Posts Tagged 'Asbon Madjid'

Oi Kampuang

Oi kampuang nan jauah dimato …

Oi kampuang, kampuang nan jauah, jauah lah dari mato
Oi kampuang, kampuang nan jauah, jauah lah dari mato
Ba bukik ba Gunuang Marapi, Singgalang, Kurinci
Ba Aia Mancua ba Danau Singkarak jo Maninjau

Oi kampuang nan jauah di mato
Si upiak takana lah juo

Oi takana, takana jo kawan-kawan nan lamo
Oi takana, takana jo kawan-kawan nan lamo
Sangkek den basuliang-suliang karajo sampai lah sanjo
Takana ayah induak sanak adiak malah kasadonyo

Oi kampuang nan jauah di mato
Si upiak takana lah juo …

Rang kampuang yo, rang kampuang yo banyak nan elok-elok
Rang kampuang yo, rang kampuang yo banyak nan elok-elok
Tuo mudo gadih jo bujang bagotong royong
Sakik sanang samo-samo rato marasokan

Oi kampuang nan jauah di mato
Si upiak takana lah juo …

(Ciptaan Asbon Madjid, Dipopulerkan oleh Juni Amir – Orkes Gumarang)
©ourtesy of https://laguminanglamo.wordpress.com/

Laruik Sanjo

[Versi Gumarang]

Mandi ka Lubuak Mandalian – 2x
Udang disangko tali-tali – 2x
Mabuak untuang jo parasaian – 2x
Patang disangko pagi hari – 2x

Ondeh…ondeh …, lah laruik sanjo …

Lai ditimbo nan ba-udang – 2x
Biluluak juo nan tatimbo – 2x
Lai dicubo nan bak urang – 2x
Nan buruak juo nan tasuo – 2x

Ondeh…ondeh …, lah laruik sanjo …

Hari patang matohari turun – 2x
Dagang baurai aia mato – 2x

Ondeh…ondeh …, lah laruik sanjo …
Ondeh…ondeh …, lah laruik sanjo …

Versi Elly Kasim

Bujang Kirai

Baralah teleng kupiah si Bujang Kirai – 2x
Babaju suto jo badasi panjang
Hilia mudiak di simpang jalan, Bujang Kirai …
Hilia mudiak di simpang jalan, Bujang Kirai …

Lenggang malenggok lagaknyo
Baralah siua rang mudo
Sambia garejok jo mato
Marayu gadih rang koto

Lenggang malenggok lagaknyo
Baralah siua rang mudo
Sambia garejok jo mato
Marayu gadih rang koto

Bara angguak jo sapo galak manyaringai – 2x
Geleang ka suok, geleang ka kida
Sayang sipatu manggigik lah pulo, Bujang Kirai …
Sayang sipatu manggigik lah pulo, Bujang Kirai …

Lenggang malenggok lagaknyo
Baralah siua rang mudo
Sambia garejok jo mato
Marayu gadih rang koto

Lenggang malenggok lagaknyo
Baralah siua rang mudo
Sambia garejok jo mato
Marayu gadih rang koto

(Ciptaan Asbon Madjid, Dipopulerkan oleh Gumarang)
©ourtesy of https://laguminanglamo.wordpress.com/

Hati Risau

Singkarak kotonyo tinggi
Sumaniak mandado dulang
Singkarak kotonyo tinggi
Sumaniak mandado dulang

Awan bararak denai tangisi (sayang)
Tambatan hati dirangguik urang
Awan bararak denai tangisi (sayang)
Tambatan hati dirangguik urang

Singkarak aianyo dalam
Cubadak dalam parahu
Singkarak aianyo dalam
Cubadak dalam parahu

Hati risau ramuak di dalam (sayang)
Indaklah ado urang nan tahu
Hati risau ramuak di dalam (sayang)
Indaklah ado urang nan tahu

Singkarak aianyo tanang
Nan dareh si Batang Anai
Singkarak aianyo tanang
Nan dareh si Batang Anai

Marantau disangko sanang (sayang)
Malah kironyo badan nan sansai
Marantau disangko sanang (sayang)
Malah kironyo badan nan sansai

(Ciptaan Asbon Madjid, Dipopulerkan oleh Gumarang)
©ourtesy of https://laguminanglamo.wordpress.com/

Kodok Kodok

Rumpuik ilalang limpo-limpo mangkudu
Dibaok tigo tigo tigo salapan
Dipandang dipandang hati katuju
Hati katuju upiak upiak kan anggan

Panek tagak tagak tagak mananti
Bak cando raso raso raso ka tibo
Taragak lah sasuai nan di hati
Kironyo buruang lapeh lapeh ka rimbo

Mandangkuang kodok kodok si kodok
Itulah tando tando tando ka hujan
Oi adiak dipandang darah tasirok

Indak disangko sangko sangko bapunyo
Indak disangko sangko sangko bapunyo
Indak disangko sangko sangko bapunyo

(Ciptaan Asbon Madjid, Dipopulerkan oleh Gumarang)
©ourtesy of https://laguminanglamo.wordpress.com/

Baju Kuruang

Baju kuruang, ondeh ondeh lah si baju kuruang
Basalendang suto nan aluih ba maniak-maniak
Saruang babungo banang ameh tanunan lamo
Silopnyo baludu hijau nan babungo pulo

Baju kuruang, ondeh ondeh si baju kuruang -2x

Baju kuruang, ondeh ondeh lah si baju kuruang
Yo nan rancak baju kuruang urang Koto Gadang
Langannyo laweh badannyo disangajo lapang
Sangguanyo bulek licin bakonde bungo kambang

Baju kuruang, ondeh ondeh si baju kuruang -2x

Baju kuruang, ondeh ondeh lah si baju kuruang
Dipakai dek anak gadih urang Koto Gadang
Jalannyo malenggang, mandaki manurun ngarai
Dimalah bujang ndak ka laruik mambao sansai

Baju kuruang, ondeh ondeh si baju kuruang -8x

(Ciptaan Asbon Madjid, Dipopulerkan oleh Syaiful Nawas – Orkes Gumarang)
©ourtesy of https://laguminanglamo.wordpress.com/

Buruak Pinto

Urang mudo nak Pagaruyuang
Yo nak lalu ka Sawahlunto
Bukan salah (bukan salah) bundo manganduang
Iyolah badan nan buruak pinto -2x

Anak urang Kampuang Tarandam
Pasa Usang bali kaliki
Dima badan (dima badan) indak ka karam
Layia lah usang, biduak pun tirih -2x

Anak ayam di rumpun buluah
Duo tigo baru manateh
Dalam aia (dalam aia) badan bapaluah
Konon lah pulo ditimpo paneh -2x

Urang mudo nak Pagaruyuang
Yo nak lalu ka Sawahlunto
Bukan salah (bukan salah) bundo manganduang
Iyolah badan nan buruak pinto -2x

(Ciptaan Asbon Madjid, Dipopulerkan oleh Nurseha – Gumarang Group)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 259 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,018,994 orang

%d bloggers like this: