Posts Tagged 'Andi Mulya'

Mahligai Cinto

Dari samulo … lah den katokan …
Tapi adiak … ondeh … nan kareh juo …
Kok putuih cinto di tangah jalan …
Mambuek rindu … sapanjang maso …

Oi adiak … ndak tau …, hati den kini …
Yo … bak kaco tajatuah ka batu
Kok adiak … lah dapek …, ka pangganti … diri …
Jan lupokan kisah nan dulu …

Siang … di hari sadang kiniko …
Tibo surek ondeh nan diak kirimkan …
Indak den … sangko ka bak nangko …
Mahligai cinto adiak runtuahkan …

Oi adiak … ndak tau …, hati den kini …
Yo … bak kaco tajatuah ka batu
Kok adiak … lah dapek …, ka pangganti … diri …
Jan lupokan kisah nan dulu …

Kok adiak … lah dapek …, ka pangganti … diri …
Jan lupokan kisah nan dulu …

(Ciptaan Masroel Mamudja, Dipopulerkan oleh Andi Mulya)
©ourtesy of https://laguminanglamo.wordpress.com/

Saujuang Kuku

Ayah … kanduang ei pulang yah
Lieklah kami manyabuang nyao
Denai jo mandeh bacucua paluah
Harato tido bando pun tido

Reff:

Saujuang kuku alun lah tau
Bantuak jo rupo ayah nan kanduang
Taragak badan yo nak batamu
Den nanti ayah untuak palinduang

Bajalan di batu kok tataruang
Bimbiangkan denai oi ayah kanduang/Di nan licin takuik tasilanca
Taba talingo mandanga gunjiang
Ka sia denai tampek batenggang/Ka sia denai tampek bapaham

Barambuih angin mambari tau
Den anak ayah, anak nan bungsu
Sabalun nyao denai malayang
Untuang batamu jo ayah kanduang

(Ciptaan Masroel Mamudja, Dipopulerkan oleh Andi Mulya)
©ourtesy of https://laguminanglamo.wordpress.com/

Rindukan Kampuang

Minangkabau, Minangkabau
Minangkabau, Minangkabau

Reff:

Lah lamo kampuang denai tingga
Kini nyo jauah dimato
Tabayang ranah nan den cinto
Ranah baradaik nan balimbago

Kok babunyi pupuik sarunai
Saluang jo rabab nan maningkahnyo
Saraso manyasak di dado
Rindu ka kampuang nan den cinto

Kok gadang si upiak di rantau
Baok pulang manjanguak kampuangnyo
Baitu sayang ka nagari
Ditinggakan tapi disilau juo

Minangkabau, Minangkabau
Minangkabau, Minangkabau

(Ciptaan (?), Dipopulerkan oleh Andi Mulya)
©ourtesy of https://laguminanglamo.wordpress.com/

Darai Kinantan

Denai tanamkan sarumpun batuang
Hei … nambek caraikan sabilah pun juo
Lah baimbaukan ka urang kampuang
Kicau buruang ondeh mak tadanga juo

Tangiang kukuak ka ateh kampuang
Hei … darai kinantan malah kironyo
Usah diratok oi diak kanduang oi
Linangan jo a ondeh mak mangariangkannyo

Reff:

Baranjak abang nampaklah pungguang
Tibo bagageh caliakkan muko
Elok-elokan adiak manyambuang
Bagesek rabab mambaok carito

Alang babega di hari patang
Hei … bakotek lah ayam kasadonyo
Lapuah sasemba buruang tabang
Bamanisan sialang ondeh mak malah kironyo

(Ciptaan Masroel Mamudja, Dipopulerkan oleh Upik Saunang dan Andi Mulya)
©ourtesy of https://laguminanglamo.wordpress.com/

Gurindam Minang

Mari basamo kito manyanyi
Paubek hati ndeh kanduang nan sadang risau
Kito dendangkan gurindam minang
Pusako lamo nan ndak talupokan

Basabuang angin jo ribuik
Taraso bana ndeh kanduang tabanak tulang
Janji adiak dulu basamo hiduik
Kironyo kini ndak kunjuang pulang

Bakelok-kelok jalan ka baruah
Kok panek badan baok baranti
Sungguahpun adiak kini lah jauah
Kanalah denai di lubuak hati

Bakelok-kelok jalan ka baruah
Kok panek badan baok baranti
Sungguahpun adiak kini lah jauah
Kanalah denai di lubuak hati

[kembali ke atas]

(Ciptaan (?), Dipopulerkan oleh Andi Mulya)
©ourtesy of https://laguminanglamo.wordpress.com/

Cincin Pangikek

Oi adiak nan manih baa bainai kuku kiniko
Palawan dunia rang bacincin ameh yo di jarinyo
Palawan dunia rang bacincin ameh yo di jarinyo

Uda sangko adiak lah ka baralek jo urang lain
Alun lai oi uda alun taniaik di hati ambo
Umua alun cukuik badan nan sadang yo basikola

Kok iyo malawan dunia rang banyak bacincin ameh
Tarimolah cincin untuak diak sayang tando pangikek
Takuik den kok hilang tagamang jari bacincin ameh
Indak ka tagamang bialah uda nan malakekkan

Kok lai namuah bana diak manarimo cincin pangikek
Indak nan sasuai di jari ambo apo ka dayo
Jikok yo baitu di batin sajo janji dipadu

[kembali ke atas]

(Ciptaan Masroel Mamudja, Dipopulerkan oleh Upik Saunang dan Andi Mulya)
©ourtesy of https://laguminanglamo.wordpress.com/

Makan Nasi jo Garam

Kok uda iyo nak ka maminang ambo
Carilah cari karajo dulu
Usahlah pakaikan pantun lamo
Ndak makan, duduak baduo nan paralu

Bialah ka makan bia lah tido o diak oi
Asakan duduak bapandangan
Malakik denai dapek karajo o diak oi
Bialah makan nasi jo garam

Reff:

Kok ka makan nasi nan jo garam
Ndak talok di denai da oi
Sadangkan dek kuciang lai ndak lamak
Kononlah ambo ka mamakan

Jikoklah ka lauik tahan galombang o diak oi
Iyo baitu kalau bamulo
Jikok diak ndak namuah turuik ambo
Putuihkan sajo cinto disiko

Eloklah kito carikan sajo
Jalan nan elok surang-surang
Tandonyo kito indak sajodoh
Ulah makan nasi jo garam

(Ciptaan Masroel Mamudja, Dipopulerkan oleh Upik Saunang dan Andi Mulya)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 267 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,767,483 orang

%d bloggers like this: