Solok Bacangkeh

Nak rang Solok mak ambiak cangkeh
Cangkeh di lereang pandakian
Hari elok musim lah lapeh
Pobilo sayang disampaikan ko mak …

Sansai den di nyo ondeh mak, ko den di nyo …

Baduo kami mandendangkan
Solok bacangkeh ko lagunyo
Asa lai sayang basampaikan
Lambek lamo den nanti juo ko mak …

Sansai den di nyo ondeh mak, ko den di nyo …

Agiah ka Solok ambiak cangkeh
Baduo kami mandendangkan
Hati nan harok-harok cameh
Raso ka lapeh dari tangan ko mak …

Sansai den di nyo ondeh da, ko den di nyo …

Sa abih-abih minyak angin
Namun kapalo sakik juo
Dirintang bana jo nan lain
Kanduang diruang mato juo ko mak …

Ragu den di nyo ondeh mak, ko den di nyo …

Nan ligundi batang ligundi
Tumbuah sarumpun tapi banda
Nan dek kanduang bauji-uji
Nan dek denai lah iyo bana ko mak …

Sansai den di nyo ondeh mak, ko den di nyo …

Den bilai-bilai pinang panuah
Den bilai lalu ka pucuaknyo
Lai dikayai nyo tak namuah
Hati jo jantuang dimabuaknyo ko mak …

Sansai den di nyo ondeh mak, ko den di nyo …

Indak elok co itu bana
Baok lah tompang badan diri
Asa lai bakato bana
Kok ndak pitih bia den cari ko da …

Sansai den di nyo ondeh mak, ko den di nyo …

Bialah kami nak badendang
Lagu nan asa daulu nyo
Patuik dek uda basiginyang
Dek tampak elok ka gantinyo ko mak …

Sansai den di nyo ondeh mak, ko den di nyo …

Solok Silayo cawan pinggan
Bari batatah batang padi
Arok dek rono tarang bulan
Palito nyalo bapadami ko da …

Sansai den di nyo ondeh mak, ko den di nyo …

Indak diasok rigo-rigo
Pipik sinanduang makan padi
Dima lo hati tak ka ibo
Pamenan urang basayangi ko mak …

Sansai den di nyo ondeh mak, ko den di nyo …

(Saluang Klasik)
©ourtesy of https://laguminanglamo.wordpress.com/

Advertisements

0 Responses to “Solok Bacangkeh”



  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s




Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 281 other followers

badendang™

Dari Masa ke Masa


Pengunjung Terbaru

Damar on Kaparak Tingga
Billy kitoko on Mangko Denai Tagamang
Yusma hanoum on Kamiri
Yusma hanoum on Kamiri
Emiwati on Usah Diratoki
Firman on Yanggo Oi
ria floris lagu mina… on Pulanglah Uda
Suaro Minang (Minang… on Ayam den Lapeh

Lokasi Pengunjung

MARAWA

Dikunjungi

  • 8,172,225 orang
Advertisements

%d bloggers like this: