Pusaro Mimpi

Lamo den di rantau … den tinggakan kampuang
Den tinggakan tapian … tampek mandi
Kini baru tajajak pulang
Indak den sangko coiko bana

Riak hati den manggalombang
Batamu adiak den tagamang
Batahun ungkai kasiah sayang
Nan buah hati tatuntuang juo jo ka adiak surang …

Reff:

Oi … riak galombang hapuihkan jajak di tapian hati …
Oi … hujan nan turun padamkan nyalo di badan diri …
Santano kok gamang jantuang jo hati di laruik malam … (ndeh sansai)
Bialah denai bujuak jo bayang bulan …

Tuhan …
Galak kok tido, tangih tolong hantikan …

Batahun lamonyo hiduik dalam sunyi
Lah denai pusarokan … mimpi-mimpi
Kok lah rabah patang hari …
Awan bararak den tangisi …

Den jaik cabiak den sulami
Den baluik luko surang diri
Den rintang hati jo banyanyi
Lah malang badan … tasintuah jajak padiah juo

(Ciptaan Rustam Raschani, Dipopulerkan oleh Zalmon)
©ourtesy of http://laguminanglamo.wordpress.com/

Nantikan Denai

Jikok indak lurah jo ngalau
Bukik-bukik jatuah ka ngarai
Jikok indak sarasah maimbau, diak oi
Mungkinnyo cinto nan ka bacarai
Jikok indak sarasah maimbau, diak oi
Mungkinnyo cinto nan ka bacarai

Sarasah oi …, sarasah oi …

Reff:

Aianyo turun dari rimbo
Tampak badarai ditimpo cayo
Di sinan kasiah dulu bamulo, diak oi
Sarasah Burai indak ka lupo
Di sinan kasiah dulu bamulo, diak oi
Sarasah Burai indak ka lupo

Sarasah oi …, sarasah oi …

Mandi-mandi kito ka Burai
Sinan sarasah janiah aianyo …
Nanti-nanti nantikan denai
Badan bapisah yo samantaro …, samantaro …

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/

Tabayang Bayang

Dari Lolong taruih ka Bayang
Angku Rajo turun di Kurinci
Dalam angan uda tabayang
Dalam lalok uda tamimpi

Denai pun cando nantun
Mabuak jo bayang-bayang
Kadang cameh balam dipikek urang …

Uda sayang basasi denai jo bulan
Cinto tangan lai denai haramkan
Uda sayang kok ujan tak sampai patang
Bialah karam hilang den di galombang

Marilah sayang samo tampuangkan tangan
Kuekkan hati taguahkan iman

[kembali ke atas]

(Ciptaan (?), Dipopulerkan oleh Fetty dan Zalmon)
©ourtesy of http://laguminanglamo.wordpress.com/

Sampai Hati

Barabah mandi …
Iyo nan mandi bakacimpuang
Manyemba buiah iyo di ateh riak

Susah diri …
Didalam hati mambaok rasah
Bungo nan dicinto iyo dipatiak urang
Sampai hati …

Reff :

Tagamang badan di laruik kasiah …
Tasisiah raso hati nan luko
Kawan mangguntiang dalam lipatan
Urang mamanciang adiak tadayo

Ondeh diak oi …
Denai sasali janji samulo
Madu di bibia denai bali jo kasiah sayang

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/

Marando

Dek lamo hiduik hei banyak dirasai
Banyak bajalan hei banyak basuo
Dulu babini hei kini lah carai
Bia den lalok hei ka surau sajo

Pado babini elok marando
Indak sakik isi kapalo
Elok den hiduik kini mambujang
Bia den lalok ka surau sajo

Ondeh dunsanak hei yo samo gadang
Dangakan lagu hei sarato dendang
Usah digaduah hei nak gadih urang
Nantikan sajo hei masonyo datang

Dangakan lagu dangakan rantak
Lagu bahenol kecek rang kini
Kok tak lamak katokan lamak
Sambia bagurau kito manari

[kembali ke atas]

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/

Jaso Bundo

Di tangah malam tasintak badan tajago
Mandanga anak manangih baibo-ibo
Sambia manyusu anak didendangkan juo
Baitu bana payahnyo bundo manjago

Sajak ketek sampai gadang dipaliharo
Isuak lah gadang jan sampai malawan bundo

Reff:

Bundo mando’a bakeh Tuhan Kuaso
Anak kanduang den tolong dipaliharo
Tanamkan iman hidayah di dadonyo
Isuak lah gadang kok lai mambaleh guno

Kito nan ado kini ko baitu pulo
Samanjak ketek dijago ayah jo bundo
Kini lah gadang ndak elok mambusuang dado
Malawan ayah jo bundo kito badoso

Indak elok kito jadi anak durako
Malawan ayah jo bundo kito badoso

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/

Ameh jo Timbago

Tingga kampuang jo halaman
Tingga ranah jo tapian
Tingga ayah sarato bundo
Tingga urang den cinto

Reff:

Di kampuang baputiah mato
Hati nan batambah seso
Elok den bao hati nan ibo
Luko dek ulah cinto

Ondeh adiak, malang kito bacinto
Karano denai urang biaso
Cinto adiak, yo lai sabananyo
Malangnyo, ameh jo timbago

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/

Rang Sikumbang

Kami kiniko datang basamo
Datang urang dari mudiak
Nak lapeh arak iyo batanyo
Batanyo kaba baa si upiak
Oi upiak, oi upiak Rang Sikumbang

Baa kiniko Rang Caniago
Bungo padang bamato aia
A si upiak kini lah bapunyo
Punyo rang kampuang Batu Ilia
Oi buyuang, oi buyuang Rang Caniago

Baa kaba Rang Sikumbang
Si upiak lai ado ?
Kami datang ka maminang
bakeh urang Caniago

Baa kaba rang Sikumbang
Si Upiak lai ado ?
Kami datang ka maminang
bakeh urang Caniago

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/

Aia Mato Mandeh

Jikok malam tibo …
Sadiah tadanga isak jo tangih
Ratok tangih hati nan tingga
Badan baduo tingga surang

Sadiah …
Tinggalah mandeh baurai aia mato …
Tinggalah mandeh baurai aia mato …

Reff :

Sampai hati ayah bajalan, larek di ladang urang
Parak kito lah rimbo …
Sakik sanang kami jo mandeh
Panyambuang hiduik hanyo mandeh

Sunyi …
Ganti ayah hanyo aia mato mandeh …
Tinggalah mandeh baurai aia mato …

Mandeh …
Usahlah mandeh manangih juo
Apuihlah sudah aia mato mandeh

(Ciptaan Rustam Raschani, Dipopulerkan oleh Waty Yusuf dan Zalmon)
©ourtesy of http://laguminanglamo.wordpress.com/

Nyanyian Mandeh Bundo Kanduang

Lamo den tamanuang laruik malam
Bulan lah lamo hilang jo sunyi bakuliliang
Tabayang tapian mandi
Sanak sudaro jo kampuang nan lah jauah di mato

Reff:

Tangiang nyanyian mandeh kanduang
Ubek palarai damam samaso dahulunyo
Kadang tabayang di mato
Sansaro bundo didaro bansaik indak bapunyo

Salamo nangko denai bak hilang
Dek untuang jo parasaian
Namun di hati cinto tak hilang
Nasib mandeh dalam pikiran

Acok den tampuangkan tangan
Tuhan, Tuhan Kuaso
Nasib mandeh tolonglah sanangkan

(Ciptaan (?), Dipopulerkan oleh Zalmon)
©ourtesy of http://laguminanglamo.wordpress.com/