Archive for the 'Kontemporer' Category

Launching Badendang Apps

Memperingati 8 tahun Lirik Lagu Minang Lamo, kami meluncurkan Aplikasi Android badendang™ .

Download Aplikasi Android badendang™ dan temukan lebih dari 880 Lirik lagu lama dengan 500-an diiantaranya telah dilengkapi Streaming Audio.

Nikmati juga koleksi lebih dari 4.700 Streaming Audio yang sebahagian besar ada liriknya.

Jangan khawatir akan quota paket data karena aplikasi ini sangat hemat paket data.

Download Badendang Apps

Aplikasi badendang™ tersedia di Google Playstore mulai 1 July 2015.

Download pada Logo di-atas atau pada link di bawah ini:

https://play.google.com/store/apps/details?id=com.fadz.badendang

Haha Hihi

Hujen ghintiak-ghintiak
Lauak masiak dalam talago
Pacah paghang nagaghi bakiak
Ughang pulang batimpo-timpo

Hujen ghintiak-ghintiak
Lauak masiak dalam talago
Pacah paghang nagaghi bakiak
Ughang pulang batimpo-timpo

Cadiak paliang cadiak kancia di dalam ghimbo
Kalah balaghi batunang jo syipuik di tapi aia
Caliak hei mancaliak, caliak bak nyato-nyato
Usah mangecek kalamak, kalamak indak bapikia

Duduak malam-malam yang simben bak ado kopi
Limpiang sagu angek-angek kok ado labiah bak kanai
Dek aghok baghagom, baghagom lah hilang gaji
Haha hihi haha hihi, haha hihi haha hihi …

[kembali ke atas]

(Ciptaan Rafly, Dipopulerkan oleh Rafly, Lagu berbahasa Minang dialek Aneuk Jamee, dari Aceh Selatan)
©ourtesy of https://laguminanglamo.wordpress.com/

Tari Dendang jo Tari

Mari kito ka ladang
Ka ladang ambiak kamiri
Mari kito badendang
Badendang sambia manari

Babiduak ka Pulau Pandan
Baranang yo ka subarang
Lenggang lenggokkan badan
Sairiang jo bunyi gandang

Marilah kito malah manari basamo
Sambia badendang basuko hati
Tuo jo mudo tagak manari basamo
Hilangkan rusuah yo di dalam hati

Ka pulau kito ka pulau
Ka pulau manjariang udang
Bagurau mari bagurau
Bagurau jo hati sanang

Rang mudo di Koto Gadang
Nak pai ka Bukiktinggi
Manari sambia badendang
Hilangkan rusuah di hati

Marilah kito malah manari basamo
Sambia badendang basuko hati
Tuo jo mudo tagak manari basamo
Hilangkan rusuah yo di dalam hati

(Ciptaan/Aransemen Yusaf Rahman, Lagu Pengiring Tari)
©ourtesy of https://laguminanglamo.wordpress.com/

Tari Patenggangkan

Aliah arahnyo yo lah ka parahu
Lah karang sajo yo nan di haluannyo
Kasiah bakisa kami ndak tahu
Lah ranggang sajo, ondeh yo …, ondeh kasudahannyo
Kasiah bakisa kami ndak tahu
Lah ranggang sajo, ondeh yo …, ondeh kasudahannyo …

Patenggangkan yo lah yo patenggangkan …
Patenggangkan yo lah yo patenggangkan …

Dek rami langgundi di tapi tabek
Tibo di banda curah bacurahkan
Dek kami janji bapacik arek
Tibo di uda, cayah iyo …, ondeh bacayahkan …
Dek kami janji bapacik arek
Tibo di uda, cayah iyo …, ondeh bacayahkan …

Patenggangkan yo lah yo patenggangkan …
Patenggangkan yo lah yo patenggangkan …

Basilang jari yo tanti batanti
Ubah ka jadi yo parantang kain
Babilang hari kami mananti
Uda bajadi, ondeh iyo …, ondeh jo urang lain
Babilang hari kami mananti
Uda bajadi, ondeh iyo …, ondeh jo urang lain

Patenggangkan yo lah yo patenggangkan …
Patenggangkan yo lah yo patenggangkan …

(Ciptaan/Aransemen Yusaf Rahman, Lagu Pengiring Tari)
©ourtesy of https://laguminanglamo.wordpress.com/

Mari Kito Manari

Usah ditanam si dalu-dalu
Jikok ka patah si dahan jati
Usah dikana maso nan lalu
Kok nyo ka marasah yo di dalam hati
Usah dikana maso nan lalu
Kok nyo ka marasah yo di dalam hati

Randam palakaik di sanjo hari
Nak jan nyo lapuak jadikan amban
Dandam kasumaik kito hindari
Nak jan nyo jauah kawan, handai jo tolan
Dandam kasumaik kito hindari
Nak jan nyo jauah kawan, handai jo tolan

Mari yo kito manari
Lenggang malenggok ayunkan langkah
Iriang sairiang jo bunyi gandang
Rantak sarantak jo tapuak tangan

Tanjuang Pati yo di Payokumbuah
Bareh sipuluik tanak ka katan
Dalam hati yo lah samo namuah
Barek nyo muluik katokan mangatokan
Dalam hati yo lah samo namuah
Barek nyo muluik katokan mangatokan

Indak diuleh yo banang suto
Suto tarantang di bawah pundi
Indak di ameh basarang cinto
Cinto basarang di indahnyo budi
Indak di ameh basarang cinto
Cinto basarang di indahnyo budi

Mari yo kito manari
Lenggang malenggok ayunkan langkah
Iriang sairiang jo bunyi gandang
Rantak sarantak jo tapuak tangan

(Ciptaan/Aransemen Yusaf Rahman, Lagu Pengiring Tari)
©ourtesy of https://laguminanglamo.wordpress.com/

Lambah Harau

Lambah Harau yo si Lambah Harau
Sumarak alam yo sajak dulunyo
Eten di Luhak si Limopuluah
Luhak Nan Bungsu yo urang namokan

Lambah Harau yo si Lambah Harau
Dilingkuang bukik yo bukik batu
Aia mancua malereng bukik
Manyibak ambun yo suok jo kida

Reff:

Tadanga sayuik bunyi tingkah yo talempong pacik
Disalo sauik pupuik si batang padi
Di sinan nan mudo rindu malapeh rindu
Basijontiak pantun yo babaleh pantun
Nan tuo angah yo tampek malapeh angah
Rintang parintang gaduah yo gaduah di hati

Lambah Harau yo si Lambah Harau
Sumarak alam yo sajak dulunyo
Eten di Luhak si Limopuluah
Luhak Nan Bungsu yo urang namokan

(Ciptaan/Aransemen Yusaf Rahman, Lagu Pengiring Tari)
©ourtesy of https://laguminanglamo.wordpress.com/

Gamad Joged Bahoyak

Panek lah pandan manjulai sajo
Angku kadi basaruang kain
Panek lah badan manggemai sajo
Uda bajadi jo urang lain
Panek lah badan manggemai sajo
Uda bajadi jo urang lain

Lala lala lalala …, lala lala lala lalala …
Lala lala lalala …, lala lala lala lalala …

Ujan lah labek langik bakabuik
Anak lah gagak babondong lalo
Urang baralek awak mancagun
Awak baragah urang lah dulu
Urang baralek awak mancagun
Awak baragah urang lah dulu

Lala lala lalala …, lala lala lala lalala …
Lala lala lalala …, lala lala lala lalala …

Bungo lah padi layua daunnyo
Pipik bamain nan dirantiangnyo
Cinto di hati urang nan punyo
Cari nan lain kagantinyo
Cinto di hati urang nan punyo
Cari nan lain kagantinyo

Lala lala lalala …, lala lala lala lalala …
Lala lala lalala …, lala lala lala lalala …

[narasi penutup]

Api padam puntuang lah hanyuik
Asok mandulang ka udaro
Alek habih urang lah pulang
Disambuang pulo nan ka tibo

(Ciptaan (?), Baralek Gadang 1988, Dipopulerkan oleh Elly Kasim dan Yus Dt. Parpatiah dkk)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 259 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,018,994 orang

%d bloggers like this: