Archive for July, 2010

Nasi Ampera

Dahulu ramas cubadak jo gulai kacang
Kiniko ramas ampera sambanyo randang
Palapeh sasak nak dagang di rantau urang
Balinyo murah raso lamak sabungkuih kanyang

Kalio dagiang jo pangek dendeang balado
Lah tasadio tingga piliah nama nan suko
Maleh batanak jo bareh jan cameh pulo
Bali ampera angkuik pulang makan basamo

Reff:

Nasi ampera tasabuik ramas Rang Padang
Bali sabungkuih badaso dibao pulang
Paruik bakilek taduduak awak dek kanyang
Nasi ampera tasabuik ramas Rang Padang

Patah salero pai lah ka Kampuang Jao
Kama bakelok ampera banyak tasuo
Tiok jumahaik gulai kambiang amperanyo
Tang bakutantang ondeh lamak sabana sero

(Ciptaan Syamsi Hasan, Dipopulerkan oleh Syamsi Hasan)
©ourtesy of https://laguminanglamo.wordpress.com/

Kaba Gadih Bancah

Iko kaba urang maso dahulu
Kaba di Ranah Minang, iyo di Bancah Sunua, rawangnyo sangaik dalam

Ado gadih nan durako ka mandeh
Gadih malawan mandeh, mandeh lalu manyumpah, gadih dapek sansaro

Oi kau anak durako, kau anak cilako, indak mambaleh guno
Oi kau anak durako, kau anak cilako, indak mambaleh guno

Sumpah mandeh yo dikabuakan Tuhan
Gadih dapek sansaro, yo tabanam di rawang, rawangnyo sangaik dalam

Gadih tabanam di bancah, iyo di Bancah Sunua, rawangnyo sangaik dalam
Gadih tabanam di bancah, iyo di Bancah Sunua, rawangnyo sangaik dalam

(Ciptaan Syamsi Hasan, Dipopulerkan oleh Syamsi Hasan)
©ourtesy of https://laguminanglamo.wordpress.com/

Usah Tagajai

Bilah jo bilai panyambuang tunggak langkan
Hati lah kanai badan nan manangguangkan
Sansai lah sansai dek mato nan manggujai
Ulah parangai jantuang nan kanai sigai

Siang jo malam mato talalok
Kasiah bamulo indak disangko
Laku kurenah dapek ditakok
Siko panyakik nan mudo-mudo

Hati buliah kanai tapi usah talalai
Sigai buliah sigai tapi usah tagajai
Hati buliah kanai tapi usah talalai
Sigai buliah sigai tapi usah tagajai

(Ciptaan Syamsi Hasan, Dipopulerkan oleh Syamsi Hasan)
©ourtesy of https://laguminanglamo.wordpress.com/

Marano

Rumah sikola di ilia kampuang, yo sikola di ilia kampuang
Padati tagak nan di halaman, yo tagaknyo nan dihalaman
Bakucak darah di dalam jantuang
Mandangakan adiak lah batunangan

Bilo maso ka basuo jo adiak nan denai cinto
Marano bujang dirantau
Karano cinto denai
Marano bujang dirantau
Karano cinto denai

Aia Bangih jambatan gantuang, yo Aia Bangih jambatan gantuang
Ramilah urang nak manyubarang, ramilah urang nak manyubarang
Raso ka putuih hati jo jantuang
Adiak dicinto di rabuik urang

Bilo maso ka basuo jo adiak nan denai cinto
Marano bujang dirantau
Karano cinto denai
Marano bujang dirantau
Karano cinto denai

(Ciptaan Syamsi Hasan, Dipopulerkan oleh Syamsi Hasan)
©ourtesy of https://laguminanglamo.wordpress.com/

Singgalang Erak Gamerai

Singgalang tadanga langang
Jalan manurun jo mandaki – 2x
Adiak kanduang tadanga sanang
Baok manompang badan diri – 2x

Singgalang di lingkuang bukik
Subuah manjalang parak siang – 2x
Niaik hati handak manuruik
Adiak lah jauah di rantau urang – 2x

Reff:

Singgalang erak gamerai
Barambuih angin dari subarang – 2x
Hati jo jantuang hancua badarai
Mandanga adiak di tangan urang – 2x

Bukiktinggi bajanjang batu
Nampak nan dari Pasa Banto – 2x
Kok suratan hinggo tu dulu
Alah takadia ka baa juo – 2x

(Ciptaan Syamsi Hasan, Dipopulerkan oleh Syamsi Hasan)
©ourtesy of https://laguminanglamo.wordpress.com/

Bialah Tandeh

Bialah habih, bialah tandeh
Ameh jo intan, ameh jo intan
Asakan dapek cinto dibaleh
Adiak ka jadi si induak bareh
Adiak ka jadi si induak bareh

Gaduang batingkek denai buekkan
Apo kahandak diak denai balikan
Gaduang batingkek denai buekkan
Apo kahandak diak denai balikan

Bialah habih, bialah tandeh
Ameh jo intan, ameh jo intan
Asakan dapek cinto dibaleh
Adiak ka jadi si induak bareh
Adiak ka jadi si induak bareh

(Ciptaan Syamsi Hasan, Dipopulerkan oleh Syamsi Hasan)
©ourtesy of https://laguminanglamo.wordpress.com/

Pasambahan

Disulam sari sarato jubah
Jubah diguntiang dek anak rajo
Ondeh kanduang oi, ondeh sanak oi …
Di dalam tari kami manyambah
Sambah tairiang nan jo carano
Ondeh kanduang oi, ondeh sanak oi …

Yoo, Tuanku Basa, basa batuah, kanduang
Himpunan puji tumpuan sambah
Jaweklah salam sarato sambah
Sambah nan datang yo dari bawah

Adaik dek kami …
Alek mananti …

Cabiaklah siriah, gatoklah pinang
Nak sanang hati alek mananti
Ondeh kanduang oi, ondeh sanak oi …

[carano dipasambahkan dengan iringan bansi]

Reff:

Kok ado langkah nan salah
Rila jo maaf kami dibari, yo sanak kami dibari
Usah disimpan dalam hati, di dalam hati
Maklumlah kami urang mudo nan jolong gadang
Paham nan balun, balun dapek kami pakaikan
Darah nan balun, balun satampuak, satampuak pinang
Umua nan balun, balun satahun, satahun jaguang

(Aransemen Tari Pasambahan oleh Yusaf Rahman)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 262 other followers

badendang™

Dari Masa ke Masa


Pengunjung Terbaru

Ahadi on Laruik di Rantau
Hendrik on Kampuang Nan Jauah di Mato
nure on Badindin
nure on Badindin
saidi faiz on Pulang Marantau
hatta on Ayam den Lapeh
updateku on Lompong Sagu
ZUL on Kaparinyo

Lokasi Pengunjung

MARAWA

Dikunjungi

  • 6,593,218 orang

%d bloggers like this: