Archive for June, 2009

Sapucuak Surek

Sapucuak surek den kirim
Manjalang Uda nan surang
Batahun batuka musim
Lakehlah pulang

Sapucuak surek den kirim
Badawaik si aia mato
Co biduak manyonsong angin
Denai kini ko

Dek badan umpamo daun
Urang tapacik nan dibatangnyo
Oi Uda kanduang, danga-dangakan
Ratok denai ko

Kok banang manjadi tali
Baa kain nan ka jadinyo
Oi Uda kanduang, gungguanglah denai
Tabangkan juo

(Ciptaan(?), Dipopulerkan oleh Hetty Koes Endang, Sumbangan lirik oleh Z Mochtar)
©ourtesy of https://laguminanglamo.wordpress.com/

Advertisements

Untuang Den

Bialah pandan tumbuahnyo gadang
Daunnyo panjang jelo bajelo
Mangkonyo denai pai jo urang
Iduik jo Uda mungkin sansaro

Rumpuik saruik panjanglah baa
Pandan dirimbo lah maladuangkan
Sakik iduik sananglah baa
Lah panek badan dek manangguangkan

Sapulah sarok, sarok jarami
Usah dibuang di dakek dapua
Apo diharok yo bakeh kami
Untuang bak abu diateh tungku

Apuang apuang Sitinjau Lauik
Sandaran badia jo mariam
Den sapantun jo limau hanyuik
Dima tasangkuik sinan bamalam

(Ciptaan Masroel Mamudja, Dipopulerkan oleh Fetty dan Zalmon)
©ourtesy of https://laguminanglamo.wordpress.com/

Sansaro Badan

Jikok jadi tuan ka Jambi, ka Jambi -2x
Baokkan ambo -2x
Nan si buah limau,
Sansaro badan -2x

Jikok tuan mungkia jo janji, jo janji -2x
Tarimo barasiah -2x
Nan di ujuang pisau,
Sansaro badan -2x

Anak gagak duo salapan, salapan -2x
Hinggok di batang -2x
Nan si pucuak manggih
Sansaro badan -2x

Kok taragak disadang makan, yo makan -2x
Ambiaklah piring -2x
Tampuangkanlah tangih
Sansaro badan -2x

Pacah cawan piriang jo cambuang, jo cambuang -2x
Pacah ditimpo -2x
Nan si batang padi
Sansaro badan -2x

Lah den liek jo tukang tanuang, yo tanuang -2x
Tuan nan surang -2x
Nan baiak budi
Sansaro badan -2x

(Ciptaan (?), Dipopulerkan oleh Elly Kasim, Sumbangan lirik oleh Lies Marlysa Ramali)
©ourtesy of https://laguminanglamo.wordpress.com/

Randai

Epta epta eptata
Cincin banamo si Ganto Sori
Sasuai sajo nan di kalingkiang -2x
Hilang kamano ka di cari
Lauiktan sajo bakuliliang -2x

Epta epta eptata
Tabanglah anggang ka daratan
Hinggok di bukik mancari makan -2x
Lah manangih dagang di rantau
Hujan di langik mamandikan -2x

Epta epta eptata
Rang Singkarak nak manyubarang
Manyubarang jo kapa tigo -2x
Kok taragak badan nak pulang
Jalan putuih titi tiado -2x

Epta epta eptata

(Ciptaan (?), Sumbangan lirik oleh Lies Marlysa Ramali)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 271 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 7,354,984 orang

%d bloggers like this: