Titian Nan Lapuak

(Versi Nurseha dan Syaiful Nawas)

Marilah kito … basamo-samo …
Sambia banyanyi … mariangkan hati …

Nak urang Padang mandi di Muaro
Rami jo galak mancuci kain
Adiak dipandang batambah cayo
Raso nan indak pado nan lain

Ka Pasa Usang manjua manggih
Manggih batimbun dakek parigi
Banyaklah urang bamuluik manih
Sabalun dapek kandak di hati

Bariak aia tapi muaro
Riak dek anak mandi basamo
Kalaulah adiak indak pacayo
Hilang lah bulan hilang lah nyao

Ka Koto Tuo jalan mandaki
Rami didaki dek urang Baso
Indaklah elok kato bajanji
Mungkia lah janji badan binaso

Gunuang Marapi Gunuang Singgalang
Urang Suliki ka Padang Panjang
Kalau baitu wahai diak sayang
Alamaik denai ka mabuak surang

Baliku-liku jalan Kurinci
Baranti kito dakek parigi
Kalau baitu karehnyo hati
Marilah kito mangikek janji – 2x

Andam Sarasah

Andam Sarasah …, pautan hati …
Tuan kanduang di denai …, hmmm …

Reff:

Di aia tajun Andam bagaduah
Sampai dikutuak dek ula cindai

Andam iyo lah lamo mamikek hati denai
Kini tibo masonyo kasiah dimulai

Marilah kito samo bajanji
Janji sahiduik jo samati
Cinto kito indak sio-sio
Rindu lah lamo nan batangguangkan

Andam Sarasah (lalalalalala)
Paciklah denai (lalalalalala)
Bia tapauik janji di dado

(Ciptaan Masroel Mamudja, Dipopulerkan oleh Lily Marlene dan Syaiful Nawas)
©ourtesy of http://laguminanglamo.wordpress.com/

Simpang Ampek (Duet)

Simpang Ampek denai mananti
Den nantikan janji uda
Diracun denai indak mati
Mati digantuang janji uda
Sansailah badan dek bacinto …

Parmato jatuah ka lubuak
Talago si lubuak cinto
Kok adiak mati den mangamuak
Sakubua yo kito baduo
Di sinan kasiah den nantikan …

Simpang Ampek manjadi saksi
Di sinan mamadu cinto
Basabalah adiak mananti
Uda den nanti kok lai tibo
Di sinan kasiah di sampaikan … 2x

(Ciptaan (?), Dipopulerkan oleh Lily Syarief & Syaiful Nawas)
©ourtesy of http://laguminanglamo.wordpress.com/

Babini Duo

Oi uda sayang
Cubo uda kecekkan
Sia nan labiah rancak
Ambo apo bini nan tuo

Oi tuan ambo
Cubo tuan katokan
Sia nan labiah rancak
Aden apo bini nan mudo

Baa ko kini
Manga itu nan ditanyokan
Baa ko kini
Ciek kamek surangnyo manih

Oi upiak gata
Urang ndak tau diri
Kok indak laki aden
Sampai gaek indak balaki

Oi uni tuo
Usah salah tarimo
Indak ambo nan gata
Laki uni gilo mangaja

Yo alah sansai
Iko untuang badan den kini
Yo alah sansai
Tibo di rumah parang manjadi

Induak bareh kaduonyo
Kamari uda katokan
Kaduonyo samo dicinto
Uda bagi yo samo rato

Baa ko kini
Nan ka lamak dek uda
Baa ko kini
Nak samo sanang hati kami

Oi sayang kaduonyo
Usah bacakak juo
Sapakan di nan mudo
Saminggu di nan tuo

Iyo iyo iyo
Kok itu putusan tuan
Kami alah badamai
Lah dapek kato sasuai

Iyo iyo iyo
Sananglah hati den kiniko
Iyo iyo iyo
Batigo kito pulang basamo
Iyo iyo iyo
Batigo kito pulang basamo

(Ciptaan Helmy Saleh, Dipopulerkan oleh Syaiful Nawas, Elly Kasim dan Nurseha)
©ourtesy of http://laguminanglamo.wordpress.com/

Baju Kuruang

Baju kuruang, ondeh ondeh lah si baju kuruang
Basalendang suto nan aluih ba maniak-maniak
Saruang babungo banang ameh tanunan lamo
Silopnyo baludu hijau nan babungo pulo

Baju kuruang, ondeh ondeh si baju kuruang -2x

Baju kuruang, ondeh ondeh lah si baju kuruang
Yo nan rancak baju kuruang urang Koto Gadang
Langannyo laweh badannyo disangajo lapang
Sangguanyo bulek licin bakonde bungo kambang

Baju kuruang, ondeh ondeh si baju kuruang -2x

Baju kuruang, ondeh ondeh lah si baju kuruang
Dipakai dek anak gadih urang Koto Gadang
Jalannyo malenggang, mandaki manurun ngarai
Dimalah bujang ndak ka laruik mambao sansai

Baju kuruang, ondeh ondeh si baju kuruang -8x

(Ciptaan Asbon Madjid, Dipopulerkan oleh Syaiful Nawas – Orkes Gumarang)
©ourtesy of http://laguminanglamo.wordpress.com/

Sutan Pamenan

Oi Sutan …,
Sutan Pamenan
Bilo nak pulang oi Tuan sayang

Oi Siti…,
Tambatan hati
Denai marantau malah dahulu

Reff:

Iyo marantau Tuan dahulu
Di rumah gadang paguno balun

Oi Sutan …,
Sutan Pamenan
Basamo kito di kampuang halaman
Basamo kito di kampuang halaman …

(Ciptaan Syaiful Nawas, Dinyanyikan pertama kali oleh Syaiful Nawas dan Lily Marlene)
©ourtesy of http://laguminanglamo.wordpress.com/