Sinandi Nandi

(Versi Yus Kinantan)

Kok iyo si nandi nandi
Gaba-gaba di laman tangsi
Nampak nan dari Kayu Tanam
Uju-uju si gadih kini
O bak cando labu diparam

Nan kok iyo si nandi nandi
Rambuik pendek bak cando jantan
Basarawa naiak kureta
Urang mamandang jadi heran
Awak ka lalu kok heran

Reff:

Ondeh …
Rami pasa di Bukiktinggi
Rang manjua pandan jo lado
Yo baitu rang mudo kini
Antah nama jantan batino

Kok iyo si nandi nandi
Gadih kini pantang disapo
Dibaok galak tambah bedo
Cando dunia awak nan punyo
Lupo adaik ilang limbago

Nan kok iyo si nandi nandi
Nan kok iyo si nandi nandi

(Versi Oslan Husein)

Ondeh… oi nandi oi …

Kok iyo nandi nandi
Kuciang balang baranak balang
Golek golek di ateh niru
Urang gaek mancilok lamang
Luko bibia dek sambilu

Kok iyo nandi nandi
Biduak balayia ka Pulau Pandan
Muatan sarek buah kuliki
Kini jaman indak karuan
Nenek nenek mamakai jengki

Reff :

Indak den sangko rigo-rigo
Pipik sinanduang mamakan padi
Indak den sangko sinan bak iko
Tuo jo mudo makin manjadi

Kok iyo nandi nandi
Buah mangga jo buah manggih
Elok dimakan di hari patang
Sajak lah mancik jadi ngku haji
Banyak lah kuciang nan sumbayang

(Ciptaan Yus Kinantan, Dipopulerkan oleh Yus Kinantan dan Oslan Husein)
©ourtesy of https://laguminanglamo.wordpress.com/

5 Responses to “Sinandi Nandi”


  1. 1 isde August 9, 2007 at 6:29 am

    Pernah ado nan mengatokan, lagu ko penciptanya Bing Slamet jo Oslan Husein. Iyo lah kolah?

  2. 2 Azhari August 9, 2007 at 6:56 am

    Baa kok nan sabananyo. Tapi, seingat ambo lagu Minang ciptaan Bing Slamet cuma ciek yaitu : Sansaro;
    Usaaah, dikanalah juo, kisah kito nan lamo…. dst.
    Wassalam

  3. 3 Syahrul Marah Alam October 18, 2009 at 3:48 am

    Mari kito tanyoan ka panyanyi orkes Gumarang nan masih ado yaitu Pak Syaiful Nawas,nan satiok Hari Rabu Malam Jam 8.maisi acara minang maimbau.di RRI Pro 4 Jakarta.

  4. 4 Warry Ferdinandus August 13, 2010 at 5:53 am

    Salam sejahtera,
    Teringat saya pada waktu remaja [ waktu teenager ] saya di MAKASSAR / SULSEL
    Oslan Husein & his Cubana Teruna Ria sangat populér di kalangan Remaja dan saya memiliki “LP ” dari Oslan , dengan lagu2 [ kalau saya tak salah…] Bengawan Solo, Es Lilin, Panon Hideung, Bungo Parawitan, Sinandi-Nandi dsb dsb
    Rupanya “LP” tersebut tak diedarkan lagi saát ini. Sayang sekali !
    Salam kenal untuk para peminat lagu2 [ daérah ]Indonesia.

    Wassalam,

    Warry
    MERGELSWEG 86
    6419 EG HEERLEN
    HOLLAND [ BELANDA ]

    Note : Teringat pula saya pd lagu dri ALFIAN,…Dipantai P’LABUHAN RATU [ Lirik nya sbb : Senja nan indah di tepi pantai, kududuk seorang diri.. dipantai P’labuhan Ratu, béta teringat kekasih..yg dahulu pernah saling janji..janji sehidup se mati…dsb dsb Moga2 ada peminat yg bisa tempatkan lagu ini di http://www.YouTube.com


  1. 1 Merekam Sejarah Lewat Lagu Minang « d’Ranah Trackback on August 25, 2010 at 9:50 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 253 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 5,860,514 orang

%d bloggers like this: