Posts Tagged 'B. Anduska'

Salah Surang

Jikok ndak tahu diagiah tahu
Upiak manutuik pintu hatinyo
Kini manangih tasadu sadu
Alang nan tabang alah bapunyo

Arok ka mandapek alang bondo tabang
Punai ditangan lah dilapehkannyo
Alang ado tando diikua balakang
Namun si upiak mamapehnyo juo

Badan si upiak lah angek dingin
Alang disayang mulai malawan
Indak lai namuah diajak main
Alang nak pulang yo ka pauiktan

Barakaik doanyo Marapi Singgalang
Alang mulai takana jo sarangnyo
Lah bahampeh hampeh badan nan karempeang
Manangih bana indak ado guno

Dahulu banyak rang mangatokan
Sayangnyo upiak ndak manarimo
Kini bialah nak nyo rasokan
Sasa kudian indak baguno

(Ciptaan B. Anduska, Dipopulerkan oleh Nell Yulius, Sumbangan lirik oleh Ijoenk)
©ourtesy of https://laguminanglamo.wordpress.com/

Nasib Anak Bujang

Alah ambo bujang, nak pai ka ladang
Lah busuak di batang pisang buai
Anak gadih urang joa ka dipinang
Untuang badan diri dalam sansai

Manjadi nak gadih yo sabana sanang
Bia bansaik bantuak kok lai manih
Cintonyo kok putuih jo nan bujang bujang
Urang gaek botak barasaki

IPS bagandiang kini jo APD
Padati manangih mintak jalan
Gadih rancak urang joa ka direde
Bujang indak ado oto sedan

Maliek tunangan dibaok om sanang
Bujang hanyo dapek gigik jari
Ka dibuang sayang yo sabana sayang
Ka ditahan bujang makan hati – 2x

(Ciptaan B. Anduska, Dipopulerkan oleh Eva Noerdin, Sumbangan lirik oleh Ijoenk)
©ourtesy of https://laguminanglamo.wordpress.com/

Dukun Palasu

Angku dukun (sia tu?)
Rang jauah (oi.. masuaklah)
Tarimo kasih ngku dukun

Langganan awaklah kironyo
Tapi den dikarajokan juo
Kok denai mintak ubek
Tangannyo sangaik lesek
Manjala yo bak ulek sasek

Arok ka cegak, apo dimintak
Indak ado nan ditulak

Angku dukun (sayang)
Dukun Palasu (ee.. kurang aja)
Ndak tahu denai ko lah bapunyo
Bialah den indak batanyo
Dukun apo tu kah namonyo

Denaiko laki-laki
Kau indak mangarati
Basetan maliek padusi

Sinan babini siko babini
Ilmunyo ndak mangkuih lai

Reff:

Kok nan datang rancak tampangnyo
Dukun mulai sasak angoknyo
Sakik batambah dibueknyo
Dukun palasu lah kironyo

Angku dukun (iyo piak)
Mangaku! (tentang apo?)
Karajoko nan bara lah bara lamo
Lamonyo alun bara lamo
Ka kantua polisi tu pun beko

Jiko iyopun baitu
Bialah den mangaku
Den iyo dukun nan palasu
Gadih jo jando asa batino
Nyo tangguak dapek sadonyo

(Ciptaan B. Anduska, Dipopulerkan oleh Eva Noerdin, Sumbangan lirik oleh Ijoenk)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 261 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,174,700 orang

%d bloggers like this: