Dendang Pauah Saluang Pakuak Limo

Hei … badendang anak Rang Andaleh …
Iriangan saluang pakuak limo
Disangko tapuak lai babaleh
Ambo dirintang angin sarugo … hai …

Hei … Urang Ampang pai ka balai …
Mambali cita di pagi hari
Kasiah jo sayang indak ka sampai
Adiak nan condong ka nan lain …

Gadang lah aia Batang Kuranji
Ilianyo lapeh nak ka Muaro
Buruang di tangan lah tabang tinggi
Tinggalah ambo (ondeh diak kanduang) malapeh hao
Buruang di tangan lah tabang tinggi
Tinggalah ambo (ondeh diak kanduang) malapeh hao

Lai den tabang batang kadondong
Dahan manjulai yo di tapian
Kapado adiak kasiah tadorong
Manga lah kini (ondeh lah kanduang) adiak rangguikkan
Kapado adiak kasiah tadorong
Manga lah kini (ondeh lah kanduang) adiak rangguikkan

Hei … janiah lah aia Lubuak Minturun …
Balimau urang ka puaso
Tabayang adiak dalam kalumun
Jatuah ka banta aia mato … hai …

Panjang jambatan Lubuak Buayo
Basimpang jalan ka Tanah Hitam
Ondeh diak kanduang tangguang lah doso
Sudah baangguak (ondeh lah kanduang) adiak geleangkan
Ondeh diak kanduang tangguang lah doso
Sudah baangguak (ondeh lah kanduang) adiak geleangkan

Simpang Haru jalan ka Indaruang
Singgah dahulu di Tanjuang Saba
Di dalam lagu dendang jo saluang
Ambo kirimkan (ondeh lah kanduang) salam jo doa
Di dalam lagu dendang jo saluang
Ambo kirimkan (ondeh lah kanduang) salam jo doa

(Ciptaan (?), Dipopulerkan oleh Rustam Raschani)
©ourtesy of http://laguminanglamo.wordpress.com/

Pusaro Mimpi

Lamo den di rantau … den tinggakan kampuang
Den tinggakan tapian … tampek mandi
Kini baru tajajak pulang
Indak den sangko coiko bana

Riak hati den manggalombang
Batamu adiak den tagamang
Batahun ungkai kasiah sayang
Nan buah hati tatuntuang juo jo ka adiak surang …

Reff:

Oi … riak galombang hapuihkan jajak di tapian hati …
Oi … hujan nan turun padamkan nyalo di badan diri …
Santano kok gamang jantuang jo hati di laruik malam … (ndeh sansai)
Bialah denai bujuak jo bayang bulan …

Tuhan …
Galak kok tido, tangih tolong hantikan …

Batahun lamonyo hiduik dalam sunyi
Lah denai pusarokan … mimpi-mimpi
Kok lah rabah patang hari …
Awan bararak den tangisi …

Den jaik cabiak den sulami
Den baluik luko surang diri
Den rintang hati jo banyanyi
Lah malang badan … tasintuah jajak padiah juo

(Ciptaan Rustam Raschani, Dipopulerkan oleh Zalmon)
©ourtesy of http://laguminanglamo.wordpress.com/

Anak Daro Marapulai

Katipak katipuang babunyi lah nyo gandang
Rami lah urang baralek di Rumah Gadang
Nan ditingkah jo musik, silek tari jo galombang
Banyak lah urang mananti marapulai datang
Nan ditingkah jo musik, silek tari jo galombang
Banyak lah urang mananti marapulai datang

Duduak basandiang nak daro jo marapulai
Selo basimpuah yo urang di bawah tirai
Bujang nan jo gadih iyo banyak nan maintai
Darah badabok hai yo bilo mukasuik sampai
Bujang nan jo gadih iyo banyak nan maintai
Darah badabok hai yo bilo mukasuik sampai

Reff:

Samangkin malam yo alek, iyo samangkin lah rami
Tuo jo mudo manari, iyo tagak lah manari
Kipeh basabuang ondeh mak, iyo kiri lah jo kanan
Nak daro rancak yo kamek, marapulainyo nan manih

Marilah kito ucapkan, salamaik panjang jodohnyo
Marilah kito doakan, hiduik rukun rumah tanggo
Marilah kito ucapkan, salamaik panjang jodohnyo
Marilah kito doakan, hiduik rukun rumah tanggo

Samangkin laruik yo malam iyo lah langang
Banyak lah urang nan pulang iyo lah nan pulang
Tingga baduo sapasang anak daro marapulai
Lalok sakalok ondeh mak oi hari lah siang
Tingga baduo sapasang anak daro marapulai
Lalok sakalok ondeh mak oi hari lah siang

(Ciptaan Rustam Raschani, Dipopulerkan oleh Rustam Raschani)
©ourtesy of http://laguminanglamo.wordpress.com/

Anggun Nan Tongga

Ombak lah taduah galombang tanang
Pelang Nan Tongga ka bajalan
Tinggalah adiak si Gandoriah
Angin lah turun mamanggianyo
Tinggalah adiak si Gandoriah
Angin lah turun mamanggianyo

Denai batanam bijo kapeh
Banang ka jadi baju sudah
Ijan jo tangih diak denai dilapeh
Janji jo adiak ndak barubah
Ijan jo tangih diak denai dilapeh
Janji jo adiak ndak barubah

Reff:

Oi tuan … tanang tanangkan lah hati
Lauiktan sati diranangnyo …

Baruak nan pandai bakucapi
Alang nan pandai mangulindan
Itulah pinto diak nan ka den cari
Dijapuik dapek di lauiktan
Itulah pinto diak nan ka den cari
Dijapuik dapek di lauiktan

(Ciptaan Rustam Raschani, Dipopulerkan oleh Rustam Raschani)
©ourtesy of http://laguminanglamo.wordpress.com/

Batamu Dalam Rasian

Oi adiak nan di kampuang, jauah di Ranah Minang
Adiak kan tau denai di rantau urang
Usah cameh lah bana, usah rusuah lah juo
Cinto denai owai yoik indak bapaliang
Usah cameh lah bana, usah rusuah lah juo
Cinto denai owai yoik indak bapaliang

Oi adiak nan dicinto, galak manih mandayo
Balasuang pipik nan di pipinyo
Aluih budi bahaso, takucak iman di dado
Gadih Rang Minang owai yoik manih urangnyo
Aluih budi bahaso, takucak iman di dado
Gadih Rang Minang owai yoik manih urangnyo

Reff:

Zaman kini kan iyo sabana canggih
Pulang jo oto yo naiak garudo basi
Sabananyo yo kito buliah mamiliah
Pulang pai owai yoik ingkin kamai

Oi adiak nan dicinto, ubek palarai damam
Rindu nan samo kito tangguangkan
Adiak jauah di kampuang, denai tingga di rantau
Batamu kito owai yoik dalam rasian
Adiak jauah di kampuang, denai tingga di rantau
Batamu kito owai yoik dalam rasian

(Ciptaan Rustam Raschani, Dipopulerkan oleh Rustam Raschani)
©ourtesy of http://laguminanglamo.wordpress.com/

Palito Cinto

Nyatonyo kini muluik jo hati bacabang duo
Kato nan indak samulia janji
Sampai lah hati adiak ko pai ndak babarito
Jajak nan tingga manyeso diri

Matinyo samuik yo dek manisan
Sahabih manih sapah dibuang
Batambah laruik denai rasokan
Cinto manangih palito hilang

(Ciptaan Rustam Raschani, Dipopulerkan oleh Yan Bastian)
©ourtesy of http://laguminanglamo.wordpress.com/

Baganti Nangkodo

Awan bararak nan denai pandang
Tampek nyo denai bapasan hati … – 2x
Den sangko paneh nan sampai patang
Kironyo hujan di tangah hari … – 2x

Reff:

Gabak di hulu tando ka hujan
Aia mato den jatuah dahulu
Manga ko denai adiak tinggakan
Balun ka tantu biduak ka karam
Manga nangkodo nan ka diganti
Binguang lah denai arah kamudi

Nantikan denai lai kapulang
Disitu kito manjalin sayang … – 2x
Kironyo adiak lah diganggam urang
Ramuak lah denai manjalang patang … – 2x

(Ciptaan Rustam Raschani, Dipopulerkan oleh Rustam Raschani)
©ourtesy of http://laguminanglamo.wordpress.com/

Kasiah Tasangkuik

Biaro di Bukiktinggi
Bukik Batabuah sakanyo manih
Mandayo ka bakeh diri
Balasuang pipik galaknyo manih
Mandayo ka bakeh diri
Balasuang pipik galaknyo manih

Babungo bukannyo cita
Adiak nan pandai mamiliah ragi
Di ambo sayang tak sudah
Antah dek adiak nan mamungkiri
Di ambo sayang tak sudah
Antah dek adiak nan mamungkiri

Reff:

Harok dek punai nak tabang tinggi
Lai kok awan nan manarimo
Cinto bakarang didalam mimpi
Untuang kok lai manjadi nyato …

Takilek cincin di jari
Adiak mamakai baju kasumbo
Bapasan di dalam nyanyi
Kasiah tasangkuik sansai jadinyo
Bapasan di dalam nyanyi
Kasiah tasangkuik sansai jadinyo

(Ciptaan Rustam Raschani, Dipopulerkan oleh Rustam Raschani)
©ourtesy of http://laguminanglamo.wordpress.com/

Rimbo Larangan

Di lahia tampak biaso
Di batin ado raso cinto
Awan bararak di hari sanjo
Adiak nan jauah takana juo

Bia kito jarang basuo
Cinto nan indak barubah tido
Tasirok darah di dado
Cinto tajalin jo banang suto

Reff:

Oi punai baoklah pasan
Tabanglah manyisiak awan
Hinggoklah ateh bubuangan
Layokkan surek dalam pangkuan

Bialah dunia nak tau
Bulan bamandi cahayo bintang
Cinto nan turun dari kayangan
Jatuah ka bumi rimbo larangan

(Ciptaan Rustam Raschani, Dipopulerkan oleh Rustam Raschani)
©ourtesy of http://laguminanglamo.wordpress.com/

Nasib Dagang

Bukannyo denai mananam jaguang
Denai mananam si batang palo
Bukannyo salah bundo manganduang
Salah dek badan nan buruak cinto
Bukannyo salah bundo manganduang
Salah dek badan nan buruak cinto

Apo diarok si buruang punai
Bialah pipik yo lapeh tabang
Apo diarok jo kasiah denai
Denai di rantau dagang tabuang
Apo diarok jo kasiah denai
Denai di rantau dagang tabuang

Reff:

Baitu bana nasib nan malang
Nasib nan surang di rantau urang
Baitu bana nasib nan malang
Nasib nan surang di rantau urang

Elok tumbuahnyo si daun kacang
Di tanam anak Lubuak Buayo
Apo ka tenggang si anak dagang
Mandi basiram si aia mato
Apo ka tenggang si anak dagang
Mandi basiram si aia mato

(Ciptaan Rustam Raschani, Dipopulerkan oleh Rustam Raschani)
©ourtesy of http://laguminanglamo.wordpress.com/