Posts Tagged 'Tiar Ramon'

Indang Aia Bangih

[Versi Elly Kasim]

Aia Bangih karang marusuak, karang marusuak – 2x
Urang Tiagan balayia malam – 2x
Hati bangih dapek dipujuak, dapek dipujuak – 2x
Sadu jo sadan ramuak di dalam – 2x

Lah balayia biduak Rang Masang, biduak Rang Masang – 2x
Sarek bamuek jo rotan sago – 2x
Tak ka sia tampek batenggang, tampek batenggang – 2x
Badan nan malang manyeso sajo – 2x

Mudiak biduak Urang Labuhan, Urang Labuhan – 2x
Mambaok dandang ka Aia Bangih – 2x
Kok dikana untuangnyo badan, untuangnyo badan – 2x
Siang jo malam babuah tangih – 2x

Versi Tiar Ramon

Urang Nan Mangilang

Angku Kapalo Mandiangin, mambaok kudo ka galanggang
Angku Kapalo Mandiangin, mambaok kudo ka galanggang
Jan harok jo colok kain, sakali cuci lah mangulang
Jan harok jo colok kain, sakali cuci lah mangulang

Reff:

Anak urang Padang, duduak di tembok tapi jalan
Usah harok jo buruang tabang, indak mungkin dijangkau tangan
Anak urang Padang, duduak di tembok tapi jalan
Usah harok jo buruang tabang, indak mungkin dijangkau tangan

Tarantang jalan nan ka Talu, urang bajalan hari patang
Tarantang jalan nan ka Talu, urang bajalan hari patang
Awak nan punyo tabu, tapi urang nan mangilang
Awak nan punyo tabu, tapi urang nan mangilang

(Ciptaan Tiar Ramon, Dipopulerkan oleh Tiar Ramon)
©ourtesy of http://laguminanglamo.wordpress.com/

Pikiran Kusuik

Tanah liek di tangah sawah
Batu jo sabuik, batu jo sabuik tolong tapikan
Tanah liek di tangah sawah
Batu jo sabuik, batu jo sabuik tolong tapikan

Liek dek tuan si jariang lawah
Baitu rusuah, baitu rusuah nan paratian
Liek dek tuan si jariang lawah
Baitu rusuah, baitu rusuah nan paratian

Pikiran kusuik hati paibo
Banang nan kusuik, banang nan kusuik lai salasai
Pikiran kusuik hati paibo
Banang nan kusuik, banang nan kusuik lai salasai

Kama lah badan nan ka dibao
Kusuik nan juo, kusuik nan juo mambao sansai
Kama lah badan nan ka dibao
Kusuik nan juo, kusuik nan juo mambao sansai

(Ciptaan Tiar Ramon, Dipopulerkan oleh Tiar Ramon)
©ourtesy of http://laguminanglamo.wordpress.com/

Usah Bamanuang

Sarasah aia di gunuang
Di Gunuang Rotan ka tali yo …
Usah diak duduak bamanuang surang
Rang pamanuang hati paibo – 2x

Kasiah hati ka adiak surang
Samulo kito basuo
Indak adiak ka risau surang
Risau hati kito baduo

Lah basah kayu dek hujan
Ndak lamo babalua pulo yo
Usah diak risaukan badan surang
Indak lamo batamu pulo

Kasiah hati ka adiak surang
Samulo kito basuo
Indak adiak ka risau surang
Risau hati kito baduo

Ka pakan ka Bukiktinggi
Jan lupo mambali ikan yo …
Bapasan di dalam mimpi sayang
Jaweklah diak yo jo rasian – 2x

(Ciptaan (?), Dipopulerkan oleh Tiar Ramon, Carano’s Band, Sumbangan lirik oleh Ijoenk)
©ourtesy of http://laguminanglamo.wordpress.com/

Pantai Kata

Pantai Kata oi di Pariaman, sayang
Pantai Arta di Sungai Limau tampeknyo
Pantai Kata oi di Pariaman, sayang
Pantai Arta di Sungai Limau tampeknyo

Mari santai basamo jo kawan-kawan, sayang
Hari perai oi raun kito basamo
Mari santai basamo jo kawan-kawan, sayang
Hari perai oi raun kito basamo

Ka Pantai Kata oi raun kito basamo
Ka Pantai Arta oi lain pulo seronyo

Main ombak bagurau di tapi pantai, sayang
Naiak sampan, badayuang ka Pulau Anso
Main ombak bagurau di tapi pantai, sayang
Naiak sampan, badayuang ka Pulau Anso

Makan sate jo katupek gulai paku, sayang
Usah lupo sala lauak, rakik maco
Makan sate jo katupek gulai paku, sayang
Usah lupo sala lauak, rakik maco

Ka Pantai Kata oi raun kito basamo
Ka Pantai Arta oi lain pulo seronyo

Oi dunsanak sarato sudaro, sayang
Ado ciek dunsanak usahlah lupo
Oi dunsanak sarato sudaro, sayang
Ado ciek dunsanak usahlah lupo

Buliah sanang hatinyo urang nan tibo, sayang
Sopan santun, basamo kito manjago
Buliah sanang hatinyo urang nan tibo, sayang
Sopan santun, basamo kito manjago

Ka Pantai Kata oi raun kito basamo
Ka Pantai Arta oi lain pulo seronyo
Ka Pantai Kata oi raun kito basamo
Ka Pantai Arta oi lain pulo seronyo

(Ciptaan Tiar Ramon, Dipopulerkan oleh Tiar Ramon & Fetty, 1990an)
©ourtesy of http://laguminanglamo.wordpress.com/

Papatah Urang Nan Tuo

Kampuang Cino o batu barajuik
Kambang bungo si sari bulan
Sadang paguno denai bajapuik
Kok indak haram baacuahkan
Sadang paguno denai bajapuik
Kok indak haram baacuahkan

Reff:

Oi sanak …
Kok cadiak usah mambuang kawan
Kok gapuak usah mambuang lamak
Cando papatah urang nan tuo …

Nan buto paambuih lasuang
Nan pakak palapeh badia
Nan lumpuah pahalau ayam
Samo paguno kasadonyo …

Iko kato oi kanduang nan sabananyo
Jadi sabutan sajak dahulu …
Kok satitiak jadikan lauik …
Alam takambang manjadi guru
Kok satitiak jadikan lauik …
Alam takambang manjadi guru

(Ciptaan Tiar Ramon, Dipopulerkan oleh Tiar Ramon & Fetty, 1990an)
©ourtesy of http://laguminanglamo.wordpress.com/

Yanggo Oi

Sinangi lah lauak Rang Tiku, yo niang …
Nan diatua jo ujuang pandan … – 2x
Manangih lah tagak di pintu, yo niang …
Malapeh urang ka bajalan … – 2x

Manangih lah tagak di, o pintu yanggo onggo oi
Malapeh urang ka ba, o jalan yanggo onggo oi
Malapeh urang ka bajalan …

Guruah patuih panubo limbek, yo niang …
Pandan tajamua di subarang … – 2x
Tujuah ratuih balikan ubek, yo niang …
Badan batamu mangko sanang … – 2x

Tujuah ratuih balikan, o ubek yanggo onggo oi
Badan batamo mangko, o sanang yanggo onggo oi
Badan batamu mangko sanang …

Batu Basa namo nagari, yo niang …
Dakek Ranah Aua Malintang … – 2x
Sinan asa nagari kami, yo niang …
Buruak baiak tantu dijalang … – 2x

Sinan asa nagari, o kami yanggo onggo oi
Buruak baiak tantu di, o jalang yanggo onggo oi
Buruak baiak tantu dijalang …

Sinan asa nagari, o kami yanggo onggo oi
Buruak baiak tantu di, o jalang yanggo onggo oi
Buruak baiak tantu dijalang …

(Ciptaan Tiar Ramon, Dipopulerkan oleh Tiar Ramon & Fetty, 1990an)
©ourtesy of http://laguminanglamo.wordpress.com/

Sansai Ka Baa Juo

Lai dipandang awan bararak
Dibaok angin ka baraik dayo
Lai dipandang awan bararak
Dibaok angin ka baraik dayo

Lain di urang lain di awak
Sanak yo banyak ndeh kanduang tampek baiyo
Lain di urang lain di awak
Sanak yo banyak ndeh kanduang tampek baiyo

Sansai lah kami ko, sansai ka baa juo
Sansai lah kami ko, sansai ka baa juo

Pasang lah lampu dalam tampayan
Namun nyo padam ka padam juo
Pasang lah lampu dalam tampayan
Namun nyo padam ka padam juo

Balayia bana nan di daratan
Namun nyo karam ndeh kanduang oi karam juo
Balayia bana nan di daratan
Namun nyo karam ndeh kanduang oi karam juo

Sansai lah kami ko, sansai ka baa juo
Sansai lah kami ko, sansai ka baa juo

Patah lah tiang biduak pincalang
Dilando badai di tangah lauik
Patah lah tiang biduak pincalang
Dilando badai di tangah lauik

Hiduik bakcando kabau pangilang
Harok dek rumpuik ndeh kanduang panyambuang hiduik
Hiduik bakcando kabau pangilang
Harok dek rumpuik ndeh kanduang panyambuang hiduik

Sansai lah kami ko, sansai ka baa juo
Sansai lah kami ko, sansai ka baa juo
Sansai lah kami ko, sansai ka baa juo …

(Ciptaan Tiar Ramon, Dipopulerkan oleh Tiar Ramon & Fetty, 1990an)
©ourtesy of http://laguminanglamo.wordpress.com/

Ragam Duya

Indak talabiah yo takurang, yo sanak ei …
Lai sasuai jo papatah, yo kanduang ei
Kalau sakali aia gadang, yo mamak hei …
Nan sakali tapian pindah
Kalau sakali aia gadang, yo mamak hei …
Nan sakali tapian pindah

Parubahan alam ditaasia, yo sanak ei …
Ado baiak ado nan salah, yo kanduang ei
Ado cancang manjadi ukia, yo mamak hei …
Ado ratak mambao pacah
Ado cancang manjadi ukia, yo mamak hei …
Ado ratak mambao pacah

Sansailah badan o ho hoi, dek ragam duya …
Sansailah badan o ho hoi, dek ragam duya …

Lamo hiduik banyak dirasai, yo sanak ei …
Jauah jalan banyak basuo, yo kanduang ei
Dahulu adaik nan bapakai, yo sanak hei …
Kini ko pitih nan paguno
Dahulu adaik nan bapakai, yo sanak hei …
Kini ko pitih nan paguno

Dulu basingguang mangko kanai, yo sanak ei …
Ateh kudo lakek palano, yo kanduang ei
Kini anau mangaja sigai, yo mamak hei …
Nan dek pitih talampok sajo
Kini anau mangaja sigai, yo mamak hei …
Nan dek pitih talampok sajo

Sansailah badan o ho hoi, dek ragam duya …
Sansailah badan o ho hoi, dek ragam duya …

Barapo banyak nan basuo, yo sanak ei …
Dahulu bajak pado jawi, yo kanduang ei
Tuga tahantak pagi cako, yo mamak hei …
Jaguang babungo kalam hari
Tuga tahantak pagi cako, yo mamak hei …
Jaguang babungo kalam hari

Ameh buliah pandaki gunuang, yo sanak ei …
Nan dek padi sagalo jadi, yo kanduang ei
Malang tibo di tanah lakuang, yo mamak hei …
Dek aia indak tatimbuni
Malang tibo di tanah lakuang, yo mamak hei …
Dek aia indak tatimbuni

Sansailah badan o ho hoi, dek ragam duya …
Sansailah badan o ho hoi, dek ragam duya …

(Ciptaan Tiar Ramon, Dipopulerkan oleh Fetty, 1990an)
©ourtesy of http://laguminanglamo.wordpress.com/

Indang Dek Ulah Cinto

Balayia biduak ndeh kanduang nan dari rantau
Mahadang Bunguih ndeh kanduang nan kaduonyo
Saguluang daun … nan jo timbakau …
Mahadang anguih ndeh kanduang nan kaduonyo
Saguluang daun … nan jo timbakau …
Mahadang anguih ndeh kanduang nan kaduonyo

Ilia lah Nata ondeh kanduang mudiak Batahan
Hanyuik lah bamban ondeh kanduang yo jo ureknyo
Paruik nan lapa buliah ditahan
Hati nan rindu ondeh kanduang mambaok seso
Paruik nan lapa buliah ditahan
Hati nan rindu ondeh kanduang mambaok seso

Reff:

Alah ditutuah ndeh kanduang si batang palo
Ambiak sadahan ndeh kanduang ampaian kain
Tampek tajatuah … takana juo …
Apo lah lai ndeh sanak tampek bamain
Tampek tajatuah … takana juo …
Apo lah lai ndeh sanak tampek bamain

Bungo nan kambang ondeh kanduang usah dibubuik
Pado nyo layua ondeh kanduang jatuah ka bumi
Sipaik nak mudo kalau disabuik
Dek ulah cinto ondeh kanduang lupo jo diri
Sipaik nak mudo kalau disabuik
Dek ulah cinto ondeh kanduang lupo jo diri

(Ciptaan Tiar Ramon, Dipopulerkan oleh Tiar Ramon & Fetty, 1990an)
©ourtesy of http://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 187 other followers

Dari Masa ke Masa


Lokasi Pengunjung

MARAWA

Dikunjungi

  • 2,886,685 orang

Follow

Get every new post delivered to your Inbox.

Join 187 other followers

%d bloggers like this: