Archive for September, 2011

Agiah Bana

Oi iyo Sungai Pagu, pagu aia tatumbuak
Nan baputa aia, oi baputa di jambatan – 2x
Hati denai ragu, ragu paham tatumbuak
Tolonglah dek adiak, oi tolong carikan jalan – 2x

Pacah kaco oi jatuah ka batu
Tibo di batu nan badarai, agiah bana ondeh agiah bana
Usah uda nan bahati ragu
Banyak lah ragi ka dipakai, agiah bana ondeh agiah bana

Iyo … iyo kato adiak, oi adiak sabana sayang
Nan katonyo denai, oi denai sabana kasiah – 2x
Ambiaklah timbangan, oi marilah kito timbang
Kito uji barek, oi cinto mano nan labiah – 2x

Kito cubo oi duduak basandiang
Jikok mujua jadi paruntuangan, agiah bana ondeh agiah bana
Tabayang uda dalam piriang
Patah salero sadang makan, agiah bana ondeh agiah bana

Iyo … janji lah bapadan, oi janji alah dibuek
Usahlah diniaik, oi diniaik nak maungkai – 2x
Tali cinto kito dikabek batambah arek
Hanyo adiak surang maurak mangko salasai – 2x

Cincin bakarang lah diikek
Suaikanlah baa ndeh uda oi, agiah bana ondeh agiah bana
Janji bapadan lah dikabek
Usah diurak ndeh uda oi, agiah bana ondeh agiah bana

Janji bapadan lah dibuek
Usah diniaik ka maungkai, agiah bana ondeh agiah bana
Tali cinto lah dikabek arek
Adiak maurak mangko salasai, agiah bana ondeh agiah bana

(Ciptaan Tiar Ramon, Dipopulerkan oleh Tiar Ramon dan Fetty)
©ourtesy of https://laguminanglamo.wordpress.com/

Ya Ohoi

Urang Solok ka Batang Kapeh
Handak manjalang ka Pasa Kambang
Taruih ka Tapan, ka Indopuro
Usah diarok jo buruang lapeh
Buruang basayok lai pandai tabang
Jikok dinanti ka sio-sio

Rami lah urang Padang Panjang, ya oho ohoi
Rami nan sadang yo tangah hari, ya oho ohoi
Rami nan sadang yo tangah hari …
Patuik lah uda basiginyang, ya oho ohoi
Mancaliak untuang badan kami, ya oho ohoi
Mancaliak untuang badan kami …

Reff:

Jikok adiak pai ka ladang
Usahlah lupo maambiak sayua
Baoklah pulang, baok pucuaknyo
Jikok lah adiak sabana sayang
Tompangkan denai di dalam sanggua
Nak samo luluah nan jo kapalo

Pancuang talang juluak kaliki, ya oho ohoi
Tiok dijuluak nan jatuah juo, ya oho ohoi
Tiok dijuluak nan jatuah juo …
Cadiak alang binguang sikikik, ya oho ohoi
Tapi dek murai takicuah juo, ya oho ohoi
Tapi dek murai takicuah juo …

(Ciptaan Tiar Ramon, Dipopulerkan oleh Tiar Ramon dan Fetty)
©ourtesy of https://laguminanglamo.wordpress.com/

Minangkabau Dalam Lagu

Sobaik kanduang nan gadang di rantau urang
Kok kalam jalan ka kampuang
Kok ragu rancaknyo Minang
Danga saluang manjalehkan
Nak jan lupo tuan jo randang

Rumah Gadang nyo sambilan ruang
Rangkiang baririk di halaman
Atok bamego co tanduak kabau
Tiok kampuang ado basurau

Baru basurek, batu batikam
Camin sumarak Minangkabau
Oyak tabuik, salaju sampan
Camin sumaraknyo Nagari

Reff:

Aia Manih tanang riaknyo maanyuikkan
Aia Mancua, lambah jo ngarai
Pasti tuan bilang aduhai
Sungai Tanang jo Batang Tabik
Buliah sanak mandi-mandi

Danau Singkarak jo Maninjau
Urang bule acok tapukau
Buliah juo jalan ka Ngalau
Sambia badendang Mudiak Arau

Banyak nan pandai tari galombang
Tari piriang lah pamainan
Pandai basilek jo barandai
Basilek lidah arah gurauan

Sobaik kanduang jan cameh di Ranah Bundo
Kok tauncang pitih tuan
Usah masuak ka restoran
Nasi Kapau kito makan
Murah balinyo raso mandalam

Alah panek denai bakaba
Saluang siko dihantikan
Kurang yakin carito ambo
Silau dek sanak ka kampuang kito

Jan takuik indak bakawan
Buliah sajo bao ambo
Di Minang ranah tu aman
Basabab kuaik agamo

(Ciptaan Agus Taher, Dipopulerkan oleh Tiar Ramon)
©ourtesy of https://laguminanglamo.wordpress.com/

Lah Musti Macam Baitu

Bana yo bana lah musti macam baitu – 3x
Yo bana … baitulah
Bana yo bana lah musti macam baitu – 3x
Yo bana … baitulah

Ondeh ucik den satinggi tumik
Sentak mandanyuik maleo-leo
Ondeh ucik den satinggi tumik
Sentak mandanyuik maleo-leo

Bialah kami pamuda paik
Jan dipandang si enteang sajo
Bialah kami pamuda paik
Jan dipandang si enteang sajo

Bana yo bana lah musti macam baitu – 3x
Yo bana … baitulah
Bana yo bana lah musti macam baitu – 3x
Yo bana … baitulah

Bana yo bana lah musti macam baitu – 3x
Yo bana … baitulah
Bana yo bana lah musti macam baitu – 3x
Yo bana … baitulah

Ka Pulau Pandan jauh di tengah
Jangan berlayar di angin topan
Ka Pulau Pandan jauh di tengah
Jangan berlayar di angin topan

Jangan lah coba bermain mata
Kalau dicoba makan gumpalan
Jangan lah coba bermain mata
Kalau dicoba makan gumpalan

Bana yo bana lah musti macam baitu – 3x
Yo bana … baitulah
Bana yo bana lah musti macam baitu – 3x
Yo bana … baitulah

Bana yo bana lah musti macam baitu – 3x
Yo bana … baitulah
Bana yo bana lah musti macam baitu – 3x
Yo bana … baitulah

(Ciptaan Oslan Husein, Dipopulerkan oleh Oslan Husein)
©ourtesy of https://laguminanglamo.wordpress.com/

Mungkia Janji

Sansaro mananti
Dek ulah adiak mungkia janji
Ibo raso hati
Patang malam jo pagi

Dibaok bamanuang
Jatuah badarai aia mato
Dek mangana untuang
Sansaro salamako

Reff:

Cando nangko bana
Padiahnyo parasaian
Sampai hati bana
Adiak mampalakukan

Tingga denai surang
Tingga baurai aia mato
Putuih kasiah sayang
Nan diikek baduo

(Ciptaan (?), Dipopulerkan oleh Tiar Ramon)
©ourtesy of https://laguminanglamo.wordpress.com/

Buah Kasiah Sayang

Sambilan bulan sapuluah hari
Sampai malahia malabuahkan
Indak tabado dek panangguangan
Dek mandeh kanduang di diri

Kok malam batanggang lalok
Rangik sikua bahalaukan
Kok siang bacucua paluah
Paluah diracik dihampehkan
Bukanlah arok kato jo sanjuang

Hutang ka mandeh indak tabaia
Baitu pulo ka ayah kanduang
Dek langik balun talansaikan
Dek bumi indak ka taansua
Baalah caro ka mambaia
Antah kok rilah … Allah sajo

Hutang ka mandeh indak tabaia
Baitu pulo ka ayah kanduang
Dek langik balun talansaikan
Dek bumi indak ka taansua
Baalah caro ka mambaia
Antah kok rilah … Allah sajo

Itulah buah kasiah sayang
Upiak sayang balahan nyao
Buah hati pangarang jantuang
Dek mandeh kanduang di diri

Lalok gadih laloklah Intan
Ubek jariah palarai damam
Usah anak manangih juo
Urang panangih lambek lah gadang
Ondeh … yo kanduang ei …

Lah gadih gadang anak isuak
Dinaiakkan siriah ka junjuangan
Nak nyo baurek baaka tunggang
Bapucuak tinggi cewang ka langik
Rimbun rampak dalam nagari
Buahnyo labek ka pusako

Hutang ka mandeh indak tabaia
Baitu pulo ka ayah kanduang
Dek langik balun talansaikan
Dek bumi indak ka taansua
Baalah caro ka mambaia
Antah kok rilah … Allah sajo

(Ciptaan Masroel Mamudja, Dipopulerkan oleh Upik Saunang)
©ourtesy of https://laguminanglamo.wordpress.com/

Maninjau Indah

Da kamarilah, mari kito bajalan
Naiak oto jo bendi, sarato bajalan kaki
Mandi lah mandi ka Maninjau indah
Baringinnyo lah gadang, ureknyo panjang tajuntai

Mamanjek baringin gadang
Malompek ka aia janiah
Pulanglah oi anak dagang
Di rantau badan kok jariah

Kok sampai lah cito kito
Kabau sikua ka rabah juo
Baitulah niaik kito
Imbau kawan sanak sudaro

[kembali ke atas]

(Ciptaan Masroel Mamudja, Dipopulerkan oleh Nurseha 1970-an kemudian oleh Upik Saunang 1980-an)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 267 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,796,419 orang

%d bloggers like this: