Archive for the 'Klasik' Category

Klasik Andam Oi

Nan indaruang ditangah padang yo andam oi
Ditutuah jatuah nan sadahan – 2x
Nan balinduang di kayu gadang yo andam oi
Tahinda paneh nan jo hujan – 2x

Andam oi andam, andam oi andam
Andam oi andam, oi andam oi …

Nan palambah pai mambidiak yo andam oi
Kanai lah anak katitiran – 2x
Payokumbuah sumarak naiak yo andam oi
Batuah kampuang jo hilaman – 2x

Andam oi andam, andam oi andam
Andam oi andam, oi andam oi …

Anggang tabang lai bamangkuto yo andam oi
Rajo bajalan badaulaik – 2x
Sarik pahamnyo lai kato-kato yo andam oi
Tiok kato lai baalamaik – 2x

Andam oi andam, andam oi andam
Andam oi andam, oi andam oi …

Nan manuruik sapanjang alua yo andam oi
Manampuah lai sapanjang jalan – 2x
Aka lah langkah nan ka talanjua yo andam oi
Jan kudian jadi sasalan – 2x

Andam oi andam, andam oi andam
Andam oi andam, oi andam oi …

(Klasik Minang, Dipopulerkan oleh Fetty)
©ourtesy of https://laguminanglamo.wordpress.com/

Lah Talambek Bangkek Jadinyo

Ondeh … lah talambek bangkik jadinyo
Lah talambek bangkik jadinyo …

Rami urang di Batu Taba lai sanak oi
Rami dek urang pai mandi lai sanak oi
Rami dek urang pai mandi …
Nan dek ulah kaja bakaja lai sanak oi
Bareh diganggam jadi padi ndeh sanak oi
Bareh diganggam jadi padi …

Ondeh … lah talambek bangkik jadinyo
Lah talambek bangkik jadinyo …

Luruih lah jalan Marapalam
Urang sairiang duo-duo
Kok nak jan lapuak yo mamak batang tarandam
Budayo Minang yo mamak cintoi juo, ei ..
Kok nak jan lapuak yo mamak batang tarandam
Budayo Minang yo mamak cintoi juo …

Ondeh … lah talambek bangkik jadinyo
Lah talambek bangkik jadinyo …

Hanyuik luruih lah batang sagu yo sanak oi
Hanyuik babaliak ka muaro yo sanak oi
Hanyuik babaliak ka muaro …
Nan dek ulah rabuik barabuik yo sanak oi
Putiah manjadi hitam rono lai sanak oi
Putiah manjadi hitam rono …

Ondeh … lah talambek bangkik jadinyo
Lah talambek bangkik jadinyo …

Urang mamukek ikan putiah
Duo jo ikan mego-mego
Asa kan dapek yo mamak si kain putiah
Labiah pangguntiang yo mamak nan jadi juo, ei ..
Asa kan dapek yo mamak si kain putiah
Labiah pangguntiang yo mamak nan jadi juo …

Ondeh … lah talambek bangkik jadinyo
Lah talambek bangkik jadinyo …

Hanyuik luruih lah batang sagu yo sanak oi
Hanyuik babaliak ka muaro yo sanak oi
Hanyuik babaliak ka muaro …
Nan dek ulah rabuik barabuik yo sanak oi
Putiah manjadi hitam rono lai sanak oi
Putiah manjadi hitam rono …

Ondeh … lah talambek bangkik jadinyo
Lah talambek bangkik jadinyo …

Rami galanggang rang basilek
Iyo di Ranah Parambahan
Putiah lah kapeh yo mamak dapek diliek
Putiah lah hati yo mamak tolong caliakkan, ei ..
Putiah lah kapeh yo mamak dapek diliek
Putiah lah hati yo mamak tolong caliakkan …

Ondeh … lah talambek bangkik jadinyo
Lah talambek bangkik jadinyo …

Rami urang di Batu Taba lai sanak oi
Rami dek urang pai mandi lai sanak oi
Rami dek urang pai mandi …
Nan dek ulah kaja bakaja lai sanak oi
Bareh diganggam jadi padi ndeh sanak oi
Bareh diganggam jadi padi …

Ondeh … lah talambek bangkik jadinyo
Lah talambek bangkik jadinyo …

Urang Tarandam pai ka pakan
Tibo di pakan bali lado
Batang tarandam yo mamak tolong bangkikkan
Buliah sumarak yo mamak lai Ranah Bundo, ei ..
Batang tarandam yo mamak tolong bangkikkan
Buliah sumarak yo mamak lai Ranah Bundo …

Ondeh … lah talambek bangkik jadinyo
Lah talambek bangkik jadinyo … – 3x

(Klasik Minang, Dipopulerkan oleh Fetty dan Asben)
©ourtesy of https://laguminanglamo.wordpress.com/

Dendang Pauah Saluang Pakuak Limo

Hei … badendang anak Rang Andaleh …
Iriangan saluang pakuak limo
Disangko tapuak lai babaleh
Ambo dirintang angin sarugo … hai …

Hei … Urang Ampang pai ka balai …
Mambali cita di pagi hari
Kasiah jo sayang indak ka sampai
Adiak nan condong ka nan lain …

Gadang lah aia Batang Kuranji
Ilianyo lapeh nak ka Muaro
Buruang di tangan lah tabang tinggi
Tinggalah ambo (ondeh diak kanduang) malapeh hao
Buruang di tangan lah tabang tinggi
Tinggalah ambo (ondeh diak kanduang) malapeh hao

Lai den tabang batang kadondong
Dahan manjulai yo di tapian
Kapado adiak kasiah tadorong
Manga lah kini (ondeh lah kanduang) adiak rangguikkan
Kapado adiak kasiah tadorong
Manga lah kini (ondeh lah kanduang) adiak rangguikkan

Hei … janiah lah aia Lubuak Minturun …
Balimau urang ka puaso
Tabayang adiak dalam kalumun
Jatuah ka banta aia mato … hai …

Panjang jambatan Lubuak Buayo
Basimpang jalan ka Tanah Hitam
Ondeh diak kanduang tangguang lah doso
Sudah baangguak (ondeh lah kanduang) adiak geleangkan
Ondeh diak kanduang tangguang lah doso
Sudah baangguak (ondeh lah kanduang) adiak geleangkan

Simpang Haru jalan ka Indaruang
Singgah dahulu di Tanjuang Saba
Di dalam lagu dendang jo saluang
Ambo kirimkan (ondeh lah kanduang) salam jo doa
Di dalam lagu dendang jo saluang
Ambo kirimkan (ondeh lah kanduang) salam jo doa

(Ciptaan (?), Dipopulerkan oleh Rustam Raschani)
©ourtesy of https://laguminanglamo.wordpress.com/

Singgalang Jaya

Nan Singgalang tadanga runtuah
Urang babaliak sahinggo jalan – 2x
Dimalah hati indak ka rusuah
Mandeh mati bapak bajalan – 2x

Reff:

Singgalang jaya … namo lagunyo …
Singgalang jaya … ambo dendangkan …

Nan Singgalang gunuangnyo lereang
Tampak nan dari pandakian – 2x
Awak surang tungga babeleang
Kamalah badan ka ditompangkan – 2x

Singgalang jaya … namo lagunyo …
Singgalang jaya … ambo dendangkan …

Alang jo bondo mancari makan
Mancari makan di tangah hari – 2x
Ayah jo bundo tolong doakan
Bia salamaik hiduik di dunia – 2x

(Ciptaan (?), Dipopulerkan oleh Asben)
©ourtesy of https://laguminanglamo.wordpress.com/

Rakena

Rumah Gadang di Bukiktinggi
Nan di lamannyo tatagak lumbuang (ohoi)
Alah tasabuik sajak dulunyo
Yo badatak bana di dalam hati
Taraso niaik indak ka lansuang (ohoi)
Tagak dek adiak nan kareh juo

Jikok lah indak yo rakena karano murai
Indak lah bondo yo rakena mambuek sarang (oi)
Kok indak uda nan dulunyo yo nan mamulai
Indak lah denai ondeh uda ka mabuak surang

Di Maninjau jalan bakelok
Jaleh tampaknyo Nagari Bayua (ohoi)
Taruihkan jalan ka Lubuak Sao
Asa baniaik yo ka nan elok
Di dalam hujan cubolah jamua (ohoi)
Baju nan basah ka kariang juo

Usahlah denai yo rakena diagiah baju
Baju nan lamo yo rakena tak tasaruangkan (oi)
Usahlah denai ondeh uda diagiah malu
Malu nan lamo ondeh uda tak tatangguangkan (oi)

Unggeh lah paku yo rakena tabang ka paku
Tibo di paku yo rakena lah tabang pulo (oi)
Jikok katuju yo rakena samo katuju
Lamo jo lambek yo rakena ka jadi juo (oi)

(Ciptaan (?), Dipopulerkan oleh Herry Tanjung dan Renima)

versi lama oleh Santi Nuskan, klik di sini

Saluang Talago Biru

Janiah aianyo diak talago biru tam
Tampek nak mudo lah tuan lai lah mandi-mandi – 2x
Tolong sampaikan
Alang lah sarik diak manangguang rindu tam
Manangguang seso lah tuan lai lah dalam hati – 2x
Tolong sampaikan

Oi nan lah masak mak padi sipuluik diak
Jatuah badarai lah randah hai lah ka ureknyo – 2x
Tolong sampaikan
Kasiah lah lamo diak oi sangkuik pauik tam
Di tuan dima lah tuan hai lah talataknyo – 2x
Tolong sampaikan

Urang lah Guguak tam pai ka pakan tam
Pai ka pakan lah mamak lai lah Bukiktinggi – 2x
Tolong sampaikan
Tampuak lah suko diak hai mambarikan tam
Cilako rantiang lah tuan hai lah manahani – 2x
Tolong sampaikan

Lah manggaloro mak aia di lauik tam
Runtuah lah pantai lah randah hai lah dihampehnyo – 2x
Tolong sampaikan
Malang cilako diak rantiang manyungkuik tam
Bungo ka lareh lah tuan hei lah dihambeknyo – 2x
Tolong sampaikan

Lah nan manurun diak jalan di Benteang tam
Lah nan tatumbuak lah tuan ka Kampuang Cino – 2x
Tolong sampaikan
Lah nan manangih diak sangkak dijenjeang tam
Buruang lah suruik lah tuan lai lah ka nan punyo – 2x
Tolong sampaikan

(Ciptaan (?), Dipopulerkan oleh Ajis Sutan Sati)
©ourtesy of https://laguminanglamo.wordpress.com/

Banda Sapuluah

Darah di dado lah tasirok
Angok nan sayuik-sayuik sampai
Raso ka putuih tali nyao …
Tasintak denai dalam lalok
Nan tahampeh tangan ka lantai
Nan bak raso jo kanduang juo mak …

Hari sanjo di Padang Gaduik mak
Di sinan urang pai baburu
Manangih denai dalam salimuik
Sia lah urang mungkin tau mak …

Hari sanjo di Pasa Ibuah
Pulang mambaok pisang kalek
Kok ndak tau jo hati rusuah
Jujuanglah kayu ndak bakabek ndeh …

Sawah gadang di tapi labuah
Elok masak candonyo padi
Basamo-samo kito sabik …
Di denai lai nan marusuah
Dari sahari ka sahari
Taraso badan batambah sakik mak …

Nan Sitajuak parang jo Lundi mak
Nan Lamiang di Tanah Baso
Nan den sangko sayang keh kami
Kasiah ka urang moh kironyo da …

Nan ka parak ka Tanah Data
Nan bajalan baduo-duo
Nan kok indak katokan indak
Padonyo muluik tadorong sajo da …

(Disadur dari Saluang Klasik, Dipopulerkan oleh Efrinon)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 261 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,319,522 orang

%d bloggers like this: