Lagu Duo

Aia jauah pincuran jauah …
Pincuran jauah …
Dibasuah tangan, dibasuah tangan yo kaduonyo
Dibasuah tangan yo kaduonyo …

Mandeh jauah dunsanak jauah …
Dunsanak jauah …
Bilo masonyo, bilo masonyo yo ka basuo
Bilo masonyo yo ka basuo …

Di ateh anjuang cukuik pamenan
Cukuik pamenan …
Lapang galanggang, lapang galanggang nan di Ampalu
Lapang galanggang nan di Ampalu …

Salamo sakik ditangguang badan
Ditangguang badan …
Dunsanak indak, dunsanak indak namuahnyo tau
Dunsanak nan indak namuahnyo tau …

Tadorong Sayang (Perak Perak)

Marapek payang nan di tapian, nan di tapian …
Urang mambongka ikan tanggiri
Marapek payang nan di tapian, nan di tapian …
Urang mambongka ikan tanggiri

Sadang nyo sayang adiak tinggakan, ondeh lah malang …
Pai nan indak babaliak lai
Sadang nyo sayang adiak tinggakan, ondeh lah malang …
Pai nan indak babaliak lai

Balayang-layang di hari Minggu, di hari Minggu …
Rami bamain sampai nyo sanjo
Balayang-layang di hari Minggu, di hari Minggu …
Rami bamain sampai nyo sanjo

Tadorong sayang yo ka nan bunsu, ondeh lah malang …
Kini pusaro yo nan basuo
Tadorong sayang yo ka nan bunsu, ondeh lah malang …
Kini pusaro yo nan basuo

(Gamad Klasik, Dipopulerkan oleh Sinar Harapan)
©ourtesy of http://laguminanglamo.wordpress.com/

Ula Kera

Ula gadang di dalam guo …
Tabujua lalu … ndeh malang di dalam ladang
Ula gadang di dalam guo …
Tabujua lalu … ndeh malang di dalam ladang

Aduhai … sungguah nyo dendang jo hati lah hibo, jo hati hibo …
Hibo bapisah …, hibo bapisah jo samo gadang
Aduhai … sungguah nyo dendang jo hati lah hibo, jo hati hibo …
Hibo bapisah …, hibo bapisah jo samo gadang

Ula lidih galuang-galuangan …
Malinteh lalu … ndeh malang dakek kualo
Ula lidih galuang-galuangan …
Malinteh lalu … ndeh malang dakek kualo

Aduhai … alah tatagak tiang gantuangan, tiang gantuangan …
Nyao ko Tuhan, nyo ko Tuhan punyo Kuaso
Aduhai … alah tatagak tiang gantuangan, tiang gantuangan …
Nyao ko Tuhan, nyo ko Tuhan punyo Kuaso

(Gamad Klasik, Dipopulerkan oleh Sinar Harapan)
©ourtesy of http://laguminanglamo.wordpress.com/

Takana Untuang

Balayia biduak manuju Lampuang
Sarek muatan dek lado sulah
Dek lamo hiduik manyabuang untuang
Namunnyo nasib alun barubah

Jan disasa tuduangnyo pandan
Tuduang nan alah nan adiak bali
Jan disasa untuangnyo badan
Pulangkan nasib pado Illahi

Hilangnyo sanjo baganti malam
Jatuah badarai si bungo lado
Baju sahalai lakek di badan
Sadang dijaik cabiak nyo pulo

Balayia biduak pincalang dewa
Baombak aia nan di tapian
Kok lai adiak bahati saba
Sanang nan tibo di kamudian

(Gamad Klasik, Dipopulerkan oleh Sinar Harapan)
©ourtesy of http://laguminanglamo.wordpress.com/

Batanam Budi

Tinggi bukik gilang gumbilang, gilang gumbilang …
Aia di lauik baombak juo
Tinggi bukik gilang gumbilang, gilang gumbilang …
Aia di lauik baombak juo

Budi nan elok tak kunjuang hilang
Salamo hiduik dikana juo
Budi nan elok tak kunjuang hilang
Salamo hiduik dikana juo

Kalau nyo ado batanam padi, batanam padi …
Padi sipuluik tambun nyo tulang
Kalau nyo ado batanam padi, batanam padi …
Padi sipuluik tambun nyo tulang

Kalau lah ado batanam budi
Salamo hiduik tak kunjuang hilang
Kalau lah ado batanam budi
Salamo hiduik tak kunjuang hilang

(Gamad Klasik, Dipopulerkan oleh Sinar Harapan)
©ourtesy of http://laguminanglamo.wordpress.com/

Buruang Putiah Klasik

Tinggi nyo bana kampuang Rang Guntuang
Rami pakannyo di hari Kamih
Tinggi nyo bana kampuang Rang Guntuang
Rami pakannyo di hari Kamih

Lah rindu bana dunsanak kanduang
Siang jo malam, siang jo malam rintang jo tangih …
Buruang lah putiah …
Siang jo malam … rintang jo tangih

Buruang putiah tabangnyo malam …

Lah rimbun bana si batang pulai
Rantiang manjelo ka tapi jurang
Lah rimbun bana si batang pulai
Rantiang manjelo ka tapi jurang

Lah lamo bana badan marasai
Apolah dayo, apolah dayo di rantau urang …
Buruang lah putiah …
Apolah dayo … di rantau urang

Buruang lah putiah ambo habisi …

(Gamad Klasik, Dipopulerkan oleh Sinar Harapan)
©ourtesy of http://laguminanglamo.wordpress.com/

Sinar Bulan

Cahayo bulan wakatu malam
Cahayo mamanca, cahayo mamanca di salo gunuang
Cahayo bulan wakatu malam
Cahayo mamanca, cahayo mamanca di salo gunuang

Kalau taingek maso nan silam
Duduak manangih, duduak manangih untuang
Kalau taingek maso nan silam
Duduak manangih, duduak manangih untuang

Kalau dipandang cahayo bulan
Sajuaknyo mato, sajuaknyo mato oi dek mamandang
Kalau dipandang cahayo bulan
Sajuaknyo mato, sajuaknyo mato oi dek mamandang

Baitu nasib untuangnyo badan
Takadia sudah, takadia sudah nasib nan malang
Baitu nasib untuangnyo badan
Takadia sudah, takadia sudah nasib nan malang

(Gamad Klasik, Dipopulerkan oleh Sinar Harapan)
©ourtesy of http://laguminanglamo.wordpress.com/

Lansir

Kopi lah susu tambah gulonyo
Lamak diminum wakatu pagi
Kami banyanyi basamo-samo
Sambia bapantun baganti-ganti

Pasianyo putiah ado muaro
Urang lah tani sadang basiang
Balagu lansir basamo-samo
Kito banyanyi bariang-riang

Hilang nyo malam baganti pagi
Minumlah kopi indak bagulo
Kami banyanyi baganti-ganti
Maulang lagu-lagu nan lamo

Langik barasiah bulannyo tarang
Bintang nyo timua manyisik awan
Kami banyanyi bariang-riang
Taubek raso hati nan rawan

(Gamad Klasik, Dipopulerkan oleh Sinar Harapan)
©ourtesy of http://laguminanglamo.wordpress.com/

Buruang Tiuang

Buruang tiuang duo sakawan
Kalau nyo tabang duo sajoli
Buruang tiuang duo sakawan
Kalau nyo tabang duo sajoli

Umpamo gunuang disaok awan, aduhai lah sayang
Baitunyo nasib untuangnyo diri
Umpamo gunuang disaok awan, aduhai lah sayang
Baitunyo nasib untuangnyo diri

Buruang lah tiuang namo lagunyo …

Buruang banamo tiuang nyo lampai
Patah sayoknyo kanai lah tembak
Buruang banamo tiuang nyo lampai
Patah sayoknyo kanai lah tembak

Ibaraik apuang di tapi pantai, aduhai lah sayang
Kian kamari dihampehkan ombak
Ibaraik apuang di tapi pantai, aduhai lah sayang
Kian kamari dihampehkan ombak

Buruang lah tiuang ambo nyanyikan …

(Gamad Klasik, Dipopulerkan oleh Sinar Harapan)
©ourtesy of http://laguminanglamo.wordpress.com/

Siti Padang

Siti Padang nan baiak budi
Duduak manjaik nan jo manyulam
Siti Padang nan baiak budi
Duduak manjaik nan jo manyulam

Pandai lah pandai manjago budi
Budi nan elok jadi padoman
Pandai lah pandai manjago budi
Budi nan elok jadi padoman

Siti Padang gadih nan jombang
Babaju hitam babungo pulo
Siti Padang gadih nan jombang
Babaju hitam babungo pulo

Awak ketek lai ka gadang
Sungguahlah elok dipandang mato
Awak ketek lai ka gadang
Sungguahlah elok dipandang mato

(Gamad Klasik, Dipopulerkan oleh Sinar Harapan)
©ourtesy of http://laguminanglamo.wordpress.com/