Archive for May, 2011

Denai ka Pulang

Mandeh … denai ka pulang
Angin jo badai, oh mandeh sabuang manyabuang
Tasintak malam darah tasirok
Raso basuo jo mandeh kanduang

Reff:

Mandeh … sabalah mandeh
Indak tatahan, oh mandeh rindu di dado
Alah suratan di badan denai
Bapisah jauah jo mandeh kanduang

Oi kilek nan sabuang manyabuang
Ndeh tolong sampaikan …
Antokkan ratok jo tangih di hati mandeh …

Mandeh … denai ka pulang
Indak ka lamo, oh mandeh mananti denai
Anggak den hadang ombak galombang
Asa basuo jo mandeh kanduang

(Ciptaan Masroel Mamudja, Dipopulerkan oleh Andi Mulya)
©ourtesy of https://laguminanglamo.wordpress.com/

Minang Kini

Di darek urang batanam baniah
Baniah ditanam harok manjadi padi
Diliek Minang kini sabana sadiah
Baraliah gambok di jaman kini

Di Cupak urang manggaleh lado
Banyak mambali tibo dari Salayo
Yo nampak Minang kini alah tabedo
Adaik ko ereang manangih Bundo

Reff:

Ondeh niniak mamak di Rumah Gadang
Tolonglah hiduikkan palito di Ranah Minang
Ondeh niniak mamak usah bapangku tangan
Tolonglah kuakkan kabuik palipuik Minang

Di Padang urang babendi-bendi
Urang babendi taruih ka Pauah Limo
Lah jaleh Minang kini banyak baganti
Adaik ko tingga manangih Bundo

(Ciptaan (?), Dipopulerkan oleh Betharia Sonata dan Yetty)
©ourtesy of https://laguminanglamo.wordpress.com/

Untuangnyo Badan

Mamukek urang di Pariaman
Kanailah anak ikan gulamo
Cando ko bana untuangnyo badan
Apoko sabab dek karanonyo
Cando ko bana untuangnyo badan
Apoko sabab dek karanonyo

Reff:

Dikaka dulu baru dikisai
Padi sipuluik urang Suliki
Dicubo dulu badan marasai
Bisuak nan indak tagamang lai
Dicubo dulu badan marasai
Bisuak nan indak tagamang lai

Mamukek urang di karang gosong tuan
Kanai lah anak si maco aji …
Untuang lah ombak lai manolong
Baru lah sampai ka tanah tapi
Untuang lah ombak lai manolong
Baru lah sampai ka tanah tapi

(Ciptaan (?), Dipopulerkan oleh Yetty)
©ourtesy of https://laguminanglamo.wordpress.com/

Sate Padang

Sate Padang lah tanamo, yo lamak rasonyo
Kok tuan patah salero sate lah ubeknyo – 2x
Kok sakali lah mancubo hati ndak ka lupo
Sate Padang lah tanamo, yo lamak rasonyo – 2x

Reff:

Dipanggang, dagiang dipanggang
Katupek dibalah duo
Di rantau jauahlah dagang
Sate Padang takana juo

Di Sabang sampai Marauke
Satenyo disuko urang
Kok tau di lamak sate
Cubolah makan Sate Padang

Kok sakali lah mancubo hati ndak ka lupo
Sate Padang lah tanamo, yo lamak rasonyo – 2x

(Ciptaan (?), Dipopulerkan oleh Yetty)
©ourtesy of https://laguminanglamo.wordpress.com/

Kaparinyo (Lime Stone)

Duo tigo kuciang balari
Kuciang balari …
Indak lah sarupo, jo kuciang lah balang
Indak sarupo jo kuciang balang

Duo tigo dapek den cari
Dapek lah den cari …
Indak lah sarupo jo adiak nan hilang
Indak sarupo jo adiak nan hilang

Urang baralek di Pasa Talu
Di Pasa Talu …
Rami lah nan aleknyo di hari patang
Rami aleknyo di hari patang

Adiak mandapek si sampan baru (sayang)
Si sampan baru …
Denai barakik, denai barakik si batang pisang
Selanjutnya …

Sarunai Aceh (Lime Stone)

Pupuik sarunai bansi rang Agam
Ondeh tuan oi
Pupuik sarunai bansi rang Agam
Ondeh tuan oi …

Dimainkan urang di tangah malam
Sarunai yo Aceh

Maratok denai di hari malam
Ondeh untuang den
Maratok denai di hari malam
Ondeh untuang den …

Takana di untuang (ko mak) parasaian
Ondehnyo untuang …
Takana di untuang parasaian …

Bungo sarunai manyarunai
Ondeh untuang den
Bungo sarunai manyarunai
Ondeh untuang den …

Jatuah lah ka lubuak (ko mak) manggalombang
Sarunai yo malam
Jatuah lah ka lubuak manggalombang …

Ketek marasai gadang sansai
Ondeh untuang den
Ketek marasai gadang sansai
Ondeh untuang den …

Baitu ko nasib (ko mak) untuang nyo surang
Sarunai yo malam
Baitu ko nasib untuang nyo surang …

(Ciptaan (?), Dipopulerkan oleh Yan Juned, Lime Stone, 1975)
©ourtesy of https://laguminanglamo.wordpress.com/

Mamadu Janji

Di malam tarang bacahyo
Duduak baduo nan bapandangan
Mamadu janji untuak bacinto
Saiduik samati untuak salamonyo

Reff:

Kato putuih janji diikek
Bulan jo bintang manjadi saksi
Jari manih nan diagiah tando
Cincin pangikek suratan cinto

Kini adiak ndak usah ragu
Cinto den hanyo ka adiak surang
Dalam bacinto alah biaso
Endeang jo gendeang ka untuak kito

(Ciptaan Yan Juned, Dipopulerkan oleh Lime Stone, 1975)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 262 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,449,040 orang

%d bloggers like this: