Mandeh

Ibo-ibo … hati den mandeh …
Takana untuang tabayang kampuang
Pituah Minang baru den jaleh …
Bapisah jauah rindu mandayo

Reff:

Oi mandeh kanduang, pintak jo pinto
Tolong doakan …
Tajajak juo … rumah nan gadang di Ranah Minang

Santano risau pautan hati
Mandeh sampaikan pasan cinto den
Pandang ombak baguluang
Lieklah awan nan bararak patang

Di sinan den mambayang
Tolong mandeh katokan
Nantikan denai musim ka datang

(Ciptaan (?), Dipopulerkan oleh Harvey Malaiholo dan Tiar Ramon, Festival Lagu Minang 80an)
©ourtesy of https://laguminanglamo.wordpress.com/

Advertisements

Anak Salapan

Cubo dangakan oi Uda denai bakato
Anak salapan ndak usah ditambah juo
Nan ketek baru bajalan, ngeak lah tibo
Sadonyo lesek saroman apaknyo

Usah manapuak ndeh adiak aia di dulang
Usah salahkan oi adiak diri den surang
Anak salapan kok isuak manjadi urang
Awak baduo juo nan ka sanang

Marilah kito batanyo kabakeh si angku doto
Buliah nak tau baa caronyo
Nan lah tadorong ka baa yo lah ka baa juo
Awak nan samo indak sangajo

(Ciptaan Nuskan Syarief, Dipopulerkan oleh Elly Kasim dan Nuskan Syarief, Sumbangan lirik oleh Ijoenk)
©ourtesy of https://laguminanglamo.wordpress.com/

Badan Tabuang

Tinggi bararak lah kau awan
Awan manutuik matohari
Alah pintak suratan tangan
Badan tacampak hanyo lai

Lah tagerai rambuik nan panjang
Jo langkah gontai pulang mandi
Rila-rila lah denai bajalan
Upek caraco mairiang diri

Reff:

Putuih tali jo bapak kanduang
Putuih ndak dapek disambuang lai
Tinggalah kampuang tinggalah sanak
Ayam jo itiak pangganti diri

Tinggi malanjuik lah kau batuang
Indak den tabang tabang lai
Tingga mancanguik lah kau kampuang
Indah den jalang-jalang lai

(Ciptaan (?), Dipopulerkan oleh (?), Sumbangan lirik oleh Ijoenk)
©ourtesy of https://laguminanglamo.wordpress.com/

Batanam Mumbang

Di tuan lah ado tampak
Cincin balah rotan
Baitu juo di jari denai
Samo di suok di jari manih
Tandonyo kito ondeh
Alah ado nan punyo

Reff:

Badabok iyo badabok
Tasirok darah di dado
Tikam mato tuan juo
Nan manusuak jantung denai

Usah dijalin kasiah ko
Kasiah nan indak ka mungkin
Kasiah kito kok bacando
Rang batanam mumbang

(Ciptaan Masroel Mamudja, Dipopulerkan oleh Elly Kasim (th.70an), Upik Saunang(th.80an), Sumbangan lirik oleh Afrienda)
©ourtesy of https://laguminanglamo.wordpress.com/