Maminang

Apo mukasuik …, uda kamari …
Adiak nan manih …, ka uda pinang …

Tinggi-tinggi oi Gunuang Marapi
Gunuang Singgalang tagak manjago
Ondeh Uda oi manga kamari
Cubo tarangkan ka bakeh ambo

Gunuang Marapi tadanga tinggi
Nan batalago Gunuang Singgalang
Mukasuik hati datang kamari
Adiak nan manih ka uda pinang

Nan di Gaduik oi kudo bapacu
Rami dek anak rang Padang Panjang
Denai nan takuik kato baitu
Uda tasabuik mato karanjang

Batang Kapeh jo Balai Salasa
Banyak bajurang jalan babelok
Usah cameh adiak jo uda
Bantuak nan kurang hatinyo elok

Apo mukasuik …, uda kamari …
Adiak nan manih …, ka uda pinang …

(Ciptaan Nuskan Syarief, Dipopulerkan oleh Nuskan Syarief dan Lily Marlene 1973, Elly Kasim – Tiar Ramon 1985, Sumbangan Lirik oleh Inyiak Darwas Ibrahim)
©ourtesy of https://laguminanglamo.wordpress.com/

6 Responses to “Maminang”


  1. 1 Azhari Boerhan April 21, 2008 at 9:47 am

    Assalamualaikum, Nyiak,

    Sakadar manyampaikan apo nan takana di ambo;
    Kalau tidak salah judul lagu tsb adalah : Maminang.
    Maaf kalau ambo salah.

    Wassalam, Azhari

  2. 2 darwas ibrahim April 21, 2008 at 10:45 am

    Alaikumussalam pak Azhari. dalam upaya pelestarian pusako awak ko, mari kito basamo-samo menggali keaslian lagu, pencipta, dan urang nan mampopulerkan pertama kali.

    Makonyo inyiak indak suko produksi ulang dek generasi berikutnyo nan kabanyakan terkesan asal-asalan indak sasuai jo naskah asli. Nan labiah parah babueknyo pulo irama lain remik/saluang/dangdutMinang keceknyo sahinggo kesan/kenangan yang tercipta pado maso itu buyar.

    Inyiak terbuka dan tidak setiap menyajikan teks lagu selalu merasa benar sendiri . Inyiak batarimokasi kalau satiok lagu nan inyiak munculkan segera direvisi dek dunsanak inyiak meskipun hanyo judulnyo nan inyiak munculkan salah, mari kita menggali bekerjasama. Untuk kepastian benar atau salah nanti jika kita temukan kaset aslinya.

    Mokasi pak Ashari

  3. 3 Azhari Boerhan April 21, 2008 at 11:23 am

    Mokasi tanggapannya Nyiak.
    Dasar ambo adalah :

    1. Album lagu tsb tahun 1973.
    2. Album kedua sekitar 1985 (bersama-sama lagu Denai Ditinggakan & Denai Putuih Aso)
    Demikian, Wassalam, Azhari

  4. 4 Fadli April 21, 2008 at 11:31 am

    Sepengetahuan ambo, judul lagu ko memang “Maminang”, dasarnyo adalah laguko pernah diputa di Minang Maimbau RRI Pro 4 Jakarta, dan menurut penyiar judulnyo adalah Maminang.

  5. 5 Azhari Boerhan April 21, 2008 at 12:24 pm

    Sedikit tambahan (baru takana); bait kedua lagu maminang :

    Gunuang Marapi sabana tinggi
    Nan batalago Gunuang Singgalang
    Mukasuik hati datang kamari
    Adiak nan manih ka uda pinang

  6. 6 darwas ibrahim April 23, 2008 at 1:45 pm

    Alhamdulillah, sempurnalah sudah, lagu nan inyiak cogok an nan judulnyo Maminang + bait kaduo dilengkapi pak Azhari Burhan, dan Fadli yang baru monitor RRI Pro4 lebih meyakinkan. Tarimokasi atas perhatian/kerjasama pak Azhari Burhan dan Fadli.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 253 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 5,850,464 orang

%d bloggers like this: