Archive for the 'Pop 50’an' Category

Atiak Denai

Anak gagak yo atiak denai, yo atiak denai tabang ka benteang
Tibo di benteang yo atiak denai, yo atiak denai, mamakan padi
Awak rancak yo atiak denai, yo atiak denai, kupiah teleang
Diliek saku yo atiak denai, yo atiak denai, indak barisi

Indak barisi …
Indak barisi …

Anak koncek yo atiak denai, yo atiak denai di ateh padi
Taruih malompek yo atiak denai, yo atiak denai ateh pamatang
Awak ketek yo atiak denai, yo atiak denai makin manjadi …
Yo kok disapo yo atiak denai, yo atiak denai karengkang adang

Indak barisi …
Indak barisi …

(Ciptaan (?), Dipopulerkan oleh Oslan Husein, Orkes Gumarang)
©ourtesy of https://laguminanglamo.wordpress.com/

Lah Lamo

[Versi Oslan Husein]

Yoo lah lamo …

Yoo lah lamo, yoo lah lamo
Lah lamo indak basuo
Yoo lah lamo …
Tasirok darah di dado

Lah lamo indak ka koto
Ka koto ka Ampek Angkek
Lah lamo tak basuo
Cubolah agiah rokok den ciek

Reff:

Yoo lah lamo …

Dulu barambuik singkek
Kini bajalin duo
Dulu bajanji arek
Kini haram manyapo
Dulu bajanji arek
Si Upiak kini haram manyapo

Yoo lah lamo …

Yoo lah lamo, yoo lah lamo
Lah lamo indak basuo
Yoo lah lamo …
Tasirok darah di dado

Lah lamo indak ka koto
Ka koto ka Ampek Angkek
Lah lamo tak basuo
Jikok basuo usah maupek

Yoo lah lamo …
Yoo lah lamo …
Yoo lah lamo …

Versi Baru

Cando Ko Bana

Ilia pasisia Pariaman
Taruih ka hulu naiak bendi – 2x
Adiak kanduang kama kok garan
Lah panek badan dek mancari – 2x

Iyo iyo …
Ondeh … cando ko bana – 2x

Ondeh … cando ko bana – 2x

Adiak kanduang sibiran tulang
Ubek jariah lah palarai damam – 2x
Sajak adiak tinggakan sorang
Hancua lah badan makan ka dalam

Iyo iyo …
Ondeh … cando ko bana – 3x

(Ciptaan (?), Dipopulerkan oleh Oslan Husein)
©ourtesy of https://laguminanglamo.wordpress.com/

Cando Nantun

[Versi Lama]

Yoo cando nantun
Yoo cando nantun

Pandanglah ranah sarato kampuang halaman
Jalan baliku ka tapian tampek mandi
Lieklah ombak mangaja di hari patang
Ditingkah suliang si saluang anak gambalo

Yoo cando nantun
Yoo cando nantun

Buruang pipik tabang ka Singgalang, tuan
Tabang batenggek nan di ateh niro
Jikok duduak usahlah bamanuang, tuan
Urang pamanuang hati paibo

Yoo cando nantun
Yoo cando nantun

[kembali ke atas]

[Versi Baru]

Pandanglah ranah sarato kampuang halaman
Jalan baliku ka tapian tampek mandi
Lieklah ombak mamacah di hari patang
Ditimpo suliang jo saluang anak gumbalo

Yoo cando nantun
Yoo cando nantun

Buruang pipik tabang nan ka gunuang, sayang
Hinggok batenggek nan di ateh niro
Jikok duduak usahlah bamanuang, tuan
Urang pamanuang hati paibo

Yoo cando nantun
Yoo cando nantun

[kembali ke atas]

(Ciptaan (?), Dipopulerkan oleh Oslan Husein)
©ourtesy of https://laguminanglamo.wordpress.com/

Gadih Tarana

[Versi Nurseha]

Lah tadanga …
Lah tadanga ganto padati nan dari tanjuang
Bangek lah turun, bangek lah turun
Gadih nan di anjuang, gadih tarana …

Alah tagerai …
Tagerai cando rambuik nan panjang
Manantikan bujang di laman rumah gadang
Manantikan bujang di laman rumah gadang

Duduak bacamin …
Duduak bacamin mamandang rupo, gadih tarana …
Bakilek cando intan baiduri pamenan jari, gadih tarana …

Alah tagerai …
Tagerai cando rambuik nan panjang
Manantikan bujang di laman rumah gadang
Manantikan bujang di laman rumah gadang

Versi Oslan Husein klik di sini

Marenai

Marenai kito basamo
Manari tari pusako
Dijinggan batu nan duo
Yo baitu dek urang mudo

Nak urang Koto Marapak
Basuntiang bungo durian
Nak dagang kumari tampak
Maetong untuang jo bagian

Reff:

Cincin banamo si ganti sori
Sasuai sajo nan di kalingkiang
Hilang kamano ka denai cari
Lautan sajo nan bakuliliang

Marenai kito basamo
Manari tari pusako
Dijinggan batu nan duo
Yo baitu dek urang mudo

(Ciptaan (?), Dipopulerkan oleh Oslan Husein)
©ourtesy of https://laguminanglamo.wordpress.com/

Hati Nan Rusuah

Badabua bunyi si ombak Puruih
Tadanga di Ulak Karang
Badabua bunyi si ombak Puruih
Tadanga di Ulak Karang

Disiko badan mangkonyo kuruih
Awak baduo lah tingga surang
Disiko badan mangkonyo kuruih
Awak baduo lah tingga surang

Yoo jan paturuikkan, hati nan rusuah
Yoo jan paturuikkan, hati nan rusuah

Kok adiak mandi denai manyauak
Buliah nak samo babasah-basah
Kok adiak mandi denai manyauak
Buliah nak samo babasah-basah

Kok adiak mati denai manamuah
Buliah nak samo bakalang tanah
Kok adiak mati denai manamuah
Buliah nak samo bakalang tanah

Yoo jan paturuikkan, hati nan rusuah
Yoo jan paturuikkan, hati nan rusuah

(Ciptaan (?), Dipopulerkan oleh Oslan Husein)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 262 other followers

badendang™

Dari Masa ke Masa


Pengunjung Terbaru

Ahadi on Laruik di Rantau
Hendrik on Kampuang Nan Jauah di Mato
nure on Badindin
nure on Badindin
saidi faiz on Pulang Marantau
hatta on Ayam den Lapeh
updateku on Lompong Sagu
ZUL on Kaparinyo

Lokasi Pengunjung

MARAWA

Dikunjungi

  • 6,590,262 orang

%d bloggers like this: