Pondok Nan Lamo

Kok den kana pondok den nan lamo
Sangkek den dulu dilahiakan
Tapancia tasisiah jauah dari mato
Di sinan den dilahiakan …

Sajak ketek denai lah diaja
Ka sawah, ka ladang jo ka rimbo …
Manggaro, manyabik, mairiak jo manuai …
Di sinan den digadangkan …

Kini lah jauah, jauah dari mato
Pondok den nan lamo …
Ayah, mandeh, dunsanak kawan kasadonyo …
Kini jauah di mato …

Kini lah jauah, jauah dari mato
Pondok den nan lamo …
Ayah, mandeh, dunsanak kawan kasadonyo …
Kini jauah di mato … – 3x

[kembali ke atas]

(Ciptaan Nuskan Syarief, Dipopulerkan oleh Santi Nuskan, kemudian oleh Young Patapayan)
©ourtesy of http://laguminanglamo.wordpress.com/

Kopi jo Gulo

Jikok namuah oi uda, jalan batopi oi sayang
Bialah denai batuduang, ateh kapalo oi kanduang
Sanyampang uda oi tuan manjadi kopi
Bialah denai tatuang manjadi gulo

Baitu bana arek bacinto
Saroman kopi bacampua gulo

Jikok namuah oi adiak ka Pasa Matua yo sayang
Bialah denai malereang turun ka Ngarai oi kanduang
Sanyampang adiak oi manih manjadi kasua
Bialah denai oi taraok jadi saperai

Baitu bana arek bacinto
Saroman calak jo bulu mato

[kembali ke atas]

(Ciptaan (?), Dipopulerkan oleh Elly Kasim & Nuskan Syarief)
©ourtesy of http://laguminanglamo.wordpress.com/

Dokok Dokok

Hei … dokok-dokok
Kue koci, baluo lamang baluo
Hei … cubo ciek
Cubo ciek yo duo sinan nak duo

Hei … dokok-dokok
Kacang tojin, yo gulo kacang bagulo
Bali sabungkuih
Yo sabungkuih, baduo kanyang baduo

Reff:

Bareh puluik, jo santan bagulo anau
Ba bagalimang sabana lamak rasonyo …
Bia kini badan den jauah di rantau
Si dokok-dokok oi kanduang takana juo …

Hei … dokok-dokok
Kacang tojin, yo gulo kacang bagulo
Bali sabungkuih
Yo sabungkuih, baduo kanyang baduo

Hei … dokok-dokok, dokok-dokok, dokok-dokok

(Ciptaan Nuskan Syarief, Dipopulerkan oleh Ernie Djohan)
©ourtesy of http://laguminanglamo.wordpress.com/

Karam Ditapi

Taisak-isak duduak di pintu
Malapeh urang pai bajalan
Iyo di awak lai katuju, ndeh mamak nan managahkan
Iyo di awak lai katuju, ndeh mamak nan managahkan

Lai den tuju sampai ka pulau
Tibo di tapi mangko ka karam
Lain den cubo maubek risau, ndeh hati ramuak di dalam
Lain den cubo maubek risau, ndeh hati ramuak di dalam

Reff:

Karam di tapi biduak den tumpang …
Kama lah badan tampek batenggang
Karam di tapi biduak den tumpang …
Kama lah badan tampek batenggang

Karam di tangah iyo lah tantu
Jikok nan bedo karam di tapi
Malang di awak indak batamu, di anak kito pajadi
Malang di awak indak batamu, di anak kito pajadi

[Versi Efrinon]

Taisak isak duduak di pintu
Malapeh uda pai bajalan
Iyo di awak lai katuju
Dek mamak nan managahkan

Tabang barabah di hari sanjo
Bakicau murai tandonyo pagi
Karam ditangah alah biaso
Nan sansai karam ditapi

Tadorong kapa dapek babelok (ondeh mak)
Tadorong kasiah kama mangadu
Tadorong langkah dapek di elo (ondeh mak)
Tadorong cinto Tuhan nan tahu

(Ciptaan Nuskan Syarief, Dipopulerkan oleh Elly Kasim dan Efrinon)
©ourtesy of http://laguminanglamo.wordpress.com/

Tinggalah Rantau

Tingga …
Tinggalah rantau dagang
Denai pai barangkek pulang
Ka Ranah Minang …

Sansai …
Manangguang hati risau
Batahun den larek di rantau
Kampuang mahimbau …

Reff:

Hujan lah ameh di nagari urang
Hujan batu di kampuang kito
Sansai lah badan batenggang surang
Kini tacinto sanak sudaro …

Tingga …
Tinggalah rantau dagang
Denai pai barangkek pulang
Ka Ranah Minang …

(Ciptaan Nuskan Syarief – Nazif Basir, Dipopulerkan oleh Elly Kasim, 1974)
©ourtesy of http://laguminanglamo.wordpress.com/

Supir Oto

Sia nan duduak di muko
Kayu bulek dipaciknyo
Yo si supir oto ndeh mamak, si supir oto
Yo si supir oto tasabuik banyak garahnyo

Reff:

Gaek ka manumpang di muko
Hati ndak sanang
Bagageh nyo manyolang
(Hei gaek, ko tampek lah baurang!)

Anak gadih tibo
Jauah-jauah dikubiknyo
Bagageh nyo manyapo
(Disiko diak, duduaklah di mungko)

Sia nan banyak ulahnyo
Gigi oto digilinyo
Yo si supir oto ndeh mamak, lesek tangannyo
Yo si supir oto sabana masuak jadangnyo

(Ciptaan Nuskan Syarief, Dipopulerkan oleh Elly Kasim, 1974)
©ourtesy of http://laguminanglamo.wordpress.com/

Tabayang Kampuang

Kok tabayang Ranah Minang nan den cinto
Taratak jo tapian tampek mandi …
Di kelok pandakian, tadanga bunyi ganto
Malenggok kabau maelo padati …

Indak taraso aia mato balinang
Sayuik-sayuik tadanga bunyi saluang …
Ondeh kampuang halaman, nagari nan den cinto
Lamo lambek kito ka basuo …

Ondeh urang dirantau, kok lah dapek nan dicari
Pulanglah bangun kampuang jo nagari …

Indak taraso aia mato balinang
Sayuik-sayuik tadanga bunyi saluang
Ondeh kampuang halaman, nagari nan den cinto
Lamo lambek kito kabasuo …

[kembali ke atas]

(Ciptaan Nuskan Syarief, Dipopulerkan oleh Santi Nuskan)
©ourtesy of http://laguminanglamo.wordpress.com/

Bakucantang

Tang bakucantang, kucantang batang kadondong
Jaman sekarang padusi pakai galembong
Tu mangkatutu, katutu di dalam peti
Mode sipatu laki-laki ba-tumik tinggi

Yo baitu jaman kini ko
Alah samo jantan batino
Jikok baju ciek baduo
Baganti ganti lah mamakainyo

Ti manggariti, gariti ateh kapalo
Laki padusi kini ko ba-ikua kudo
Tuang bakatuntuang, katuntuang di dalam boto
Laki nan pusuang padusi lah sato gilo

[kembali ke atas]

(Ciptaan Nuskan Syarief, Dipopulerkan oleh Elly Kasim & Nuskan Syarief)
©ourtesy of http://laguminanglamo.wordpress.com/

Ulah Pancacek

Cacek yo pancacek
Bantuak cangok potongan pun kaleru
Upek yo paupek
Tiok nan dionyokkan tak katuju

Reff:

Ulah dek pancacek
Akhianyo lah manjadi bujang gaek
Ulah tinggi salero
Akhianyo malompong malapeh hao

Lai hitam manih katonyo talampau gapuak
Nan putiah tinggi ndeh amai urangnyo bungkuak
Nan kuniang lansek caceknyo iduangnyo capuak
Lai nan rancak ndeh tapi urangnyo gaduak

Carikan mak, carikan bana …
Bia jando asa lai kayo …

Carikan mak, carikan bana …
Bia jando asa badaso …

(Ciptaan Nuskan Syarief, Dipopulerkan oleh Nuskan Syarief)
©ourtesy of http://laguminanglamo.wordpress.com/

Indang Manari

Indang manari dendang manyanyi
Sambia manari ditingkah gandang babunyi, ndeh …
Dendang manyanyi malenggang kito manari

Manari indang pusako Minang
Pusako dapek sangkek jaman Pagaruyuang, ndeh …
Jawek bajawek sajak dari Bundo Kanduang

Ondeh baindang kito manari
Lupokan rusuah di hati

Musik indang badendang nan jo banyanyi
Lupo utang jan lupo sanak jo janji
Asyik indang malenggang nan jo manari
Ondeh sayang jan lupo anak jo bini

[kembali ke atas]

(Ciptaan Nuskan Syarief, Dipopulerkan oleh Zalmon)
©ourtesy of http://laguminanglamo.wordpress.com/