Archive Page 13



Nenek Nonton Pilem India

Tadi malam nenek nonton pilem India
Kok lakonnyo Rekha Purno nan jo Shakila
Yo manonton ondeh urang yo rami bana
Sampai tarompa nenek tatingga di lua

Pilem main, nenek nonton ndeh asik bana
Ndeh sadiah nenek nangih taisak-isak
Nenek eboh yo dek lakon malampang nona
Nyo marabo yo berang, rami basorak

Batambah sibuik si nenek
Nyo sabuik santiang jo ampek
Lampu iduik yo rami urang maliek

Makin manggilo si nenek
Sampai kurisi nyo angkek
Kiro nyo cari giginyo nan talompek

[kembali ke atas]

(Ciptaan Zulkarnaen, Dipopulerkan oleh Melati)
©ourtesy of https://laguminanglamo.wordpress.com/

Cubo Mamujuak

Ondeh upiak, yo upiak rambahlah paku
Tumbuah di lereng, di lereng yo pandakian
Ondeh upiak, manga jo kau dek tagak di situ
Ndeh sajak cako, sajak cako kau den nantikan

A jo lai nan kau manuangkan
A jo lai nan kau pikiakan
Sagoni pitih den asiangkan
Apo kandak kau den balikan

Urang Sanjai, Rang Sanjai manjua karupuak
Lah takato sampai ka ujuang nagari
Ondeh anti lamak, hati lah cubo mamujuak
Kanalah untuang, kanalah untuang badan diri

Kok manutua si rumpun salak
Jan kanai si bungo paik
Elok ambua-i lah sayak
Patungkek sajo lah panjaik

Rami lah Pasa Bukiktinggi
Rami manjalang pukua limo
Orok sopan denai abihi
Talarang bana di agamo

Maco banamo maco aji
Dimakan jo samba lado
Kok yo lai mandanga kaji
Sarawa sampik abihi pulo

(Ciptaan Zulkarnaen, Dipopulerkan oleh Melati dan Zulkarnaen)
©ourtesy of https://laguminanglamo.wordpress.com/

Bagurau

Yo nan lah lamo (hai hai) indak ka rimbo
Batambah tunggang (hai hai) lah pandakian
Yo nan lah lamo oi tuan indak lah basuo
Barubah kolak ei tuan yo pamandangan

Batambah tunggang (hai hai) lah pandakian
Diruntuah hujan (hai hai) lah tangah hari
Patuik barubah ondeh diak oi lah pamandangan
Lah manarik bana ondeh diak oi lah denai kini

Anak lah urang (hai hai) di Koto Tuo
Ka balai sadang (hai hai) lah tangah hari
Indak lah salah ei tuan pandangan mato
Lah batambah gapuak ei tuan denai pandangi

Lapeh nan dari (hai hai) Tanjuang Ampalu
Tagak di lereng (hai hai) lah pandakian
Indak lah patuik ondeh diak kanduang bak itu
Lah nyato sansai ondeh diak oi lah badangakan (jan berang da)

Baranti oto (hai hai) di Sarilamak
Handak manjalang (hai hai) di Tanjuang Pati
Awak bagurau ei tuan lah samo awak
Tasingguang jo galak ei tuan yo dihabisi

(Ciptaan Zulkarnaen, Dipopulerkan oleh Melati dan Zulkarnaen)
©ourtesy of https://laguminanglamo.wordpress.com/

Insan Salendang Dunia

Tungku nan tigo yo sajarangan
Kato lah adaik limbago Minang
Yo alua patuik jo anggo tanggo – 2x
Nan katigonyo, nan katigonyo raso pareso

Kato kanangan nan Bapak Hatta
Tinggi dilambuik sinan nyo runtuah
Tinggi disanjuang sinan nyo patah – 2x
Nan cadiak juo, nan cadiak juo nan acok kanai

Reff:

Pikia lah pikia palito hati …
Nan kiro-kiro padannyo janji
Hiduik bajaso batungkek budi
Itulah insan salendang dunia

Raso tumbuah di dalam dado
Pareso tumbuah yo di kapalo
Arih sairiang jo bijaksano
Satu lah kato saribu guno

Oi nan bana kato saiyo
Yo nan rajo kato sapakaik
Adaik basandi nan jo agamo
Sado karajo mako salamaik

(Ciptaan (?), Dipopulerkan oleh (?), Festival Lagu Minang 80an)
©ourtesy of https://laguminanglamo.wordpress.com/

Taragak jo Kampuang

Lah batahun denai di rantau
Kau nan ketek kini lah gadang pulo
Taruih tabayang-bayang Marapi jo Singgalang
Antah bilo masonyo den ka pulang …

Dima duduak sinan tamanuang
Sabana taragak denai jo kampuang
Ondeh raso ka putuih talintak tali jantuang
Mandanga sayuik suaro bunyi saluang …

Den takana maso ketek-ketek dulu
Di kampuang halaman banyak kawan den sapamainan …
Siang pai sikola, bamain basuko-suko
Malam ka surau mangaji basamo

Kiniko kau lah den tinggakan
Kampuang halaman nan sangaik den cinto
Dek ulah untuang juo, jadi bapisah kito
Mungkin alah suratan Nan Kuaso …

Tapi bialah nak den cubo
Iduik di rantau urang bausaho …
Karajo basungguah hati, kok lah dapek nan dicari
Den pulang mambangun kampuang jo nagari …

Den takana maso ketek-ketek dulu
Ka pai mandi ka tapian, kami bakaja-kajaran …
Dek malang nan ka tibo, parian si Siti tacuekkan
Ondeh mak satangah mati berangnyo

Den takana maso ketek-ketek dulu
Ka pai mandi ka tapian, kami bakaja-kajaran …
Dek malang nan ka tibo, parian si Siti tacuekkan
Ondeh mak satangah mati berangnyo

(Ciptaan Zulkarnaen, Dipopulerkan oleh Zulkarnaen)
©ourtesy of https://laguminanglamo.wordpress.com/

Den Sangko

Yo nan di urang sibuli-buli – 2x
Hai nan jan nyo den lah boto bana – 2x
Di urang sayang hai ka pauji
Hai nan jan nyo den lah iyo bana
Di urang sayang hai ka pauji
Hai nan jan nyo den lah iyo bana

Reff:

Bukik lah tinggi tanahnyo tinggi – 2x
Ngarainyo dalam, kalo bakalo – 2x
Mangkonyo denai tagak mauji
Sayang kanduang baparo-paro
Mangkonyo denai tagak mauji
Sayang kanduang baparo-paro

Den sangko kariang hai tabuang minyak – 2x
Kapuran kambang hai jo saoknyo – 2x
Den sangko gariang hai ikan jinak
Buayo gadang hai mah kironyo
Den sangko gariang hai ikan jinak
Buayo gadang hai mah kironyo

(Ciptaan Zulkarnaen, Dipopulerkan oleh Melati dan Zulkarnaen)
©ourtesy of https://laguminanglamo.wordpress.com/

Ganto Padati

Iyo iyo lah iyo iyo
Iyokan pulo lah si bangiyo

Hari nan sadang manjalang parak siang
Antaronyo pukua ampek pukua limo
Lalok sanang antaro talayang-layang
Di talingo raso bunyi nyariang ganto

Danguah dagah padati nan baru tibo
Ibo hati mandangakan bunyi ganto
Bunyi ganto bairiang jo enggak kabau
Raso bunyi urang jauah nan maimbau

Reff:

Antah ganto baparindu bapakasiah
Antah jihin antah mambang malapari
Dibaok lalok mato tak namuah lai
Dibaok duduak hati kian tagisia

Sajak mandangakan nyo si bunyi ganto
Haram saketek tak sanang paratian
Takana lai takatokan nyo tido
Bak si bisu tagana jo barasian

(Ciptaan Zulkarnaen, Dipopulerkan oleh Zulkarnaen)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 224 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 4,151,779 orang

Follow

Get every new post delivered to your Inbox.

Join 224 other followers

%d bloggers like this: