Posts Tagged 'Anas Yusuf'

Takana di Bukiktinggi

Denai takana di Bukiktinggi
Maso banyanyi kito badendang
Yo maikek janji cinto kito baduo

Denai takana jo Bukiktinggi
Gunuang Marapi, Gunuang Singgalang
Jo Ngarai Sianok manjadi saksi cinto

Reff:

Rancak candonyo malam kok tibo
Nampak Jam Gadang babatang rabuang

Pandang dek uda bulan nan tarang
Sapantun batu di malam hari
Dima lah bulan jauah lah bintang
Kami baduo mamadu janji

(Ciptaan (?), Dipopulerkan oleh Elly Kasim dan Anas Yusuf)
©ourtesy of https://laguminanglamo.wordpress.com/

Advertisements

Nasib Sawahlunto

[Versi Gumarang]

Dari tapian ka Sawahlunto (kanduang)
Sawahlunto bukik barantai
Parasaian badan, parasaian badan sarupo iko
Sarupo iko … (kanduang) – 2x
Baitu lah dagang nan sansai – 2x

Balari lari bukannyo kijang (kanduang)
Pandan tasanda di tapian
Kami yo lah banyanyi, kami yo banyanyi bukannyo girang
Bukannyo riang … (kanduang) – 2x
Badan takana untuang jo bagian – 2x

Kubang Sirakuak ba Kayu Aro (kanduang)
Tanam lado di tapi ngarai
Untuang badan kami, untuang badan kami sarupo iko
Sarupo iko … (kanduang) – 2x
Baitu lah dagang nan sansai – 3x

Versi Anas Yusuf

Denai Sansai

Jikok den kaka, si daun paku …
Jatuah lah badarai, sibungo lado …
Yo lah sansai yo badan oi -2x

Jikok den kana maso dahulu …
Jatuah lah badarai, si aia mato …
Yo lah sansai yo badan oi -2x

Makan cubadak, baulam manggih …
Manggih dimakan dalam parahu …
Yo lah sansai yo badan oi -2x

Di lua galak di dalam tangih …
Indak ka ado, urang nan tau …
Yo lah sansai yo badan oi -2x

(Ciptaan Sofyan Naan, Dipopulerkan oleh Anas Yusuf – Orkes Gumarang, Sumbangan lirik oleh Lies Marlysa Ramali)
©ourtesy of https://laguminanglamo.wordpress.com/

Tarak Tacin

Tarak tacin tarak tacin
Ta tarak tacin tarak tacin

Tak tontong bunyi tak tontong
Tadanga urang maimbau
Laki-laki banyak nan pesong
Rambuik panjang cando sibigau

Tak tuntang lah bakatuntang
Asa lamak sadonyo jadi
Padusi banyak nan dalang
Bulu mato nyo cukua habih

Reff:

Lah basobok pasiak jo gilo
Pulang pokok yo kaduonyo
Kok lagaknyo co urang gilo (hei)
Kok cadiaknyo tagiah gilo pado kayo

Tak tontong yo tarak tacin
Di lapeh anak ka Batawi
Tunggang tunggik nyo basitungkin
Kironyo pulang mambaok bini

(Ciptaan (?), Dipopulerkan oleh Elly Kasim dan Anas Yusuf)
©ourtesy of https://laguminanglamo.wordpress.com/

Sabaleh Musim

Sabaleh tahun denai ndak pulang
Sabaleh musim kampuang den tingga
Kisah nan lamo baliak mambayang
Kasiah nan tingga antah lah baa

Lah den ranangi lauik nan rimbo
Lah den silami si lubuak hati
Sinan den dapek baniah bacinto
Batu parmato cinto nan suci

Ujuang jari jo ganggaman
Mambaok pasan hati bakato
Pandangan mato nan manyampaikan
Jatuah ka adiak cinto partamo

Kini den pulang baliak baduo
Bukan sangajo mamutuih cinto
Ayam nan lapeh tabang ka rimbo
Adiak lah sanang di tangan urang – 2x

(Ciptaan Anas Yusuf, Dipopulerkan oleh Anas Yusuf)
©ourtesy of https://laguminanglamo.wordpress.com/

Mamandam Raso

Diwaktu sanjo hari
Mulai tabanam matohari
Duduaklah tamanuang surang diri
Mamandang awan bararak patang hari
Sadang mangana pautan hati

Kok hari mulai malam
Matohari alah tabanam
Sunyi lah taraso surang diri
Takana kasih hati jauah dimato
Kini denai lah mamandam raso

(Ciptaan Anas Joesoef, Dipopulerkan oleh Inggrid Michelle, Sumbangan lirik oleh Azhari Boerhan)
©ourtesy of https://laguminanglamo.wordpress.com/

Takana Adiak

Lah jauah urek malato
Padi indak manjadi lalang
Sungguah jauah adiak dimato
Namun dihati ndak kunjuang hilang

Takana adiak nan surang
Janji lamo indak ka hilang
Takana adiak nan surang
Janji lamo indak ka hilang

Simangko buah sampelo
Nagosari disangko daun
Jan dikato bacarai lamo
Nan sahari raso satahun

Takana adiak nan lamo
Pipi baurai jo aia mato
Takana adiak nan lamo
Pipi baurai jo aia mato

Kaladi didalam kuah
Nan cubadak banyak gatahnyo
Buah hati adiak nan surang
Indak taniaik baduo tigo

Takana adiak nan manih
Pipi galak hati manangih
Takana adiak nan manih
Pipi galak hati manangih

(Ciptaan Januar Arifin, Dipopulerkan oleh Anas Yusuf – Orkes Gumarang dan Nuskan Syarief) 
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 271 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 7,385,520 orang

%d bloggers like this: