Posts Tagged 'Syamsi Hasan'

Datuak Sagalo

Ota gadang balapia-lapia
Urang mandanga disangko pandia
Baliak balakang lah kanai cibia
Nyo baciloteh bakcando aia

Lakek gala Datuak Sagalo
Carito urang, carito inyo
Urang di “a” nyolah tibo di “o”
Kok disolang nyo tabik rabo

Heee … Heeee ….

Dima kusuik nan kasalasai
Awak binguang disangko pandai
Tabang tinggi sayok maradai
Apo nan dikakok bapetai-petai – 2x

Lakek gala Datuak Sagalo
Carito urang, carito inyo
Urang di “a” nyolah tibo di “o”
Kok disolang nyo tabik rabo

[kembali ke atas]

(Ciptaan (?), Dipopulerkan oleh Syamsi Hasan, Sumbangan lirik oleh Ijoenk)
©ourtesy of http://laguminanglamo.wordpress.com/

Boco Aluih

Banyak istilah di jaman kini
Jadi sabutan urang nan rami
Kok nyampang putuih tali satunyo
Iko nan cocok untuak galanyo

Boco aluih …, hei la o lai boco aluih
Gadang ketek o nan manggalakkan
Urang banyak alah samo tahu
Boco aluih …, oi itu namonyo …

Reff:

Kok nyampang namuah batuka gala
Gala kok dapek di tangah pasa
Usahlah sanak maraso bangga
Lamo jo lambek pasti manyasa

Boco aluih …, hei la o lai boco aluih
Aratinyo ho kanai sabalah
Antene bana nan lah condong
Boco aluih …, oi itu namonyo …

Jikok ban boco dapek dipompa
Kok embe boco dapek disumbek
Kok urang boco ilang pangana
Alah indak tantu nan ka dibuek

Boco aluih …, hei la o lai boco aluih
Aratinyo ho kanai sabalah
Antene bana nan lah condong
Boco aluih …, oi itu namonyo …

(Ciptaan Syamsi Hasan, Dipopulerkan oleh Syamsi Hasan)
©ourtesy of http://laguminanglamo.wordpress.com/

Ka Kuliah

Alah sajak dulu biai katokan ka anak kanduang
Kok ndak talok lai di utak nantun, usah kuliah
Kok maagiah sogok, yo indak talok di mandeh nangko
Cubo bajalan ka kantua-kantua cari karajo

Baa pulo biai mangko bakato sarupo iko
Gadaikan malah sawah kito tu
Nantik kok lah tamaik denai kuliah, ditabuih pulo
Kok untuang tabangkik batang tarandam

Reff:

Jaleh utak ang yuang ndak talok ujian sipenmaru
Apo lai kuliah sakian tahun baa pitihnyo?
Kok lai namuah buyuang manggaleh koran sambia kuliah
Itu baru tampak kareh hatinyo buyuang sikola

Dangalah o biai, kok ndak kuliah den malu jo kawan
Gengsi dong biai, jikok ndak kuliah
Bialah utak den co utak udang, asa kuliah
Indak tantu dek buyuang den ka tandeh

(Ciptaan Masroel Mamudja, Dipopulerkan oleh Syamsi Hasan dan Upik Saunang)
©ourtesy of http://laguminanglamo.wordpress.com/

Tambah Pitih Balanjo

Tambahlah tambah pitih balanjo da
Apo dibali sagalo maha da
Sakik kapalo den manuka da
Balanjo sayua, tambahlah tambah da

Jan lah mamintak sisiak ka limbek diak
Balikan sajo apo nan dapek diak
Pucuak parancih jo samba lado diak
Jariang jo patai pun jadi juo diak

Jariang jo patai lah maha pulo da
Pucuak parancih tabaok sato da
Apo lai dagiang jan ka disabuik da
Allahu rabi samaha tubo da

Tambahlah tambah tambahlah gaji pak
Gaji tak cukuik sakik kapalo pak
Nak korupsi kami yo takuik pak
Tambahlah tambah, tambahlah gaji pak

[kembali ke atas]

(Ciptaan Syamsi Hasan, Dipopulerkan oleh Syamsi Hasan dan Hetty Koes Endang)
©ourtesy of http://laguminanglamo.wordpress.com/

Ba Ka Be

[Syamsi]
Datang ciek o lah marengek
Datang niak o lah mangeak
Alun den gaek uban lah manggarabak

[Hetty]
Sia uda salahkan
Sia uda sasakan
Kan uda juo punyo kalakuan

Reff:

[Syamsi]
Oi … induak-induak
Manga panyakik dicari-cari

[Hetty]
Kami dek ibo hoho
Jan apak-apak dapek darah tinggi

[Duet]
Kito lah samo salah
Elok malah diubah
Satolah KB, Keluarga Berencana
Dunia samakin sampik
Hiduik samakin sulik
Cukuiklah tigo kapalo ndak sakik – 2x

(Ciptaan Syamsi Hasan, Dipopulerkan pertama kali oleh Syamsi Hasan dan Hetty Koes Endang)
©ourtesy of http://laguminanglamo.wordpress.com/

Pulang Marantau

Jauah kito marantau pai marantau
Namun kampuang salalu takana juo
Pulanglah kito pulang marilah pulang
Basuo kawan-kawan nan samo gadang

Balari anak ruso duo sajoli
Dapek ditangkok dek anak Rajo Jao
Kalau indak taleso di musim kini
Di hari tuo tantu ka pulang juo

Jauah kito marantau pai marantau
Namun kampuang salalu takana juo
Pulanglah kito pulang marilah pulang
Basuo kawan-kawan nan samo gadang

Hei rang mudo …, marilah kito pulang …

Kalau ramuak rasonyo padi dek balam
Cubo baok ka pulau sibilang-bilang
Kalau ramuak rasonyo hati di dalam
Cubo baok bagurau kok mungkin hilang

Jauah kito marantau pai marantau
Namun kampuang salalu takana juo
Pulanglah kito pulang marilah pulang
Basuo kawan-kawan nan samo gadang

Hei rang mudo …, marilah kito pulang …

Pandanglah padi kuniang-kuniang mangurai
Gunuang jo bukik raso malambai-lambai
Bakicau-kicau bunyi si buruang murai
Ibo hati maliek kampuang nan sansai

Jauah kito marantau pai marantau
Namun kampuang salalu takana juo
Pulanglah kito pulang marilah pulang
Basuo kawan-kawan nan samo gadang

Hei rang mudo …, marilah kito pulang …
Hei rang mudo …, marilah kito pulang …

(Ciptaan Zubir Said, OST Tunang Pak Dukun 1960, Penyanyi Umi Kalsom, Dipopulerkan kembali oleh oleh Syamsi Hasan 1970)
©ourtesy of http://laguminanglamo.wordpress.com/

Ampiang Badadiah

Ambiak sendok cari lah jo piriang
Si ampiang galak lah badarai
Si dadiah putiah lah mangamek
Si gulo manih manisan

Duduak batigo nan samo santiang
Lah duduak upiak lah tagandiang
Bajalan lalu sapiriang
Tamanuang sendok jo piriang

Heiii …
Makanlah ampiang, si ampiang
Ampiang lah badadiah
Makanlah ampiang, si ampiang
Ampiang lah badadiah

Reff:

Ampiang badadiah nyo bagalintin
Co saka si gulo anau
Kok banyak raso ka mamilin
Kok kanyang paruik lah sambau

Heiii …
Makanlah ampiang, si ampiang
Ampiang lah badadiah
Makanlah ampiang, si ampiang
Ampiang lah badadiah

(Ciptaan Syamsi Hasan, Dipopulerkan oleh Elly Kasim, 1969)
©ourtesy of http://laguminanglamo.wordpress.com/

Timang Lado Lado

Timang lado-lado
Lado panggulai paku
Sajak si upiak ado
Lah ado nan ka dipangku

Reff:

Timang lado-lado
Lado panggulai baluik
Sajak si upiak ado
Lah ado kawan bagaluik

Iyo bana sanang hati alah tibo
Kini nan di nanti
Iyo bana angek hati lah basuo
Iyo nan dicari

Timang lado-lado
Lado campua jo kunik
Sajak si upiak ado
Lah ado nan ka diulik

(Ciptaan Masroel Mamudja, Dipopulerkan oleh Elly Kasim dan Syamsi Hasan)
©ourtesy of http://laguminanglamo.wordpress.com/

Silaiang Kariang

Silaiang kariang kelok babegu
Manjalang Anai si aia mancua
Alamnyo rancak dilingkuang bukik
Tampek basantai nan dek rang mudo

Usah diburu balambek-lambek
Jalannyo licin nan babahayo
Silaiang kariang kelok banamo
Kok jatuah tuan bahondoh pondoh

Kok mujua jatuah ka tabiang
Kok malang tajun ka jurang
Inalilah bacokan
Ratok tangih rang nan tingga

Silaiang kariang kelok banamo
Jo gigi satu turun silaiang
Usahlah lengah tuan di jalan
Kok tajun jurang ngarainyo dalam

Kok mujua jatuah ka tabiang
Kok malang tajun ka jurang
Inalilah bacokan
Ratok tangih rang nan tingga

(Ciptaan (?), Dipopulerkan oleh Syamsi Hasan, Sumbangan lirik oleh Ijoenk)
©ourtesy of http://laguminanglamo.wordpress.com/

Mariam Tomong

Bacurito gaek den di maso dulu
Malawan urang Ulando
Jo badia balansa sinapang bagobok
Ulando dilawan juo

Mariam tomong dainang sinapang masin
Mariam tomong dainang sinapang masin

Jo talang barunciang jo ruduih basintak
Malawan urang Ulando
Jo badia bagobok sinapang balansa
Sumangaik tabudua juo

Mariam tomong dainang sinapang masin
Mariam tomong dainang sinapang masin

Sakali merdeka tetap merdeka
Kok maju bapantang mundur
Kok mati ciek ganti saribu
Ulando taruih di buru

Mariam tomong dainang sinapang masin
Mariam tomong dainang sinapang masin

(Ciptaan Syamsi Hasan, Dipopulerkan oleh Syamsi Hasan)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 189 other followers

Dari Masa ke Masa


Lokasi Pengunjung

MARAWA

Dikunjungi

  • 2,939,959 orang

Follow

Get every new post delivered to your Inbox.

Join 189 other followers

%d bloggers like this: