Gadang Lambuang

Tasabuik buyuang nan gadang lambuang
Makan banyak karajo binguang
Jago lalok duduak bamanuang
Alun mandi nasi nyo santuang

Jikok buyuang mancaliak nasi
Raman-raman cando ndubiliak
Tabulanciak mato taduduak
Amai mancaliak tabiak rusuah

Lalala lala lalala … – 4x

Kok baralek urang di Padang
Indak diundang si buyuang datang
Dek salero batambah gadang
Urang manyumpah nyo sangko sayang

Lalala lala lalala … – 4x

Kok baralek urang di Padang
Indak diundang si buyuang datang
Dek salero batambah gadang
Urang manyumpah nyo sangko sayang

Lalala lala lalala … – 4x

(Ciptaan (?), Dipopulerkan oleh Zaenal Combo Group)
©ourtesy of http://laguminanglamo.wordpress.com/

Talambek

Kaduak apo pulo puan datang lai
Oi talambek, talambek
Denai lah mandapek pangganti nan di ati

Bialah pangganti nan di ati indak sarancak
Tapi inyo cintonyo suci jo ikhlas

Kok yo dikana kanangan nan lah lalu
Oi yo padiah, yo padiah
Puan mahino diri denai ndak barago

Kini puan maharok denai nio sari yang balai
Tapi sayang denai lah mandapek ganti

Maafkan, maafkan
Carilah cari lai, sabagai pangganti diri den

[kembali ke atas]

(Ciptaan Zaenal Combo, Dipopulerkan oleh Zaenal Combo)
©ourtesy of http://laguminanglamo.wordpress.com/

Sudah Suratan

Ooo … sayang saribu kali sayang
Adiak mamungkia janji
Apo guno dulu bajanji
Kok indak batapati

Ooo … malang malah badan den kini
Kama denai ka pai
Cinto den simpan dalam hati
Den baok sampai mati

Ooo … aia mato jatuah badarai
Jatuah tibo di lantai
Hati risau badan den sansai
Malang den jatuah tapai

[kembali ke atas]

(Ciptaan Zaenal Combo, Dipopulerkan oleh Zaenal Combo)
©ourtesy of http://laguminanglamo.wordpress.com/

Di Rantau

Jan disangko sanang denai di rantau
Marasai badan di nagari urang
Sinan taraso kampuang maimbau
Ka bakeh siapo ka dikatokan

Marasai badan di rantau …

Bialah hujan ameh di nagari urang
Kampuang halaman nan indak ka dilupo

Kok tuan nak pai ka Tabek Panjang
Singgah sabanta di Kalo-Kalo
Kok yo lai samo baumua panjang
Pulang marantau batamu kito

Nantikan denai marantau …

(Ciptaan Zaenal Combo, Dipopulerkan oleh Lily Syarief)
©ourtesy of http://laguminanglamo.wordpress.com/

Stambul Piaman

Badendang di Piaman
Gesek rabab duo talinyo
Lagu Stambul Piaman …
Cubo danga, iko pantunnyo

Piaman ka Simabua
Sala lauak dalam tenongnyo
Jikok kabau batalua …
Bara buruak onggok congkongnyo

Lagu Stambul Piaman
Sadonyo urang suko
Rang siak jo pareman
Jimek rato sadonyo

Badendang di Piaman
Gesek rabab duo talinyo
Lagu Stambul Piaman …
Lagu stambul jaman Apollo

Piaman ka Simabua
Jinjiang balam dalam sangkaknyo
Jikok kudo basiua …
Bara buruk cibia muncuangnyo

Lagu Stambul Piaman
Sadonyo urang suko
Rang siak jo pareman
Jimek rato sadonyo

(Ciptaan (?), Dipopulerkan oleh Elly Kasim dan Zainal Combo, Sumbangan Lirik oleh Inyiak Darwas Ibrahim dan Ijoenk)
©ourtesy of http://laguminanglamo.wordpress.com/

Semalam di Bukittinggi

Sungguh indah kenangan semalam
Di Bukittinggi aku bermalam
Ku jumpa seorang teruna
Terpikat hatiku oleh senyumannya

Reff :

Takkan indah seindah ini
Di Bukittinggi hati ku terpaut
Tak kan indah seindah kini
Semalam aku di Bukittinggi

(Ciptaan Zaenal Arifin, Dipopulerkan oleh Elly Kasim, 1968, Sumbangan Lirik oleh Nursal Alland)
©ourtesy of http://laguminanglamo.wordpress.com/

Aia Mato Cinto

[Versi Lily Syarief]

Dinanti tak kunjuang tibo
Dicari kama painyo
Manangih ulah dek cinto
Di cinto ado nan punyo

Ondeh Tuan, tolong malah
Ubekkanlah hati ambo nan luko

Manangih patah bacinto
Dek cinto badan sansaro

Ondeh Tuan, tolong malah
Hapuihkanlah aia mato cinto

[Versi Zaenal Combo]

Dinanti tak kunjuang tibo
Dicari kama painyo
Manangih ulah dek cinto
Di cinto ado nan punyo

Kama juo kini ka pai
Aia mato ka pangganti dirinyo

Manangih ulah dek cinto
Dicinto ado nan punyo

Kama juo kini ka pai
Aia mato ka pangganti dirinyo

(Ciptaan Zaenal Combo, Dinyanyikan oleh Lily Syarief)
©ourtesy of http://laguminanglamo.wordpress.com/

Ratok Denai

Ratok denai surang … tolong patenggangkan

Ondeh manga coiko jadinyo
Malarek badan di rantau urang
Manangih siang jo malam
Takana untuang takadia badan

Reff:

Kok takana ayah jo bundo
Sangkek ketek hiduik dimanjo
Yo dunsanak sayang kasadonyo
Sinan badarai si aia mato

Yo dunsanak yo sudaro
Nio nak pulang tak ado dayo
Kaba tadanga bundo tak ado
Pulang mandapek hanyo pusaro

(Ciptaan Yasir Syam, Dipopulerkan oleh Ernie Djohan, Aransemen: Zaenal Combo, 1967)
©ourtesy of http://laguminanglamo.wordpress.com/