Palito Cinto

Nyatonyo kini muluik jo hati bacabang duo
Kato nan indak samulia janji
Sampai lah hati adiak ko pai ndak babarito
Jajak nan tingga manyeso diri

Matinyo samuik yo dek manisan
Sahabih manih sapah dibuang
Batambah laruik denai rasokan
Cinto manangih palito hilang

(Ciptaan Rustam Raschani, Dipopulerkan oleh Yan Bastian)
©ourtesy of http://laguminanglamo.wordpress.com/

Ka Jadi Apo

Santi sayang, jikok gadang ka jadi apo?
Jadi bidan, jadi SH, ka jadi doto?
Indak jauah aia jatuah dari cucuran
Ayah koncek tantu anak jadi garundang

Oi bijak, manjawek iyo sabana bijak
Rang gaek Santi oi, jan dipagarahkan
Nak sayang oi upiak urang ka bakeh awak
Nan bana kato nan ka dikatokan

Santi sayang, jikok gadang ka jadi apo?
Jadi bidan, jadi doto, tasarah bundo
Nan paralu jadi anak mambaleh guno
Nan ka jadi bagai duo ampek kakinyo

Oi bijak, manjawek iyo sabana bijak
Rang gaek Santi oi, jan dipagarahkan
Nak sayang oi upiak urang ka bakeh awak
Nan bana kato nan ka dikatokan

Nan paralu jadi anak mambaleh guno
Nan ka jadi bagai duo ampek kakinyo – 3x

(Ciptaan (?), Dipopulerkan oleh Santi Nuskan, Elly Kasim dan Yan Bastian)
©ourtesy of http://laguminanglamo.wordpress.com/

Pituah Ayah

Jikok lah buyuang yo nak oi pai marantau
Kalau babana yo nak oi, jo nan bana
Nan raso labiah yo nak oi yo dari awak
Randahkan hati, tinggikan cito

Reff:

Bialah kaniang ondeh nak ka baluluak
Asa tanduak ondeh nak lai ka makan
Jikok lah tinggi ondeh nak usah mahimpok
Usah tasangai nan mangariangi

Urang kareh nak kanduang di nan sasek
Mungkin manyumbiang nak kanduang kok malukoi
Rancak lah suruik nak kanduang buyuang salangkah
Di sinan karuah nan tajaniahi

(Ciptaan (?), Dipopulerkan oleh Yan Bastian)
©ourtesy of http://laguminanglamo.wordpress.com/

Sansai Badan Den Sansai

Bungo rayo daun palupuah – 2x
Sikaduduak di Koto Tangah
Lah dicubo marantau jauah
Kironyo biduak karam di tangah
Lah dicubo marantau jauah
Kironyo biduak karam di tangah

Alah sansai … badan den sansai …
Alah sansai … badan den sansai …

Dari Koto ka Sungai Dareh – 2x
Bungo lado ditimpo paneh
Lah den cubo pai manggaleh
Jan kan labo, pokok nan tandeh
Lah den cubo pai manggaleh
Jan kan labo, pokok nan tandeh

Alah sansai … badan den sansai …
Alah sansai … badan den sansai …

Dari Koto yo nak ka Matua – 2x
Banda dilipek urang Baso
Dari mambajak jo mamangkua
Badan diupek urang juo
Dari mambajak jo mamangkua
Badan diupek urang juo

Alah sansai … badan den sansai …
Alah sansai … badan den sansai …

Urang Olo ka Padang Panjang – 2x
Payokumbuah jalan basimpang
Lah den cubo bakasiah sayang
Awak namuah inyo mahilang
Lah den cubo bakasiah sayang
Awak namuah inyo mahilang

Alah sansai … badan den sansai …
Alah sansai … badan den sansai …
Alah sansai … badan den sansai …
Alah sansai … badan den sansai …

(Ciptaan (?), Dipopulerkan oleh Lily Syarief & Yan Bastian)
©ourtesy of http://laguminanglamo.wordpress.com/

Dek Ulah Cinto

Cibuak mancibuak di baliak barando
Bujang jo gadih bamain mato
Hati bakato mato batanyo
Bujang jo gadih sadang bacinto

Urang talengah surek lah tibo
Lari ka biliak surek dibaco
Gadang lah hati, indak tabado
Raso nan punyo nan di sampiangnyo

Reff:

Malang jo mujua tak dapek diraiah
Cinto lah lapuak malah kironyo
Hati lah hanguih dilulua habih
Kironyo ado urang nan punyo

Kisah lah habih tamaik carito
Sampai lah kini manjadi pameo
Dek ulah cinto badan binaso
Kini lah jadi kawan biaso

(Ciptaan (?), Dipopulerkan oleh Lily Syarief & Yan Bastian, 1970-an)
©ourtesy of http://laguminanglamo.wordpress.com/

Sumpah Cinto

Den lapeh uda ka rantau urang
Untuang tajajak jo tanah tapi
Denai bado’a malam jo siang
Salamaik uda pulang jo pai

Nyampang kok denai talambek pulang
Jikok nyo talaik kaba barito
Usah putuihkan kasiah jo sayang
Tandonyo denai dalam sansaro

Ndeh …, usahlah …
Kasiah jo sayang usah rangguikkan …
Bia talambek …, asa lai tibo
Sumpah cinto den …, jan diragukan

Hiduik jo mati indak bacarai
Ka Nan Kuaso basarah diri
Salah di adiak malupokan denai
Badoso uda mungkia jo janji

Ndeh …, usahlah …
Kasiah jo sayang usah rangguikkan …
Bumi jo langik manjadi saksi
Sumpah cinto den jan diragukan

(Ciptaan (?), Dipopulerkan oleh Elly Kasim & Yan Bastian)
©ourtesy of http://laguminanglamo.wordpress.com/

Nan Hilang Alah Basuo

Ondeh …, jan adiak manangih juo
Iyo …, manangih dek ulah cinto

Batahun denai uda tinggakan
Hiduik den cubo batenggang surang
Sakik ka sia denai kadukan
Uda den nanti tak kunjuang pulang

Reff:

Mangko den pai tinggakan kampuang
Dek cinto ka adiak sayang
Kok ndak dek janji jo adiak kanduang
Antah bilo badan ka pulang

Ondeh …, ndak usah dikana juo
Iyo …, nan hilang alah basuo

(Ciptaan (?), Dipopulerkan oleh Elly Kasim & Yan Bastian)
©ourtesy of http://laguminanglamo.wordpress.com/

Hujan Rinai

Hujan rinai …
Dima tampek ka bataduah
Denai mancari, mancari tampek bataduah

Reff:

O iyo raso dingin …
Tingga ndak bakawan pulo
O iyo ka di nanti …
Bilo ka hujan baranti
Indak bakawan den surang

Sanjo nan elok yo co iko
Hujan rinai ndak taraso
O yo co iko malanglah denai
Indak bakawan kawan bagurau

Sadiah …

(Ciptaan (?), Dipopulerkan oleh Yan Bastian)
©ourtesy of http://laguminanglamo.wordpress.com/

Tong Alai

Tong tong alai
Sipuluik tulang itiak
Anak rajo pai ka balai
Anak puti di dalam biliak

Tong tong alai
Sipuluik dalam belek
Jikok buyuang karajo lalai
Jauah rasaki ka didapek

Elok lah kito …
Nan capek kaki jo ringan tangan …
Yoo buliah lah banyak urang nan sayang
Ondeh … Tong alai alai

Tong tong alai
Sipatuang jan sampai tabang
Jago pagi kito kok lalai
Habih rasaki disemba urang

Tong tong alai
Sipuluik tulang itiak
Anak rajo pai ka balai
Anak puti di dalam biliak

Elok lah kito …
Nan capek kaki jo ringan tangan …
Yoo buliah lah banyak urang nan sayang
Ondeh … Tong alai alai

(Ciptaan Masroel Mamudja, Dipopulerkan oleh Elly Kasim dan Yan Bastian)
©ourtesy of http://laguminanglamo.wordpress.com/

Bapisah di Kemayoran

Mandaruih bunyinyo kapa tabang
Raso nyo jujuik jantuang di dado
Di siko denai mangko tagamang
Kasiah bacarai dalam bacinto

Den tahan tangih dalam sadu
Dek harok pisah lai ka batamu

Kasiah bapisah di Kemayoran
Di siko pulo uda den nantikan

[Narasi]
Adiak kanduang balahan nyao
Usah denai dinanti juo
Nasib janjian di tangan Tuhan
Di akhiraik sayang uda nantikan

Indak den sangko co iko jadinyo
Bapisah nan indak ka basuo

Kini den pandang awan bararak
Uda tabayang, tangih taisak …

(Ciptaan (?), Dipopulerkan oleh Elly Kasim dan Yan Bastian)
©ourtesy of http://laguminanglamo.wordpress.com/