Buaian Buluah

Buai babuai buaian buluah, agiah batali si aka rotan
Buai babuai buaian buluah, agiah batali si aka rotan
Kami banyanyi parintang rusuah (kanduang)
Takana sanak di parantauan
Kami banyanyi parintang rusuah (kanduang)
Takana sanak di parantauan

Reff:

Buai babuai si rotan batu, dibuai anak urang Kinali
Buai babuai si rotan batu, dibuai anak urang Kinali
Jikok taragak pulanglah dulu (sanak)
Kampuang nan tingga rindu mananti
Jikok taragak pulanglah dulu (sanak)
Kampuang nan tingga rindu mananti

Hujan ameh di rantau urang, hujan nyo batu di kampuang kito
Hujan ameh di rantau urang, hujan nyo batu di kampuang kito
Kok sanang bana di rantau urang (sanak)
Kampuang nan tingga usah dilupo
Kok sanang bana di rantau urang (sanak)
Kampuang nan tingga usah dilupo

Mungkin sanak alah mandanga, kisah galodo di kampuang kito
Mungkin sanak alah mandanga, kisah galodo di kampuang kito
Malang manimpo yo ka baalah (kanduang)
Marilah kito bantu basamo
Malang manimpo yo ka baalah (kanduang)
Marilah kito bantu basamo

(Gamad Klasik, Dipopulerkan oleh Yan Juned & Rosnida YS)
©ourtesy of http://laguminanglamo.wordpress.com/

Jambu Merah

Ayam nyo kuriak lantak nyo basi
Disabuang anak rang Koto Tuo
Barilah maaf ambo banyanyi
Sabab basalo tuo jo mudo

Ahai si jambu merah namo lagunyo
Ahai si jambu merah kami dendangkan

Limau nyo manih nan dari Baso
Pucuak nan kambang, kambang nyo kucuik
Ambo nan ketek alun biaso
Ilmu nan balun sabalah rambuik

Ahai si jambu merah namo lagunyo
Ahai si jambu merah kami dendangkan

Dantuang badantang bunyinyo gandang
Urang manari tari salendang
Tuo jo mudo bahati sanang
Samo manari nan jo badendang

Ahai si jambu merah namo lagunyo
Ahai si jambu merah kami dendangkan

Rancak luluaknyo sawah di Solok
Tantang musajik si Galogandang
Karano budi nan sangaik elok
Jauah saketek dijalang urang

Ahai si jambu merah namo lagunyo
Ahai si jambu merah kami dendangkan

(Gamad Klasik, Dipopulerkan oleh Rosnida YS)
©ourtesy of http://laguminanglamo.wordpress.com/

Dilamun Ombak

Niaik galombang yo nak ka pulau – 2x
Lumuik mancinto batu nyo intan – 2x
Niaik di hati yo nak bagurau – 2x
Tagah dek sulik yo mangatokan – 2x

Biduak pacah pelang lah rarak – 2x
Pulau dijalang yo jauah pulo – 2x
Hati jo jantuang nan lah bakandak – 2x
Kok indak sampai ka baa juo – 2x

Badantuang ombak nan di muaro – 2x
Urang mamukek si maco aji – 2x
Sukonyo urang wakatu ado – 2x
Bimbangnyo awak wakatu lai – 2x

Jikok ditumpang biduak nan tirih – 2x
Cameh kok pacah dilamun ombak – 2x
Urang batenggang yo di nan lai – 2x
Awak manangguang karano tidak – 2x

(Gamad Klasik, Dipopulerkan oleh Yan Juned & Rosnida YS)
©ourtesy of http://laguminanglamo.wordpress.com/

Piaman Laweh

[versi asli oleh Tiar Ramon]

Piaman Laweh oi kanduang urang mamukek
Basimpang jalan ei kanduang di Kampuang Cino – 2x
Kok di Piaman kini ko indak lah ka sasek
Satiok jalan kini ko alah banamo – 2x

Rami lah urang oi kanduang di bulan tabuik
Satiok bulan Muharram diadokannyo – 2x
Jikok Piaman ndeh kanduang nan ka disabuik
Bakcando urang kini lah batambah mudo – 2x

Luruih jalannyo oi kanduang di Kampuang Jao
Satiok rumah oi kanduang bapaga putiah – 2x
Sanang hatinyo satiok urang nan tibo
Mancaliak pasia kini ko alah barasiah – 2x

Urang nan banyak oi kanduang basanang hati
Linteh Piaman kabanyo lah dibuek pulo – 2x
Kami badoa kapado Allahu Rabbi
Nan mamarentah samoga panjang umuanyo – 2x

Dayuang Piaman

Dayuang sadayuang ka Pariaman
Riak mamacah nan di kamudi
Dayuang sadayuang ka Pariaman
Riak mamacah nan di kamudi

Yo sansai , tinggalah kampuang tingga halaman
Tingga tapian, tingga tapian (ndeh kanduang oi) tampeklah mandi
Yo sansai , tinggalah kampuang tingga halaman
Tingga tapian, tingga tapian tampeklah mandi

Pariaman di baruah Nareh
Sintuak di baruah Kurai lah Taji
Pariaman di baruah Nareh
Sintuak di baruah Kurai lah Taji

Yo sansai, nan bak panggalan sayuik pauleh
Baitu nasib, baitu nasib (ndeh kanduang ei) si badan diri
Yo sansai, nan bak panggalan sayuik pauleh
Baitu nasib, baitu nasib (ndeh kanduang oi) si badan diri

(Gamad Klasik, Dipopulerkan oleh Rustam Raschani & Rosnida Ys)
©ourtesy of http://laguminanglamo.wordpress.com/

Simambang Gunuang

Bakuliknyo alang di tangah hari
Sadang baputa si bayang-bayang
Simambang gunuang ambo dendangkan

Bakuliknyo alang di tangah hari
Sadang baputa si bayang-bayang
Simambang gunuang ambo dendangkan

Sakik takana dek hibo hati
Raso lah jauah badan tabuang
Sakik takana dek hibo hati
Raso lah jauah badan tabuang

Sajak marinai hujan nan turun
Basahlah kain nan di ampaian
Simambang gunuang ambo dendangkan

Sajak marinai hujan nan turun
Basahlah kain nan di ampaian
Simambang gunuang ambo dendangkan

Jo aia mato badan ko turun
Lapiak jo janjang nan batangisan
Jo aia mato badan ko turun
Lapiak jo janjang nan batangisan

(Gamad Klasik, Dipopulerkan oleh Rosnida Ys)
©ourtesy of http://laguminanglamo.wordpress.com/

Gurindam Tuo

Dendang duo si dendang tigo
Dendangan anak si urang Padang
Dendang parintang (ondeh sanak) hati nan hibo
Pado bamanuang elok kami baok badendang

Pantun lamo gurindam tuo
Kami dendangkan baganti ganti
Pantun takana (ondeh sanak) nan jo untuangnyo
Kami sampaikan (ondeh sanak) di dalam nyanyi

Rantang-rantang jalo takambang
Kanai ikan si maco aji
Kami badendang (ondeh sanak) bukan dek riang
Elok bapantun pado kami barusuah hati

Lah disusun jari sapuluah
Nak sabaleh nan jo kapalo
Kami bapantun (ondeh sanak) parintang rusuah
Nyampang kok salah (ondeh sanak) maafkan sajo

(Gamad Klasik, Dipopulerkan oleh Yan Juned & Rosnida Ys)
©ourtesy of http://laguminanglamo.wordpress.com/

Talang Siligi

Talang Siligi 1

Talang lah siligi baliak lah batimba
Dipapek pangka sarato jo ujuangnyo
Talang lah siligi baliak lah batimba
Dipapek pangka sarato jo ujuangnyo

Sanangkan hati urang lah nan tingga
Denai bajalan sarato jo untuangnyo
Sanangkan lah hati urang nan tingga
Denai bajalan sarato jo untuangnyo

Dipancuang lah talang urang lah Suliki
Ambiak ka saluang urang lah di lapau
Dipancuang lah talang urang lah Suliki
Ambiak ka saluang urang lah di lapau

Pasia dipandang lauiknyo nan sunyi
Saraso kampuang mahimbau den pulang
Pasia dipandang lauiknyo nan sunyi
Saraso kampuang mahimbau den pulang

Talang Siligi 2

Ditabangnyo buluah buek ka saluang
Mainan anak urang di lapau
Ditabangnyo buluah buek ka saluang
Mainan anak urang di lapau

Di tangah malam takana kampuang
Di siko hati makonyo risau
Di tangah malam takana kampuang
Di siko hati makonyo risau

Dangalah dek tuan saluang badendang
Hati jo jantuang nan disingguangnyo
Dangalah dek tuan saluang badendang
Hati jo jantuang nan disingguangnyo

Ondeh rang rantau bilo ka pulang
Kampuang mananti sanak kok tibo
Ondeh rang rantau bilo ka pulang
Kampuang mananti sanak kok tibo

(Ciptaan Yan Juned, Dipopulerkan oleh Lime Stone, 1975)
©ourtesy of http://laguminanglamo.wordpress.com/

Pucuak Pisang

Pucuak lah pisang hijau daunnyo
Ditimpo paneh ditangah lah hari
Ditangah lalok rasian tibo
Raso batamu si jantuang hati

Lala lala lalala … Lala lala lalala
Denai dendangkan lagu nan lamo
Lala lala lalala … Lalala lala lalala
Dendang parintang hati nan ibo

Guruah jo patuih panubo limbek
Limbek ditubo di aia nan tanang
Lah tujuah ratuih carikan ubek
Badan batamu mangko ka sanang

Lala lala lalala … Lala lala lalala
Denai dendangkan lagu nan lamo
Lala lala lalala … Lalala lala lalala
Dendang parintang hati nan ibo

Gadang ombaknyo si Pasia Puruih
Urang manjalo ditangah lah hari
Bukan tak makan badan ko kuruih
Kuruih mamikia si jantuang hati

Lala lala lalala … Lala lala lalala
Denai dendangkan lagu nan lamo
Lala lala lalala … Lalala lala lalala
Dendang parintang hati nan ibo

(Gamad Klasik, Dinyanyikan oleh Rosnida Ys)
©ourtesy of http://laguminanglamo.wordpress.com/

Pantun Babayang

Ba indang urang di Padang Kajai
Rami dek anak rang Lapau Duku
Pantun nan babayang kato sampai
Maaf dipintak yo tantang itu

Alah, yo lak ilah dunsanak oi
Indang nan paubek hati risau

Mauluik urang di surau ipuah
Badikia sampai nan patang hari
Dek bansaik mangko urang tak acuah
Tasisiah iduik nan di nagari

Alah, yo lak ilah dunsanak oi
Baitu buruaknyo untuang kami

Basimpang jalan ka Padusunan
Kasuok taruih nan ka Sikapak
Kok sansai lah lamo ditangguangkan
Yo sarik induik indak bamamak

Alah, yo lak ilah dunsanak oi
Malang nan indak dapek ditulak

Tadanga tambua baibo ibo
Urang baralek di Ujuang Tanjuang
Kamano badan nan ka baiyo
Sajaknyo maningga ayah kanduang

Alah, yo lak ilah dunsanak oi
Dimano duduak sinan bamanuang

Dilauik nagari Tanah Taban
Kamudiak tibo di Balai Kamih
Kok indak dek pandang pakuburan
Bia dirantau babuah tangih

Alah, yo lak ilah dunsanak oi
Bia dirantau babuah tangih

(Ciptaan Ujang Virgo, Dipopulerkan oleh Amriz Arifin dan Rosnida Ys)
©ourtesy of http://laguminanglamo.wordpress.com/