang …
Kok kepeang lah datang, inyo pai tabang – 2x

(Ciptaan Masroel Mamudja, Dipopulerkan oleh Betharia Sonata)
©ourtesy of http://laguminanglamo.wordpress.com/

Saujuang Kuku

Ayah … kanduang ei pulang yah
Lieklah kami manyabuang nyao
Denai jo mandeh bacucua paluah
Harato tido bando pun tido

Reff:

Saujuang kuku alun lah tau
Bantuak jo rupo ayah nan kanduang
Taragak badan yo nak batamu
Den nanti ayah untuak palinduang

Bajalan di batu kok tataruang
Bimbiangkan denai oi ayah kanduang/Di nan licin takuik tasilanca
Taba talingo mandanga gunjiang
Ka sia denai tampek batenggang/Ka sia denai tampek bapaham

Barambuih angin mambari tau
Den anak ayah, anak nan bungsu
Sabalun nyao denai malayang
Untuang batamu jo ayah kanduang

(Ciptaan Masroel Mamudja, Dipopulerkan oleh Andi Mulya)
©ourtesy of http://laguminanglamo.wordpress.com/

Cinto Partamo

Bamulo cinto partamo
Dek ulah batamu pandang
Tasirok darah di dado
Hati lakek pandang lah sudah

Reff:

Takana samaso lalu
Nan sadang dimabuak cinto
Sahari indak batamu
Pusiang kapalo dibueknyo

Bulan bintang manjadi saksi
Di dalam maikek janji
Indak mungkin ka dilupokan
Cinto partamo ka namonyo

Bulan bintang manjadi saksi
Di dalam maikek janji
Indak mungkin ka dilupokan
Cinto partamo ka namonyo

(Ciptaan Masroel Mamudja, Dipopulerkan oleh Yan Umali)
©ourtesy of http://laguminanglamo.wordpress.com/

Buah Kasiah Sayang

Sambilan bulan sapuluah hari
Sampai malahia malabuahkan
Indak tabado dek panangguangan
Dek mandeh kanduang di diri

Kok malam batanggang lalok
Rangik sikua bahalaukan
Kok siang bacucua paluah
Paluah diracik dihampehkan
Bukanlah arok kato jo sanjuang

Hutang ka mandeh indak tabaia
Baitu pulo ka ayah kanduang
Dek langik balun talansaikan
Dek bumi indak ka taansua
Baalah caro ka mambaia
Antah kok rilah … Allah sajo

Hutang ka mandeh indak tabaia
Baitu pulo ka ayah kanduang
Dek langik balun talansaikan
Dek bumi indak ka taansua
Baalah caro ka mambaia
Antah kok rilah … Allah sajo

Itulah buah kasiah sayang
Upiak sayang balahan nyao
Buah hati pangarang jantuang
Dek mandeh kanduang di diri

Lalok gadih laloklah Intan
Ubek jariah palarai damam
Usah anak manangih juo
Urang panangih lambek lah gadang
Ondeh … yo kanduang ei …

Lah gadih gadang anak isuak
Dinaiakkan siriah ka junjuangan
Nak nyo baurek baaka tunggang
Bapucuak tinggi cewang ka langik
Rimbun rampak dalam nagari
Buahnyo labek ka pusako

Hutang ka mandeh indak tabaia
Baitu pulo ka ayah kanduang
Dek langik balun talansaikan
Dek bumi indak ka taansua
Baalah caro ka mambaia
Antah kok rilah … Allah sajo

(Ciptaan Masroel Mamudja, Dipopulerkan oleh Upik Saunang)
©ourtesy of http://laguminanglamo.wordpress.com/

Maninjau Indah

Da kamarilah, mari kito bajalan
Naiak oto jo bendi, sarato bajalan kaki
Mandi lah mandi ka Maninjau indah
Baringinnyo lah gadang, ureknyo panjang tajuntai

Mamanjek baringin gadang
Malompek ka aia janiah
Pulanglah oi anak dagang
Di rantau badan kok jariah

Kok sampai lah cito kito
Kabau sikua ka rabah juo
Baitulah niaik kito
Imbau kawan sanak sudaro

[kembali ke atas]

(Ciptaan Masroel Mamudja, Dipopulerkan oleh Nurseha 1970-an kemudian oleh Upik Saunang 1980-an)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 189 other followers

Dari Masa ke Masa


Lokasi Pengunjung

MARAWA

Dikunjungi

  • 2,977,289 orang

Follow

Get every new post delivered to your Inbox.

Join 189 other followers

%d bloggers like this: