Archive for August, 2011

Kok Di Kampuang

Tabuah kok tadanga sanjo hari
Badan den raso di kampuang
Mangaji ka surau rami-rami
Pulangnyo babondong-bondong

Kain saruang basilempangkan
Kucindan dek garah basamo
Hati tasingguang patenggangkan
Garah di kampuang indak den lupo

Yo baitu kalau lah di kampuang
Tangkelek dangkang badangkang
Kok saruang indak ado nan lupo
Seronyo kini taraso

[kembali ke atas]

(Ciptaan Masroel Mamudja, Dipopulerkan oleh Yan Umali, 1980an)
©ourtesy of https://laguminanglamo.wordpress.com/

Kok Indak Bapitih

Dulunyo rabab nan batangkai
Kiniko bansi bapatiak limo – 2x
Dulunyo adaik nan urang pakai
Kiniko pitih yo nan paguno – 2x

Diukia-ukia yo saruang Padang
Dipakai Malin jo Panghulu – 2x
Mangko ditingkek janjang urang
Cari balanjo malah dahulu – 2x

Elok dipakai siku-siku
Buliah nak luruih tarahnyo papan
Indak bapitih di dalam saku
Punyo awak lapeh ka urang

Tatianglah siriah yo di carano
Lakukan sambah dek niniak mamak – 2x
Ameh jo perak kok indak ado
Urang ndak arok jo bujang awak – 2x

Pisau sirauik buek ka taji
Ulunyo bungkuak putiangnyo panjang – 2x
Kalau lah awak balun mancari
Usah diago yo anak urang – 2x

Rumah Gadang batingkek tigo
Nan punyo mamak Si Kudun Sati
Bilo kawan barumah tanggo
Rajin-rajin ndeh malah mancari

Bilo kawan barumah tanggo
Rajin-rajin ndeh malah mancari
Bilo kawan barumah tanggo
Rajin-rajin ndeh malah mancari

(Ciptaan Masroel Mamudja, Dipopulerkan oleh Yan Umali, 1980an)
©ourtesy of https://laguminanglamo.wordpress.com/

Salam Parantauan

[Versi Irni Basir]

Dangakanlah denai banyanyi
Lagu jo dendang suratan hati
Sairiang rindu jo ratok tangih (sayang)
Cinto denai lah tatuntuang habih

Salam rindu denai sampaikan
Di dalam lagu denai kirimkan
Lagu ka ganti diri den surang (sayang)
Badan nan jauah di parantauan

Pandanglah awan bararak di ateh gunuang
Tah ka bilo hari ka tarang
Lah larek badan denai jauah dari kampuang
Tah pabilo denai ka pulang

Dangakanlah denai banyanyi
Lagu jo dendang suratan hati
Lagu ka ganti diri den surang (sayang)
Badan nan jauah di parantauan

[Versi Hetty Koes Endang]

Dangakanlah denai banyanyi
Lagu jo dendang suratan hati
Sairiang rindu jo ratok tangih (sayang)
Badan nan lareh di rantau kini

Reff:

Salam rindu denai kirimkan
Dalam lagu denai sampaikan
Lagu ka ganti diri den surang (sayang)
Badan nan jauah di parantauan

Pandanglah awan bararak di ateh gunuang
Antah bilo hari ka patang
Lah lareh badan denai jauah dari kampuang
Antah pabilo denai ka pulang

(Ciptaan (?), Dipopulerkan pertama kali oleh Irni Basir kemudian oleh Hetty Koes Endang)
©ourtesy of https://laguminanglamo.wordpress.com/

Kolak Sarabi

Ondeh lamaknyo …, kolak sarabi, sarabi
Ondeh lamaknyo …, kolak sarabi, sarabi

Rami lah urang mambali
Ado bujang ado gadih
Balangganan tiok hari … – 2x

Ondeh da lapeh salero
Makan ciek tambah duo
Baitu bana lamaknyo
Lah abih takana juo

Ondeh lamaknyo …, kolak sarabi, sarabi
Ondeh lamaknyo …, kolak sarabi, sarabi

Manjua si jando mudo
Bara geneang kijok mato … haa …
Tadayo nan mudo-mudo
Dek ulah kijok matonyo
Tadayo, tadayo, tadayo ….

Ondeh lamaknyo …, kolak sarabi, sarabi
Ondeh lamaknyo …, kolak sarabi, sarabi

(Ciptaan (?), Dipopulerkan oleh Fetty)
©ourtesy of https://laguminanglamo.wordpress.com/

Nasi Lamak Sari Kayo

Tadanga bunyi yo pupuik si batang padi
Urang manyabik di sawah barami-rami
Tuo jo mudo basamo bagadang hati
Den danga bujang jo gadih nan banyanyi
Tuo jo mudo basamo bagadang hati
Den danga bujang jo gadih nan banyanyi

Yo … yo basorak sorai bacirabuik
Iyo lamak raso sanok jo kolak pisang (sayang)
Dek ditingkah nasi lamak sari kayo

Yo … yo bahorak horai rang manyabik
Padi disabik, dihiriak, dibaok pulang (sayang)
Paubek jariah nan payah salamo ko

Ayam mancotok padinyo di tangah laman
Jamualah masiak kauiklah hari ka hujan
Padi di indang, ditumbuak di tapi tareh
Dipiliah atah tingga sajo nan bareh
Padi di indang, ditumbuak di tapi tareh
Dipiliah atah tingga sajo nan bareh
Yo … yo lah habih pupuik batang padi
Manangih bajak jo kabau dalam kandang (sayang)
Alamaik isuak kito ka sawah pulo

Yo … yo basorak sorai bacirabuik
Iyo lamak raso sanok jo kolak pisang (sayang)
Yo ditingkah nasi lamak sari kayo

(Ciptaan (?), Dipopulerkan oleh Fetty)
©ourtesy of https://laguminanglamo.wordpress.com/

Ka Kuliah

Alah sajak dulu biai katokan ka anak kanduang
Kok ndak talok lai di utak nantun, usah kuliah
Kok maagiah sogok, yo indak talok di mandeh nangko
Cubo bajalan ka kantua-kantua cari karajo

Baa pulo biai mangko bakato sarupo iko
Gadaikan malah sawah kito tu
Nantik kok lah tamaik denai kuliah, ditabuih pulo
Kok untuang tabangkik batang tarandam

Reff:

Jaleh utak ang yuang ndak talok ujian sipenmaru
Apo lai kuliah sakian tahun baa pitihnyo?
Kok lai namuah buyuang manggaleh koran sambia kuliah
Itu baru tampak kareh hatinyo buyuang sikola

Dangalah o biai, kok ndak kuliah den malu jo kawan
Gengsi dong biai, jikok ndak kuliah
Bialah utak den co utak udang, asa kuliah
Indak tantu dek buyuang den ka tandeh

(Ciptaan Masroel Mamudja, Dipopulerkan oleh Syamsi Hasan dan Upik Saunang)
©ourtesy of https://laguminanglamo.wordpress.com/

Talambek

Kaduak apo pulo puan datang lai
Oi talambek, talambek
Denai lah mandapek pangganti nan di ati

Bialah pangganti nan di ati indak sarancak
Tapi inyo cintonyo suci jo ikhlas

Kok yo dikana kanangan nan lah lalu
Oi yo padiah, yo padiah
Puan mahino diri denai ndak barago

Kini puan maharok denai nio sari yang balai
Tapi sayang denai lah mandapek ganti

Maafkan, maafkan
Carilah cari lai, sabagai pangganti diri den

[kembali ke atas]

(Ciptaan Zaenal Combo, Dipopulerkan oleh Zaenal Combo)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 265 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,668,008 orang

%d bloggers like this: