Archive for July, 2011



Pulang Marantau

Jauah kito marantau pai marantau
Namun kampuang salalu takana juo
Pulanglah kito pulang marilah pulang
Basuo kawan-kawan nan samo gadang

Balari anak ruso duo sajoli
Dapek ditangkok dek anak Rajo Jao
Kalau indak taleso di musim kini
Di hari tuo tantu ka pulang juo

Jauah kito marantau pai marantau
Namun kampuang salalu takana juo
Pulanglah kito pulang marilah pulang
Basuo kawan-kawan nan samo gadang

Hei rang mudo …, marilah kito pulang …

Kalau ramuak rasonyo padi dek balam
Cubo baok ka pulau sibilang-bilang
Kalau ramuak rasonyo hati di dalam
Cubo baok bagurau kok mungkin hilang

Jauah kito marantau pai marantau
Namun kampuang salalu takana juo
Pulanglah kito pulang marilah pulang
Basuo kawan-kawan nan samo gadang

Hei rang mudo …, marilah kito pulang …

Pandanglah padi kuniang-kuniang mangurai
Gunuang jo bukik raso malambai-lambai
Bakicau-kicau bunyi si buruang murai
Ibo hati maliek kampuang nan sansai

Jauah kito marantau pai marantau
Namun kampuang salalu takana juo
Pulanglah kito pulang marilah pulang
Basuo kawan-kawan nan samo gadang

Hei rang mudo …, marilah kito pulang …
Hei rang mudo …, marilah kito pulang …

(Ciptaan Zubir Said, OST Tunang Pak Dukun 1960, Penyanyi Umi Kalsom, Dipopulerkan kembali oleh oleh Syamsi Hasan 1970)
©ourtesy of https://laguminanglamo.wordpress.com/

Advertisements

Rindu Kampuang

Baok pulang, denai taragak pulang
Japuik denai, lah rindu ka pulang
Tapian nan den cinto, tampek den bakacimpuang
Sawah ladang tampek bausaho

Ranah Minang tampek denai digadangkan
Kampuang halaman nan denai cinto
Kini lah den cubo marantau ka Jao
Ranah Minang oi takana juo …

Elok pulang cangkua sawah ladang
Bakumpua kito bangun nagari

Baok pulang, denai taragak pulang
Japuik denai, lah rindu ka pulang
Tapian nan den cinto, tampek den bakacimpuang
Sawah ladang tampek bausaho

Ranah Minang tampek denai digadangkan
Kampuang halaman nan denai cinto …

(Ciptaan (?), Dipopulerkan oleh Eva Noerdin)
©ourtesy of https://laguminanglamo.wordpress.com/

Andam Sarasah

Andam Sarasah …, pautan hati …
Tuan kanduang di denai …, hmmm …

Reff:

Di aia tajun Andam bagaduah
Sampai dikutuak dek ula cindai

Andam iyo lah lamo mamikek hati denai
Kini tibo masonyo kasiah dimulai

Marilah kito samo bajanji
Janji sahiduik jo samati
Cinto kito indak sio-sio
Rindu lah lamo nan batangguangkan

Andam Sarasah (lalalalalala)
Paciklah denai (lalalalalala)
Bia tapauik janji di dado

(Ciptaan Masroel Mamudja, Dipopulerkan oleh Lily Marlene dan Syaiful Nawas)
©ourtesy of https://laguminanglamo.wordpress.com/

Pantun Cinto

Abang dahulu mangkonyo kamaik
Takabia dulu mangko sumbayang – 2x
Bacarai Allah nan jo Muhammaik
Mangko bacarai kasiah jo sayang – 2x

Reff:

Balam sipatu dari cudah
Hinggok diateh kayu jati
Pandang mato ndeh kanduang tagaruah juo …
Alah nyo ijin dari Allah
Alah nyo rilah dari Nabi
Manga kok uda oi kanduang batambuah juo …

Kok langik runtuah, bumi tapana
Tibo malaikaik nan ka mananyo
Kasiah ka uda takana juo

(Ciptaan (?), Dipopulerkan oleh Elly Kasim)
©ourtesy of https://laguminanglamo.wordpress.com/

Sansai Badan Den Sansai

Bungo rayo daun palupuah – 2x
Sikaduduak di Koto Tangah
Lah dicubo marantau jauah
Kironyo biduak karam di tangah
Lah dicubo marantau jauah
Kironyo biduak karam di tangah

Alah sansai … badan den sansai …
Alah sansai … badan den sansai …

Dari Koto ka Sungai Dareh – 2x
Bungo lado ditimpo paneh
Lah den cubo pai manggaleh
Jan kan labo, pokok nan tandeh
Lah den cubo pai manggaleh
Jan kan labo, pokok nan tandeh

Alah sansai … badan den sansai …
Alah sansai … badan den sansai …

Dari Koto yo nak ka Matua – 2x
Banda dilipek urang Baso
Dari mambajak jo mamangkua
Badan diupek urang juo
Dari mambajak jo mamangkua
Badan diupek urang juo

Alah sansai … badan den sansai …
Alah sansai … badan den sansai …

Urang Olo ka Padang Panjang – 2x
Payokumbuah jalan basimpang
Lah den cubo bakasiah sayang
Awak namuah inyo mahilang
Lah den cubo bakasiah sayang
Awak namuah inyo mahilang

Alah sansai … badan den sansai …
Alah sansai … badan den sansai …
Alah sansai … badan den sansai …
Alah sansai … badan den sansai …

(Ciptaan (?), Dipopulerkan oleh Lily Syarief & Yan Bastian)
©ourtesy of https://laguminanglamo.wordpress.com/

Ranah Minang

Ranah Minang …
Ranah rancak sadonyo mamuji
Nagari santiang, badanau, babukik
Balambah nan baliku

Kok diliek dalam kampuang
Ibolah hati …
Lah lapuak rumah ndak bahuni
Sanak lah bih pai ka Tanah Jao

Gaduang rancak atok gonjong
Banyak nan badiri
Jalannyo licin, lampu lah manyalo
Sampai suduik nagari

Kok diliek ka urangnyo
Ibolah hati …
Banyak pamimpin nan lah abih pai
Sampai kiniko ndak bapangganti

(Ciptaan (?), Dipopulerkan oleh Elly Kasim)
©ourtesy of https://laguminanglamo.wordpress.com/

Kopi jo Gulo

Jikok namuah oi uda, jalan batopi oi sayang
Bialah denai batuduang, ateh kapalo oi kanduang
Sanyampang uda oi tuan manjadi kopi
Bialah denai tatuang manjadi gulo

Baitu bana arek bacinto
Saroman kopi bacampua gulo

Jikok namuah oi adiak ka Pasa Matua yo sayang
Bialah denai malereang turun ka Ngarai oi kanduang
Sanyampang adiak oi manih manjadi kasua
Bialah denai oi taraok jadi saperai

Baitu bana arek bacinto
Saroman calak jo bulu mato

[kembali ke atas]

(Ciptaan (?), Dipopulerkan oleh Elly Kasim & Nuskan Syarief)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 286 other followers

badendang™

Dari Masa ke Masa


Pengunjung Terbaru

Damar on Kaparak Tingga
Billy kitoko on Mangko Denai Tagamang
Yusma hanoum on Kamiri
Yusma hanoum on Kamiri
Emiwati on Usah Diratoki
Firman on Yanggo Oi
ria floris lagu mina… on Pulanglah Uda
Suaro Minang (Minang… on Ayam den Lapeh

Lokasi Pengunjung

MARAWA

Dikunjungi

  • 8,706,111 orang
Advertisements

%d bloggers like this: