Hari Pagi

Hari baransua pagi
Murai alah bakicau
Rusuah rasonyo hati
Takana bundo ayah adiak sadonyo

Dasia aia mangalia
Mambao denai sansai
Raso bundo mamanggia
Oi nak kanduang bilo masonyo ka basuo

Jikok tuan mandanga
Bunyi latusan sayuik-sayuik sampai
Itulah kaganti
Niaik hati manyampaikan salam rindu

Denai sansaro nangko
Indak ka sio-sio
Kok kokoh tagak denai
Nak takikih sagalo si paniayo

(Ciptaan Yusaf Rahman, Sumbangan Lirik oleh Ibu Novi Jamal)
©ourtesy of https://laguminanglamo.wordpress.com/

16 Responses to “Hari Pagi”


  1. 1 novi jamal April 4, 2008 at 4:46 pm

    maaf uda, uwan, ajo atau apo se lah, sato ciek, buliah? ambo sakali ko mancigok ruangan “lagu minang lamo ko, ok bana. Tapi kok bantuak urang bacakak tu di surek-surek nan ado di siko? ambo jadi malu surang, soalnyo apak paja ambo ko urang Semarang, nyo bae galak mambaco surek-surek tu.

    Sabalun ambo lupo, Gadih Lambah tu kato ibu ambo almarhum, di buek dek alm. mak adang Boestanoel Arifin Adam.Itu dibueknyo waktu PRRI, LAMBAH tu sendiri namo tampek di Nagari Gunuang Padangpanjang. Tolong di koreksi saketek syair lagu tu yo uda(dsb?).

    Tru,Ambo ndak pernah punyo kaset lagu minang, tapi ayah atau pun ibu ambo selalu menyanyikan lagu HARI PAGI untuak malalokkan kami dulu. Bunyinyo baiko:

    Hari baransua pagi, murai alah bakicau
    Rusuah rasonyo hati, takana bundo ayah adiak sadonyo

    Dasia aia mangalia, mambao denai sansai
    Raso bundo mamanggia, oi nak kanduang bilo masonyo ka basuo

    Kalau bundo mandanga, bunyi latusan sayuik-sayuik sampai
    Itulah ka tandonyo, kato hati manyampaikan salam rindu

    Denai sansaro nangko, indak ka sio-sio
    Kok kokoh tagak denai, nak takikih sagalo si paniayo

    Kono kato ayah ambo nan mambueknyo mak adang Boestanoel juo, wakatu baliau ado di rimbo sangkaik PRRI saisuak. Mungkin info ko layak atau indak, wallahu alam. salam tuak sadonyo rang awak nan mambaco

    • 2 Sandra Yusaf June 4, 2010 at 5:14 pm

      Maaf sanak-sanak kasadonyo..
      lagu hari pagi iko adalah karangan alm Papa Yusaf Rahman..
      Dibuek pado waktu zama PRRI dan alah baganti syairnyo sabanyak 3 kali…

      Lagu iko awalnya ado sair bantuak iko

      Jikok tuan mandanga bunyi latusan sayuik-sayuik sampai
      Itulah kaganti niaik hati manyampaikan salam rindu.

      dan bebberapa kalimat yang berhubungan dengan perang PRRI masa itu
      tarimo kasih banyak..
      Mohon di koreksi .

      • 3 syafril wahab June 1, 2016 at 10:02 am

        Batua sandra yusuf, lah banyak nan mangutak atik laguko. Aslinyo jiko tuan mandanga bunyi latusan sayuik sayuik sampai dst nya yg asli. yg eli kasim palsu

  2. 4 Fadli April 4, 2008 at 5:03 pm

    Tarimokasih banyak informasinyo Dunsanak Novi Jamal. Baguno sakali bagi ambo.
    Soal nan bantuak bacakak di ruang kontribusi, itu namonyo bagarah garah😀
    Urang Awak ko kan terkenal demokratis, indak manyuruak nyuruak an sesuatu dalam hati doh🙂

    Kami tunggu informasi salanjuiknyo.

    Salam.

  3. 5 novi jamal April 4, 2008 at 5:26 pm

    Ambo tau da, karano ambo lai gadang di kampuang, walaupun kini di Batawi. Ambo sadang ndak bisa bapikia, ambo baliak-baliaklah benda ajaib ko, e…. ado lagu awak, ambo badendang se surang. rang sumando uad tu sadang lalok sato lo jago jadinyo. ambo jadi terhibur, walaupun ado raso taragak ka pulang. Mancaliak teks lagu nan ado, ambo takana jo ayah & bunda nan lah ndak ado lai. Apo lagi ado lagu kesukaan beliau.
    Untuak lagu GADIH LAMBAH, waktu ambo SMA dulu ambo acok tampil folksong jo kawan-kawan. Ado koreksi saketek, buliah?

    Antaro rimbo bukik barisan, o Minang
    Dalam Lambah nan diapik Gunuang, o sunyi
    Nampak sayuik desa Lambah

    Sarasahnyo aia janiah tajun mailia
    Pamandian gadih lambah patang jo pagi
    Bakacimpuang suko hati

    Jikok hari lah badarok sanjo
    Cayo langik nan babagai rono nampaknyo

    Si gadih lambah pulang ka rumah
    Dari sawah sajak pagi hinggo patang

    Sawah ladang nan indah bajanjang rancaknyo
    Pasumarak alamnyo nan sajuak rasonyo
    Tapi kini jauah di mato….

    Sorry yo uda-uda kasadonyo, kalau ambo salah jan digalak an. Salam baliak da.

  4. 6 Fadli April 4, 2008 at 5:40 pm

    Tarimo kasih banyak Ibu Novi, iko bana nan ambo nanti nantikan. Ambo kelahiran 1983 bu, mungkin masih sapangkek jo anak kalau dek Ibu. Jadi tolong jan dipanggia uda😀

  5. 7 Ica April 5, 2008 at 4:12 pm

    Terima ksih Ibu Novi atas koreksinya. Dan kepada saudara Fadly, karena liriknya bukan lagi yang asli dari saya, maka saya mohon agar nama Ica di hapus saja selaku penyumbang. Mungkin ingatan saya sudah kurang baik, karena lirik itu berdasarkan ingatan semata, tidak ada teks tertulis sejak saya kelas 5 tahun 1958. Saya lahir di Kenagarian Lambah Tigo Patah Kecamatan Ampek Angkek Canduang Kabupaten Agam pada tahun 1947, yang sekarang domisili di Jakarta Timur. Sekali lagi karena lirik Gadih Lambah bukan dari saya lagi, maka saya tidak mau lagi nama Ica tercantum sebagai penyumbang….Terima kasih..

  6. 8 novi jamal April 5, 2008 at 4:38 pm

    Fad, kalau ambo capek kawin dulu tu, mungkin iyo. Tapi dek ikuik zaman dan ikut takdir, anak ambo baru kelas duo SMP kini. No problem lah itu. Dari pado salah maimbau urang, dikecekannyo awak kagadang-gadangan, jadi ambo tiru se tetangga banta ambo, dek urang tu gadang ketek, nyo imbau se jo MAS atau MBAK, bia agak-agak sopan, gitu.

  7. 9 novi jamal April 5, 2008 at 4:56 pm

    Samo-samo pak Ica. Ambo duga-duga se,apak cukuik rajin mambuek catatan lagu waktu mudo dulu, yo ndak pak? Kalau ambo tau lagu lamo tu dari catatan ibu ambo almarhum. Ambo sendiri ndak pernah punyo catatan lagu. Jadi a nan takana sajo dan ambo suko bana badendang di rumah, tarutamo kalau sadang taragak pulang kampuang, raso sentimentil tu timbua dengan sendirinyo. Ambo akui sangaik, lagu awak ko memang kekuatannyo ado di LIRIK nyo.

    Pak, ambo kelahiran Jakarta tapi ayah rang Gantiang Padang dan Ibu rang Gantiang Gunuang Padangpanjang. Tapi ambo gadang di kampuang, lah luluih kuliah ambo ka Jakarta tuk mancari untuang. Ee, salain tu ambo dapek jodoh di siko jo urang Semarang. Kini ambo di Tangerang. Salam kenal, pak.

  8. 10 novi jamal April 5, 2008 at 5:13 pm

    Waktu SMP dulu (taun 79-82) ambo pernah manyanyikan lagu nan ambo lupo judulnyo. Liriknyo ambo banyak nan lupo pulo. Tolong dong, sia nan bisa mambantu maagiah judul, namo pengarang dan manambah atau mamelok an syairnyo??

    Sabalun tabik matoari, kapatabang lah malayang-layang
    Den ambiak tomong den baok lari
    Pai manembak ka rimbo panjang

    Tibo di tampek tujuan, tomong malatuih ndak sagan-sagan
    Badaram badabua jan disabuik
    Itu parintah nan kami turuik

    Hari alah pulo (….), paruik kami alah pulo lapa
    Diambiak nasi ka padang ateh
    Tampek makan, topi baja, samba lado, uwok patai
    indak tingga

    Hari alah pulo patang,…..
    Den ambiak tomong, den baok pulang
    Barisuak parang ka kami ulang

    Thanks berat untuak sia sajo nan dapek mambantu ambo. Khusus lagu ko. Ambo taragak ka guru ambo (Alm) Ibu Hazmiar Tamin, guru kesenian di SMPN 2 Padangpanjang.

  9. 11 Fadli April 7, 2008 at 3:06 am

    Ibu Novi, lagu ko tahun 1992 waktu ambo kelas 3 SD di Payakumbuh pernah dipakai untuak lagu Pramuka.
    Kalau ndak salah judulnyo “Mariam Tomong”, itu manuruik pembina pramuka ambo wakatu itu.
    Tolong koreksi kalau salah.

    Terima kasih.

  10. 12 novi jamal April 16, 2008 at 1:37 am

    Fadli, apopun judulnyo, yang penting awak bisa badendang, ya kan? Eh, ambo bosan manulih, mangecek jo bahaso Indonesia karano siang malam, di rumah dan di lingkuangan ambo sadonyo babahaso Indonesia.
    Di forum ko ambo ngomong pake bahaso awak se yo? Ubek taragak pulang kampuang, gitu…

  11. 13 Fadli April 16, 2008 at 9:29 am

    Silahkan buk Novi, silahkan babahaso Minang😀

  12. 14 jufri October 18, 2009 at 7:50 pm

    ilalaaaaaah ……tabik tabik aie mato ambo, takana maso nan dulu-dulu… kadang ambo manyasa manga tabukak situs iko ….. namun den intip juo …. tarimo kasih sanak kasadonya ……. kirimkan ambo sapu tangan pa apuih aie mato ………….


  1. 1 Merekam Sejarah Lewat Lagu Minang « d’Ranah Trackback on August 25, 2010 at 9:50 pm
  2. 2 Rusuah Hati « Lirik Lagu Minang Lamo Trackback on October 18, 2011 at 7:26 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 253 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 5,845,117 orang

%d bloggers like this: